BEAUTY in the End of ZIGZAG

CHAPTER 30 (TSG COFFEESHOP)

Oh my, look Kayce so handsome

Gosh Glecy I know them
They are my schoolmates

Really?

Rinig naming usapan ng mga babae sa kabilang mesa. Pinagtitinginan din kami ng iba pang mga nasa table pero talagang wala akong pakialam sa kanila.

ERRIAH’S POV

Matapos ang makabagbag damdaming sagutan sa A.I Room ay dumiristo na kami ni Yuna sa boarding house. Sinadya ko talaga hindi kausapin sila koreano dahil natatalo ako ng emosyon ko at makikita nila kung gaano kalungkot ang mukha ko at ayokong kaawaan nila ko.

Nag-isip-isip muna ako sa boarding house tungkol sa mga nangyari at ayusin ang mga plano ko pero walang nangyari dahil paulit-ulit na pumapasok sa isip ko mama. Kung buhay pa sana siya paniguradong ipagtatanggol din niya sa kanila.

Wala akong naayos kahit isa kaya inagahan na lang namin ang pagpasok sa trabaho para maukupa ng ibang bagay ang isip ko.

“Ibigay mo ‘to doon sa bagong dating” utos sa akin ni ate Suzette sabay abot ng menu card sa akin.

Si ate Suzette ay kapatid ng naging matalik kong kaibigan noong senior high kaya ganoon na lang kadali para sa amin ni Yunang makapasok dito sa trabaho.

Nakayoko lang akong naglalakad dahil masiyadong mapangmata ang mga costumer sa coffeeshop na ‘to ng makarating sa mesa kung saan nakaupo yong mga bagong dating yan iniabot ko agad isa-isa yong menu card pero natigil ako ng hindi parin ito kinukuha ng isa kaya naman nag-angat ako ng tingin at ganoon na lang ang panlalaki ng mata ng makita ko si koreano na nanlalaki din ang mga mata.

Tinakasan ko na nga kanina nagpakita pa rin ngayon.

Madali kong ibinalik ang itsura ko. Pinasadahan ni koreano ng tingin ang buong itsura kaya naman napalunok ako ng ilang ulit. Tinignan ko din silang tatlo kaya napansin kong hindi pa sila umuuwi dahil ganoon pa din ang suot nila.

Ngayon lang ba siya nakakita ng isang waitress? Tanong ko sa isip ko dahil nakailang ulit ng tignan ni koreano ang buong itsura ko.

“HOY KULOT” tawag niya sakin ng may diin. Tinignan ko naman siya ng sobrang tamad na tingin “Anong ginagawa mo dito ha?” biglang tanong niya

“Pssh ano bang paki’lam mo!?” mataray na sagot ko sa kanya kaya naman unti-unti ng umuusok ang ilong niya sa inis.

“Aba-aba, nagtataray ka sakin ngayon matapos ka naming tulungan” panunumbat niya sakin kaya naman naging masama ang tingin ko sa kanya

Pilit ko ngang kinakalimutan ang nangyari kanina pinaalala naman ng kumag na ‘to

“Pssh, hindi ako pwedeng makipagusap sa inyo tungkol sa kung ano man” sabi ko sa kanila at nakita at narinig ko naman ang panggagaya ni koreano sa sinabi ko kahit mahina lamang ‘yon.

May topak yata ‘to eh.

“Ahm Erriah Iced Espresso sakin” biglang sabi ni Lim

“Yon na din ang akin Erriah” sabi naman ni Crocker

Inilista ko na ang order nilang dalawa saka tinignan ko naman si koreano na kunot na kunot ang noo habang nakatingin sa menu card. Napabuntong hininga ako habang hinihintay ang order niya.

1 minute

3 minutes

5 minutes

10 minutes