لعنة كاميليا -Camellia's curse

الفصل الثاني 🖤

من كتر الالم والوجع وقعت علي الارض والموبيل وقع جنبي علي وشه وبدأت أفقد الوعي بس ساعتها قرب مني وشوفته شوفت الي كان في التابوت والي كان ورايا عينيه الي كانت مميزة اوي عينيه كانت حمرا ومنورة زي عينين القطط جلد وشه كان متآكل وبيقع وهو بيحرك وشه وكان في عضم من وشه باين وشكله مرعب و بدأ يهمس بأسمي وقال كلام مفهمتش منه اي حاجة او انا مكنش فيا حيل افهم وفقدت الوعي مش عارفة ساعتها انا كنت مت ولا فقدت الوعي بس طلما انا بحكي دلوقتي يبقي لسة عايشة فمش عارفة فضلت قد ايه فاقدة الوعي بس فتحت عيني براحة وبصيت حوليا لقيت نفسي في الخيمة بتاعتي في الرحلة جيت اقوم لقيت وجع كبير في بطني حطيت ايدي بسرعة علي بطني وبصيت ملقتش حاجة مافيش جرح ولا دم ولا في اي حاجة بس في وجع جامد مش عارفة من ايه بصيت لقيت مريم ورؤية عمالين يلعبوا ويتكلموا وانا مش فاهمة حاجة طب ده كان حلم كابوس يعني مستحيل ؟!!
اتعدلت وانا قاعدة وقولتلهم وانا متوترة وخايفة : مريم رؤية هو ايه الي حصل ؟ احنا خرجنا صح وروحنا مع الفريق وبعدين اتمشينا وفي كهف اه والله كان في كهف وكريم صح كريم فين ها وانا اتحسبت لان الصخور حبستني وكان تابوت وكائن غريب واتقتلت اه ابو عين حمراا قت.....
لقيت مريم قطعتني بسرعة وقالتلي : حيلك حيلك اهدي في ايه براحة اهدي ده اكيد كابوس انا هفهمك يابنتي اه كل الي قولتيه اكيد حصل مش عارفة انتي مستغربة ليه بس لما روحتي مع كريم لقيناه بعد فترة خارج من الوادي الي دخلتوه وشيلك وبيقول ان اغمي عليكي وخدناكي منه ولما سألناه السبب قال مش عارف وانك ممكن تكوني اتخنقتي من ضيق التنفس واغمي عليكي فرجعنا للخيم تاني ومن ساعتها وانتي نايمة اتحبستي ايه بقي واتقتلتي فين بقي ده كابوس متخافيش واهدي.
فضلت شوية احاول اربط الكلام ببعده واقول طب لو كل حااجة حصلت فعلا اانا كنت بتخيل الصوت والكائن الغريب ده لا وكمان الوجع ؟! غريبة ؟؟
حاولت اتناسي الموقف وقعدت مع رؤية ومريم وقائد الفريق ندي علي الكل وطلعنا علشان نعمل بروجرام اليوم التاني.
