الحلقة9:
وصلت لشاطئها المفضل و بقات مريحة في الطونوبيل مقابلاتو و تخمم حتى شافت قط كان واضح انو حاجة عالقة في رجلو نزلت من الطونوبيل و راحت ليه لقات رجلو حاصلة بين الرملة سلكتهالو و رفداتو في يدها بدات تحككلو ممبعد حطاتو و خلاتو يروح
لؤي: جيهان و اخيرا لقيتك
سمعت صوتو دارت و بلخف عينيها تعباو دموع و بقات تخزر فيه بلا ماتحكي
لؤي: جيهان وين كنتي عندي كثر من سمانة كل يوم نجي لهنا صباح و عشية و في ليل بش نلقاك و مانلقاكش
جيهان: يعني علاه تحوس عليا
لؤي: كيفاه علاه تحيرت عليك اختفيتي فجاة حتى داركم مانعرفش وين تسكني و ماعنديش نيميرو تيليفون تاعك وين كنتي جيهان علاه ختافيتي هكذا اهدري
جيهان: عادي ماجاتنيش في بالي نجي هنايا نورمال ، زيد بالزيادة جيت و ماحبيتش نديرونجيك كي كنت مع حبيبتك
لؤي: حبيبتي ! شكون حبيبتي
جيهان: لؤي ماتبداش تلف و دور خلينا من هاذ السماطة زيد بالزيادة انا نخليك نروح ( جات رايحة جبدها من ذراعها)
لؤي: مستحيل نخليك تروحي حتى تفهميني وش كاين وشبيك ، ارواحي نقعدو 5 دقايق فهميني و نروحو
راحو قعدو و حكاتلو وش صرا (بلا ماندخلو في التفاصيل)
لؤي: يعني كيشفتيها عنقتني و باستني روحتي بلا ماتفهمي حتى حاجة و لا تسالسنس
جيهان: علاه نسالك نتا حر وش دخلني انا يعنس حبيبتك و بيناتكم وش راحلي فيكم
لؤي: ماتحكيش بعاذ لافاصون جيهان و هذيك ماهيش حبيبتي هذيك وحدة تظل لاصقة فيا وين نروح تبعني و هذاك نهار شفتيها هي باستني مش انا و كون زدتي شوي لوكان راكي شفتيني كيفاه بعدتها و حطيتلها حدها مي نتي قبالا رحتي و غضبتي و حكمتي عليا بلا ماتسمعيني
جيهان: يعني تحكي صح و لا راك تحاول تخبي
لؤي: علاش نخبي ماعندي مانخبي لي كاين راني قلتهولك ونتي حرة تصدقيني و لا ماتصدقينيش
جيهان: خلاص sorry راني مصدقاتك و الحمد لله ماصرا والو
لؤي: و بخصوض هاذ الشي في غيابك عليا طول هاذ المدة حسيت بحاجة من جيهتك توحشتك جيهان ماكانش لازم تبعدي بهاذ الطريقة
جيهان: ديزولي مي في هذيك الحالة ماكنت قادرة نخمم في والو
لؤي: جيهان حاب نصارحك بحاجة
جيهان: تفضل احكي
لؤي : تعجبيني بزاف و نظن بديت نحبك ( شدها من ذراعتيها و قربها ليه جا رح يبوسها لحظتها تفكرت كارلس جاها بين عينيها ) بعداتو و جبدت روحها منو
جيهان: مش وقتو هاذ الشي اصلا مانعرفوش بعضانا مليح و نتا ماتعرف عليا والو
لؤي: لالا وقتو جيهان راني نقلك بديت نحبك و حابك تكوني معايا ، صح مانعرفوش بعضانا من مدة طويلة مي هاذ المدة عرفت عليك بزاف حاجات مانيش محتاج نزيد نعرف شي وحدوخر
جيهان: لؤي كاين بزاف حاجات لازم تعرفهم ضرك انا ماقلتهملكش و ماعرفتش كفاه نقولهملك
لؤي: مانحتاج تقوليلي والو جيهان اشششت مش وقتو هاذ الكلام حابك تخمي و تفكري نتي وش تحسي من جيهتي هاو ليك نيميرو تاعي في هاذ لاكارت اوين راني نخدم كي تلقاي جواب على سؤالي عيطيلي و قوليلي اوكي
تبسمت معاه
جيعان: اوكي
رجعت جيهان للدار و هي فرحانة لانو لؤي اعترفلها بمشاعرو لانو حتى هي كانت تحس بنفس الشي من جيهتو الا انو لازمها تتخلص من مشكلتها لي هي "كارلس" اول شي ممبعد تخمم في حياتها مع لؤي اول شي لازم تحكيلو على البروبلام تعها و تصارحو و قررت تحكيلو يوم عيد ميلادها كلشي.
__________________
بعد اسبوع:
كان باقي يومين على عيد ميلاد جيهان و كانت رح تحتفل بيه هي و عيلتها و جماعة من ليزامي توعها و قررت تعزم لؤي منها تعرفو على عيلتها و لكن كصديق و منها تحكيلو على روحها و تعترفلو بحبها ليه حتى هي ، مالا رفدت تيليفون بش تعيطلو
جيهان: ممم نو نو خلي نروح ليه احسن و نعزمو شخصيا
رحت بدلت حوايجها لبست سروال نواغ جين ، بيل غوز تع صوف بوت و فاست و خرجت راحت مباشرة لمكان خدمتو المذكور في البطاقة ، كي وصلت راحت سقساتهم في الاستقبال
جيهان: لؤي *** هنا؟
الشخص: مسيو لؤي ماهوش هنا ماجاش اليوم
جيهان: اااا دوماج ممكن عنوان بيتو ولا الفندق لي نازل فيه
الشخص: اوكي هذا هو اللوتيل ليراه قاعد فيه سقسيهم تم يورولك وين قاعد
جيهان: اوكي ميرسي
راخت للعنوان لي عطاوهولها لحقت للاوتيل سقساتهم تحت وراولها لاشومبر تاعو ، طلعت في الاسونسير وهي ماشية في الكولوار هذاك لاحظت انو باب لاشومبر مفتوح تبسمت مالا حبت تدخل ديرلو مفاجئة طبعت الباب و المفاجئة كانت ليها هي ......
اراءكم؟ ماهي توقعاتكم للحلقة القادمة في رايكم وشنو هي المفاجئة لي شافتها جيهان؟
تفاعلكم 💜😍
YOU ARE READING
سجينة كارلس (باللهجة الجزائرية)
Romanceتزوجتك دون ان احبك، قبلت بك و ضحيت بنفسي من اجل ان تعيش عائلتي ،تقبلت فكرة ان اكون زوجتك و لكني لم اتقبل ان اكون امراتك فسجنتني عندك حرمتني حريتي و حرمتني من كل شيء حطمت احلامي و ذكرياتي و تقول لي احبك ! اتسمي هذا حبا اتسمي هذا عشقا ........ يتبع
