Through the Light and Dark (Saudade Series #1)

Kabanata 27

Kabanata 27

Contract

"Mga Maristella raw! Oo, matagal na palang patay si Sir Jirch?"

"Sa kanilang mansiyon pala ang pinasok dati? Siguro nga ay wala pala talaga tayong alam sa pamilya nila."

"Napaka-private naman kasi nilang tao. Dating Gobernador ng Batangas si Sir Jirch Maristella! Akalain n'yo 'yon? Paano kaya nangyari 'yon, e, hindi ba't naging CEO na siya ng Shining M?"

"Gaga, hindi ka lang siguro nakikinig sa teacher mo dati. Pamilyar kaya ang apelyido nila sa 'kin! Parang nabasa o narinig ko na dati noong nag-aaral ako. Hay, ewan ko ba!"

I just had to keep my posture as I walked in front of them. It was office hours but why were they here? Were they not aware of the rules at their company that it wasn't allowed to talk about the personal lives of the Maristellas? Their bosses?

I thought I would just let it pass, but I immediately turned my head around them, causing their eyes to grow bigger. Napaawang ang labi ng isa, hindi makapaniwala na narinig ko lahat. Naghihilaan paatras ang tatlo.

"M-Ma'am Ja-"

Kunwari akong tumingin sa relo ko. "Hindi ba kayo aware na may pasok kayo ngayon?" Nagtaas ako ng kilay, sabay halukipkip.

"I-I apologize, Ma'am," sabi ng isa na nagsabing matagal nang patay si Dad. Paano nila nalaman 'yon? Pribado ang bagay na 'yon! Limitado lang ang nakaaalam kaya, paano?

"Ma'am, sa balita lang po namin nalaman. We're sorry, Ma'am Jaryllca. Hindi na po mauulit."

"Tara na, may pasok pa tayo," anang babae sa isang garalgal na boses, sabay hila sa kaniyang dalawa pang kasama. Yumuko ang isa sa akin bilang paghingi ng tawad.

Ngayon lang naging ganito ang asal ko sa kanila. I was always kind to them. I've never raised my voice because there was no valid reason to do so. But now? I couldn't do that anymore. What's private stays private. It's not that hard to mind their own business.

Naging dahan-dahan ang pagpihit ko sa pinto nang maalala ang sinabi ng babae kanina. Sa balita raw nila... nalaman?

Pagkapasok ko, dali-dali kong binuksan ang aking bag para kunin ang laptop. I logged in my Facebook. Paulit-ulit akong nag-scroll sa feed ko pero iisa lang ang laman. Iisa lang ang topic. It was about my father's death, and him being a Governor in Batangas before. That was all brought up today.

Hindi malabong may binagong impormasyon. O hindi kaya'y dinagdag at binawas. Dahil hindi lahat ng nasa balita ay totoo.

Sino'ng nagpakalat nito? Bakit ngayon pa! Tapos na ang lahat, bakit binabalik pa nila?

BREAKING: Ang dating gobernador na si Jirch Maristella, patay na, 5 taon ang nakalipas. Ngayon lang isinapubliko ng pamilyang Maristella ang bagay na iyon. At ang unang nakaalam ay ang mga natitirang sindikato na nanloob sa mansiyon ng mga Maristella kung nasaan ang Mayor Jocelyn Ledres noong 2002, na siyang pinatay rin ng mga matagal nang nagtatago sa mga kasalanang ginawa; ngayon ay mga nakakulong na.

Hindi ko na namalayan ang paghahabol ko ng hininga pati ang pamumuo ng luha sa 'king mga mata. Hindi ko na rin napansin ang sunod-sunod na katok mula sa pinto. Wala akong lakas para pagbuksan ang kung sino mang 'yon.

Lumagpas na sa limang katok pero hindi pa rin ito tumitigil. Bukas naman iyon at wala na akong kasalanan kung hindi ko siya mapagbubuksan. My heart was becoming tight because of what I had read. Ex-Governor of Batangas and was the CEO of Shining M, Jirch Maristella, my Dad.

Hindi ko alam kung paano at kailan, pero sobrang proud ako sa kaniya. Sobra pa sa sobra. He was the best Dad I've ever had.

Nagulat na lang ako nang makita kong pumihit ang doorknob ng pinto. Napakaraming katok na pala ang nagdaan pero hindi ko man lang iyon napansin dahil masyadong okyupado ang utak ko sa nabasa ilang minuto ang nakalipas.