-الاثنين
مكنش يختلف كتير عن اليوم الي قبليه وقابلنا كريم وجاسم وحسام وكريم فعلا كان كل كلامه ايه يابنتي الي حصلك امبارح ياااه ده انتي جبانة اوي تخافي من كهف عادي ويغمي عليكي عديت الموضوع وقولت فعلا تلاقيه حلم لما اغمي عليا وتخيلت كل ده فيه.. خلصنا اليوم لكن في نهاية اليوم وانا واقفة مع البنات حسيت ان في حد بيراقبني بصيت حوليا ملقتش حد بس وانا خلاص هتناسي الموقف وارجع تاني اكلم اصحابي لقيت من بعيد في منطقة ضلمة عيون حمرا بتنور اكيد مش هعرف انسي العيون ديه بصيت بسرعة عند اصحابي وفضلت الهي نفسي وبصيت تاني ملقتش حاجة قولت بتخيل عادي كملنا اليوم والجو مكنش مغيم زي امبارح كان عادي واتسبطنا ورجعنا للخيم تاني بس المرة ديه مكنش في جولة حرة كانت الجولة يوم ويوم .. بس احنا قولنا هنخرج برده ونتمشي بعد ما يناموا ومش هنبعد اتفقت مع مريم ورؤية بس علشان منبقاش كتير ونلفت الانظار فالمفروض نستني لما الحركة تهدي وكله يبقي نام علشان نخرج وكنت قاعدة لوحدي لان مريم ورؤية راحوا يراقبوا أصحابنا والي معانا في الرحلة ويشوفوا كله نام ولا لا وانا قاعدة وماسكة الموبيل حسيت بحركة في الخيمة فبصيت حوليا ملقتش حاجة الخيمة اساسا صغيرة مفهاش مكان حد يستخبي فيه اساسا مركزتش وقولت تلاقيها قطة ولا حاجة وفتحت الموبيل تاني لقيت نفس الصوت الي سمعته في الكهف بينادي عليا بس كان واضح اوي قفلت بسرعة الموبيل وبصيت حوليا علي امل ان الاقي حاجة او مصدر الصوت مافيش حاجة وكمان الصوت سكت وصمت تام في المكان بس بعد شوية تاني كان في صوت غروشة وكأن حد مسك كيس بيخربش فيه او حد بيخربش في قماش مشيت ناحية الصوت كان في جانب من جوانب الخمية اول ما وصلت الصوت اختفي فضلت واقفة وادور يمكن الاقي حاجة ملقتش فلفيت علشان ارجع مكاني بس لقيته لقيته في وشه وعنيه الحمرا الي منوره في عيني ووشه الي متحلل وعضمه الي باين وجلده الي بيقع وصرخ صرخات قوية اوي لدرجة اني حطيت ايدي علي وداني وقعدت اعيط واقول : انت عاوز مني ايه ابعد عنيي انا معملتش حاجة ابعد واصرخ واقول ابعدووه عنيي ااعوذب بالله من الشيطان الرجيم اعوذب بالله من الشيطان الرجيم
لقيت بعدها حد بيلمسني صرخت وبعدت بسرعة لقيتها رؤية وبتقولي : ايه يابنتي مالك في ايه اهدي اهدي ايه الي حصل؟
بصيت حوليا ملقتش حاجة ولقيت مريم ورؤية واقفين قدامي وبيبصولي بأستغراب فضحكت ضحكة مصطنعة ومسحت دموعي وقولتلهم : مافيش حاجة كنت بهزر عادي وبعمل مقلب فيكوا هههه
مصدقوش بس عدوا الموضوع وقالوا انه خلاص معظم اصحابنا ناموا وممكن نخرج عادي فخرجنا برا مكان الخيم وفضلنا نتمشي ونتكلم وبحاول اتناسي الي عمالة اشوفه من أول ما جيت المكان ده لقيت فجأة رؤية بتقول : ازاي في بيت في وسط الصحراء والجبال ديه غريبة اوي ؟!
قولتلها : بيت ايه ؟
قالتلي: اهو يا كاميليا البيت الي هناك وشورتلي عليه
بصيت ناحية ما شورت لقيت فعلا بيت ومن نور القمر عرفت اشوفه كان دور واحد كان لونه اسود جدرانه من برا مدهونة اسود ولوهلة تحسه انه محروق !! الباب بتاعه كان مفتوح ومن جواه مكنش في اي حاجة ظاهرة والدنيا كانت معتمة نور القمر الي كان منورلنا الطريق مش عارف ينور او يظهر اي حاجة لسة هكلم لقيت صوت بيقولنا :مش عيب تمشوا وتتسحبوا من ورا القائد وكمان متقوللناش
طبعا اتفزعنا وافتكرنا حد غريب لكن لما لفينا لقينا جاسم وكريم وحسام وكريم هو الي قال الجملة ديه
فخدت نفسي وانا الي اكلمت : ختضونا حرام عليكم والله وايه يعني لو مقولناش عادي مكناش عاوزين نلفت الانظار بعددنا الكبير يعني وحد يحس بينا .
