سجينة كارلس (باللهجة الجزائرية)

سجينة كالس (الحلقة 18)

#سجينة_كارلس
الحلقة18:
طلع لبيتهم فتح الباب لقاها راقدة فوق الفوتاي عند التاقة ، تزير عليه قلبو وقت تفكر خيانتو ليها نقم على روحو و ندم ، مالغري تظل تصد فيه و تجركو و تعاملو بهاذيك المعاملة مي مكانش حاب يضرها ،
غلق الباب موراه و راح ليها رفدها و داها للفراش بش يحطها حتى بدات تفطن تفتح في عينيها و بصوت هادي غالبو النعاس
جيهان: جيييت .. كارلس جيت
كارلس: ايه جيت كملي رقادك
هو قبل مايكمل هدرتو عاودت غفات ، تعرفو يمات الشتا الظلمة على 7:00 تع الصباح مش حتى 5:30 و لا 6:00
دخل للدوش فتح العين و قعد تحتها والما يسيل عليه باقي هكذاك واقف تحت المرش مدة ممبعد خرج لاف السربيتة عليه ،وقت هداك هي رجعت فطنت و بدات تحل في عينيها ممبعد سمعت التقربيع خزرت بجيه لقاتو فاتح الخزانة و يجبد في حوايجو
جيهان: وقتاش جيت
كارلس: فاش يهمك
جيهان: نحكي معاك سيريو ليل كومبلي و انا نسنى فيك خفت يكون صارلك شي
خزر فيها
كارلس: فش يهمك كي يصرالي شي حتى و نموت نتي وش دخلك ياك مانهمكش و ماتحسي بوالو من جيهتس غير الكره علاه تحوسي تعرفي وش يصرالي وش مايصراليش
جيهان: اذا راك على الشي لي صرا بيناتنا البارح انا مش قصدي نحكي هكذاك مي نتا جبرتني و تقلقت من تصرفاتك
كارلس: انا جبرتك ! نتي وحدك المسؤولة على الشي ليراه يصرا بيناتنا و المشاكل ليراهم يصراو ، مادامك عمذا و كنتي تحبي انسان وحدوخر علاه قبلتي تتزوجيني كنتي ماتقبليش كانت الاضرار راح تكون قليلة و ماكناش راح نجرحو بعضانا بالكلام
ناضت من بلاصتها و راحت توجهت ليه وقفت قدامو
جيهان: هههه ماتضحكنيش كانو مش نتا لي جبرتني على هاذ الشي
كارلس : على وش جبرتك كل حاجة كانت برضايتك و رضاية والديك
جيهان: برضايتي!! بركانا صح نسيت وش عملت بعثت صاحبك يبتز في بابا  بالدين تاع خويا تامر الله يرحمو و خيرتو يا اما يقبل يخليك تتزوجني و لا رح تسلبنا كامل املاكنا
خزر فيها مستغرب
كارلس: تحكي سيريو؟؟؟
جيهان: تبانلي نتا راك تتمسخر ماركش نورمال
كارلس : ماعليش تفهمينس وش صرا من اللول خاتش ماني فاهم والو وش من الابتزاز لي تحكي عليه و جبرتك بش تتزوجي بيا و الدين تع خوك تامر ياك انا قبلت نسمحلكم فيه من الاول
جيهان: يعني حاب تفهمني ماعندك حتى علاقة في هاذ الشي
كارلس: احكيلي من اللول بش نفهم
يدات تحكيلو جيهان كامل الاحداث لي صراو حتى نهار زواجعم يقا مصدوم في سيف وش عمل و الشي لي صدمو كثر انو جيهان انجبرت بش تتزوج بيه و هذا سبب مرها ليه لغير مبرر
كارلس: الشي لي تحكي فيه صعيب يتصدق سيف ماسعملش هاذ الشي وانا وقت طلبتك للزواج باسكو شفتك من قبل و عجبتيني و نحلفلك بالله ماعندي خبر بهاذ الشي و جامي لاحاولت نجبرك على الزواج بيا ، و ضرك نعيط لسيف و نحاول نفهم منو وش صرا
رفد تيليفونو فورمالو ف
قعد يصوني شوية ممبتد رفد
سيف: عاش من سمع صوتك صاحبي هذا كامل شهر عسل
كارلس: بلع ماهوش وقت تمسخيرك، راني حاب نسقسيك حاجة جاوبني بصراحة بلا ماتلف و دور
سيف: خير وش كاين؟!
كارلس: نتا ابتزيت سي حسان و خليتو يزوجني بنتو رغم لي هوما كانو رافضين هاذ الشي
سيف: اصبر كارلس نفهمك من الاول
كارلس: جاوبني ماتقلقنيش**** ابتزيتهم و لالا لالا
سيف: ايه مي ...... تيت تيت تيت
كوبالو في وجهو و راح يلبس في حوايجو قدامها بقلق و يغصب وجهو حمر عروقو يبانو
جيهان: وشبيك وش كاين
كارلس: بعدي من طريقي
جيهان: فهمني وش قلك وش صرا
بعدها خبط الباب و خرج هي خافتو يدير كاش حاجة خرجت موراه ماجات تهبط تحت كان هو خلاص ركب طونوبيلتو و قلع راحت تجري للشوفير
جيهان: بسرعة الحق كارلس ، وركبت ماللور ، راحو موراه

بعد 20 دقيقة وصل للفيلا تع سيف دخل فرينا طونوبيل وراح يصوني قريب حرق لاصونات فتحتلو الخدامة طبعها و دخل
كارلس: سيف...سيييييف
الخدامة: وش كاين مسيو كارلس
كارلس : وين راه سيف
الخدامة: مسيو سيف في البيرو تاعو مي علاه وش كاين....
قبل ماتحكمل هدرتها راح قبالا للبيرو زدم عليه
وقف سيف
سيف: كارلس اصبر نفهمك
عطاه ببونيا للوجه بدا يضرب فيه ممبعد شدو من الكول تاعو و بدا يحكي
كارلس : علاه عللاااه علاه تعمل فيا هكذا ، علاه وزاد ضربو بسيف لطلقو يتنهد و سيف الدم يسيل من فمو يحاول يشرحلو ، هذاك الوقت وصلت هي دخلت ظيراكتومون لقات الخدامة مخلوعة
جيهان: وينو ميسيو كارلس
الخدامة: مسيو كارلس في البيرو راه يتعارك هو و مسيو سيف و انا رح نعيط للحراس خايفة يقتلو
جيهان : ماتعيطي لحتى واحد راني جيت انا ماتخفيش مارح نخلي حتى حاجة تصرا ، وين جاي البيرو؟
الخدامة: كملي قبالا و دوري على يدك ليمنى
جيهان: صحا
وراحت تجري .....
كانو هوما يحكو
كارلس: علاه ياسيف علاه تعمل فيا هكذا علاه
سيف: اسمحلي والله ماقصدي ناذيك صح درت غلطة مي كي شفتك حبيتها لهاذ الدرجة ماقدرتش نشوفك هكذا بلا ماندير حتى حاجة في خاطرك و باباها ماكانش قابل يزوجهالك اضطريت نستخدم هاذ الوسيلة الوحيدة و نجحت ضرك راكم متزوجين و عايشين حياتكم و قدرت ندير حاجة نفرحك صح خبيت عليك مي على الاقل قدرت نجمعكم
كارلس: يا حمار الغلطة تاعك كلفتني بزاف علاه .....

اراءكم؟