نهوة السلطان ( خلقت لأعشقها)

البارت ٢٦

طلع اني وصلته للباب

عشق: اول مرة تسوي شغله بيها خير مشكور

سمير :يعني هسة هذا اعتبرة اطلاء لو دتغلطين علي

عشق: ههه لا  صدك احجي  اتقذتها  الله يعلم شجانو مخططين يسون بيها

سمير : لا عشق ديري بالج ترى ذوله الناس حاقده ... سلطان وين صدك ماكو

عشق: راح عنده شغل خارج المحافضه ميرجع  ل٧ ايام

سمي: اذا سلطان مموجود ليش ماتجين علينا كضي الايام ال٧ يمنه ومن يرجع سلطان رجعي لو تسيتينه منراد بعد اجو بمكانه بيت عمج

عشق:لا شلون انتو اهلي مو خوالي انشاء الله اجي بس خل اخذ اذن سلطان

سمير.: فلللك عشق الجانت تمشي على. هواها محد يكدر يكللها لاء هسة تاخذ اذن .

عشق: هههههه زين ليش متبقه يمنه تتغدا وتروح

سمير : لا عندي شغل بالمعرض

عشق: ليش انت دتشتغل بالمعرض مالكم

سمير : اييي

عشق : لاء مطوررين انتوو

سمير : ههه يلاا باي

عشق :الله وياك دير بالك من الطريق

سمير : انشاء الله

راح سمير على سيارته... طبيت للبيت لكيت عمتي واحمد عياطهم تارس البيت

ام سلطان : كله منك انت وسلطان ومشاكلكم شوفو تندكون بالعالم وحنه النكع بيها انت تسوي مشاكل واخوك يغطي عليك

سلوى : يووم صوتج الله ينطيج

احمد : لا عوفيها مترتاح اذا ماتفضحنه

ام سلطان : اني الي هسة صرت افضحكم مافضحتنه  من وين ماكو واحد خايس يلحك خواتك مايكدرت يطلعن باب البيت مو عيشه هاي

عشق :  عمه احمد شعلي هم ذولاك الميخافون الله اذا هم صدك عدهم حك ويا سلطان واحمد يجون ياخذونه كدام الناس وبطريقه زلم مو مثل المجرمين

ام سلطان :  انتي ولا نفس  لا دخلين روحج بولدي تريد تسويني اني الغلطانه واني الي ماحب ولدي قبل لاتجين للدنيا اني جبتهم هذوله اذا تشوفينهم زلم كول عرض هو اني السويتهم هيج مو هم

عشق: عمه اني مقصدي شي بس(ماقطعه)

ام سلطان : لوتموتين الي ابالج مايصير  مو انتي احن على  ولدي علي اني امهم  ولو انتي شمدريج بالام شنو ...

احمد بعيطه: يووووم

عشق: اسفه عمه اذا كلت شي بدون ما اقصد و..وكلامج صحيح اني ما اعرف شنو الام اعذريني

الجده : اووف منج اذا تسدين حلكج وهذا لسانج ولا ينضف

سلوى : عشق