جاسم رد : خلاص عادي احنا بنهزر .
وكريم قال : يلا بقي مش هنقضيها هنا يلا نروح نشوف البيت المحروق ده هههه .
بصيتله بغيظ وقولتله : لا بلاش انت والنبي اخر مرة خلتني اتقتل وطلعلي كائن غريب اساسا وانا مش مرتاحة للبيت ده
كريم بصلي باستغراب وقالي : تتقتلي ؟؟ انتي هبلة يا كاميليا هو علشان أغمي عليكي بسبب ضيق المكان وجبنك يبقي اتقتلتي انتي هبلة اوي ههههه يلا بينا يلا خليكي شجاعة كدة
وكلهم ضحكوا معاه واتحركوا ناحية البيت وانا مش عارفة اعمل ايه اروح معاهم ولا اعمل ايه طب ارجع للخيم تاني بس لو رجعت هرجع لوحدي يووووه خلاص هروح وراهم واشوف ايه الي هيحصل مع اني مش مرتاحة اساسا دخلوا كلهم وانا دخلت وراهم وحسيت نفس الاحساس الي حسيته لما دخلت الكهف ونفس الهوا السخن جدا الي قابلني خفت طبعا انا وجع بطني لسة لغاية دلوقتي حاسة بيه اساسا ده غير الي عمالة اشوفه من الصبح والدنيا كانت ضلمة ومش شايفة حاجة وسمعاهم بيتكلموا وبيدورا علي اي مفتاح نور وفعلا لقوه فتحوا النور بس كانت المفاجأة وهما بيتكلموا كنت شايفة ورا كل واحد منهم نفس الكائن الي شوفته الكهف وفي الخيمة كمان بس المرة ديه شوفته كله مش وشه بس كان طويل جدا ومنحني من كتر طوله جسمهم كله متحلل وجلد منهم عمال يقع من حركتهم وعضم كتير والهيكل بتاعهم في حتت كتير من جسمهم باين وبقايا الجلد الي موجود عليهم كان تحسه محروق نفس الجلد اللي لقيته في التابوت اللي في الكهف اصحابي كلهم بصولي لما لقوني ساكتة وساكنة مكاني وعلي وشي رعب الدنيا ومريم قالتلي : في ايه يا كاميليا مالك ؟!!
انا مش قادرة اكلم ولا قادرة اقوله في وحوش ولا مش عارفة ايه دول وراكوااا لسة هتكلم واقول :حسبو.... لقيت كل كائن من الكائنات ده كان في ايده حاجة مش عارفة ايه هي بس ثانية ديه بتلمع ؟؟ سكينة !! بس كان شكلها غريب ومنقوش عليها كلام غريب وحطوا كلهم السكاكين علي رقبة كل واحد من صحابي ولقيت أصحابي عمالين يقولوا هو في ايه ورانااا ولسة هيلفوا علشان يبصوا كل كائن منهم دبح واحد واحد من صحابي دبحهم ببطء كلهم في نفس الوقت حتي أصحابي ملحقوش يتكلموا وشايفاهم بيطلعوا في الروح قدامي صرخت بعلو صوتيييي بس مكملتش الصرخة لان كان في واحد منهم ورايا وحسيت بنفسه وبالسكينة علي رقبتي انا كمان والم بشع في رقبتي وبدأت احس بالدم الي عمال يغرق كل حتة في جسمي ونفسي الي مش عارفة اخده وعمال اطلع في الروح ببطء انا كنت بدبح بنفس الطريقة الي ادبحوا بيها قدامي وبموت !!!