ထာဝရသူငယ်ချင်း (B.F.F) (Z+U){Completed}

21:Venus(The god of the love❣)

"မေမေ..သားပြန်ရောက်ပြီ..."
ခေါင်းငိုက်စိုက်ချကာ အိမ်ထဲဝင်လာသော သူ့ကို ဧည့်ခန်းတွင် စာဖတ်နေသော ကြယ်စင်က အသံကြား၍ မော့ကြည့်သည်။
"ကိုကို..နေမကောင်းဘူးလား.?..."
"ကောင်းပါတယ်...."ဟုသာပြောပြီး အခန်းသို့ခြေလှမ်း ခဲ့သည်။

မေမေက သူတို့မောင်နှမအသံကြား၍ ထွက်လာကာ
"သား...ချစ်ရိပ်လေး..မနက်က..ဖုန်းဆက်တယ်..ဒီညနေ..designerနဲ့..ဝတ်စုံအပ်ဖို့အတွက်..သွားရမယ်..သား..တစ်ခါတည်းကိုယ်တိုင်းရမှာတဲ့..."
"မေမေတို့ပဲ..ကောင်းသလိုလုပ်ပါ..."

သူ့အပြောကို မေမေက သဘောမတွေ့စွာဖြင့်
"ဘယ်လိုပြောလိုက်တာလဲ.. သား..မင်္ဂလာဝတ်စုံဆိုတာ..သတို့သား၊သတို့သမီး..ကိုယ်တိုင်..ကြည်ကြည်နူးနူး..အတူတူ..ဝယ်ရမယ်လေ..မေမေတို့က..ဘယ်လိုစီစဥ်ပေးလို့ရမှာလဲ...သားတို့နှစ်ယောက်..သဘောပဲလေ..pre-wedding ရိုက်ဖို့အတွက်ရောဆိုရင်..အခုကတည်းက..အပ်ထားရမှာပေါ့...အာရုံနည်းနည်းစိုက်ပါဦး..သားရယ်..."

သူဘာတစ်ခွန်းမျှ မတုံ့ပြန်ပဲ အိပ်ခန်းဆီသို့သာ ခပ်သွက်သွက်လှမ်းလာလိုက်တော့သည်။မေမေကတော့ အားမလိုအားမရဖြင့် ပွစိပွစိပြောကာ
"ဘယ်လိုပါလိမ့်...ဒီကလေးကြည့်ရတာ...စိတ်နဲ့လူနဲ့ မကပ်သလိုပဲ.."
"စိတ်နဲ့လူနဲ့မကပ်တာ..မဟုတ်ဘူးမေမေ..ကိုကိုကစက်ရုပ်ဖြစ်သွားတာ...မေမေဘာခိုင်းခိုင်း..လုပ်မှာပါ..အဲ့အတွက်တော့..မေမေစိတ်ချ...."

"အဲ့လိုဖြစ်နေဖို့ပဲ..အရေးကြီးတာပါလေ..ကဲ..သမီး..နင့်အကိုကို..စိတ်ကြည်အောင်..သံပုရာရည်လေးဘာလေး..သွားပို့ပေးလိုက်...မေမေ..အပြင်ခဏသွားဦးမယ်...."
"ဟုတ်ကဲ့...."

မေမေမှာသွားသည့်အတိုင်း သူမ သံပုရာရည် တစ်ခွက်ဖျော်ကာ ကိုကို့အခန်းထဲသွားပို့တော့ အခန်းတံခါးက ယခင်လိုပင် ပိတ်မထားတော့ပဲ စေ့ရုံသာဖြစ်၍ ဝင်လာခဲ့လိုက်တော့ အိပ်ယာထက်တွင် နှစ်နှစ်ခြိုက်ခြိုက် အိပ်ပျော်နေသည်ကို တွေ့ရသည်။

အင်းလေ..အိပ်မှာပေါ့..ကိုကိုညဘက်တွေ..ကောင်း
ကောင်းမှ မအိပ်ပဲ...ကြယ်စင်တရေးနိုးတဲ့..အချိန်အထိ..ကိုကို့အခန်းမီး..မပိတ်သေးပဲ..တစ်ခါတစ်လေ ဆို..စာရေးစားပွဲပေါ်မှာ..ညလုံးပေါက်အောင်..ကိုကိုထိုင်နေတယ်..မဟုတ်လား...ကိုကို့ပုံစံက..အားလုံးရဲ့ပြောစကားတွေကို..တစ်ခုမျှ..မဆန့်ကျင်ပဲ...အလိုက်သင့်ခေါင်းညိမ့်ပြီး..လိုက်လုပ်ပေးနေရတဲ့..သံပတ်ပေးစက်ရုပ်တစ်ရုပ်လိုပဲ....ကြယ်စင်..ဘာလုပ်ရမှာလဲ...ကြယ်စင့်ကြောင့်..ခုလိုတွေ..ဆုံးဖြတ်ခဲ့တာကို..ကြယ်စင်မကြည့်ရက်တော့ဘူး..ကိုကိုရယ်.........