TATsuLOk

Eight

Niligpit ko ang mga nag kalat na damit at kung ano ano pang gamit. Pero napa daing ako at agad na napaupo sa sahig ng makaapak ako ng isang matulis na bagay.

Masakit man ay pinilit kong tanggalin ang bumaong thumbnail sa paa ko. Gamit ang sandong napulot ko sa sahig ay pupunasan ko na sana ang paa ko ng makita ang napakaraming sugat dito.

Oo nga pala, wala sa sariling nag tatakbo ako palabas sa lugar na yun. Isang nakakatakot na lugar. Takbo lang ako ng takbo at walang paki sa kung anong itsura ko at kung mapuno man ng sugat ang mga paa ko.

Hinayaan ko lang na dumugo ang paa ko at tatayo na sana ng mapako ang tingin ko sa isang cutter na nasa ibabaw ng lamesa.

Siguro mas maganda kung tapusin ko na lang ang lahat ng to.

Tama. Sakin naman nag umpisa ang lahat. Dahil sakin kaya nasasaktan ang mga taong mahalaga sa buhay ko.

Inabot ko ang cutter at nilabas ang buong blade nito. Hindi pa ko nakontento at tinanggal ko mismo ito sa lalagyan nya.

Parang may kung anong bumubulong sa tenga ko na gawin na ang gusto ko, na ituloy na ang binabalak ko, na tapusin na nga ang buhay ko...

Pero sa kabila naman ay may sumisigaw na huwag kong gawin, na huwag akong maging tanga.

Dinikit ko na nga ang talim nito sa pulsuhan ko.

Handa na kong tapusin ang lahat...

Handa na kong tanggalin ang dumadagdag na salot sa lipunan...

*KRIINGGGG! KRRRINNGG!*

Para akong napaso sa hawak kong blade at agad itong hinagis malayo sakin. Mahigpit na kinapitan ko ang dumudugo ko ng pulsuhan at mabilis na tumakbo sa lababo para hugasan ang maliit na hiwa dito. Napadaing pa ko sa hapdi pero tiniis ko na lang. Matapos hugasan ay binalutan ko ito ng isang towel.

"Zoe..."

Hindi ko na nagawang mag salita pa ng sunod sunod na pumatak na ang mga luha ko. Napaupo ako sa sahig at umiyak lang ng umiyak.

"Susunduin kita.."

Rinig kong sabi nya at sunod sunod na tumango lang ako na para bang nasa harap ko lang sya.

Matapos ibaba ang tawag ay mabilis na kinuha ko ang backpack ko. Nilagay ko lang ang mga gamit na kailangan ko tulad ng phone, wallet, at kung ano ano pa. Pakiramdam ko isa akong kriminal na kailangan ng mag tago sa kung saan dahil anytime dadating na ang mga pulis.

Matapos magbihis ng pantalon, rubber at isang itim na hood jacket ay basta ko na lang tinali ang buhok ko at sinuot ang itim na cap ko.

Sandali pa kong tumitig sa pinto at nanginginig ang kamay na kinapitan ko ito. Bahagya pa kong nasilaw ng buksan ko ang pinto ay bumungad sakin ang mainit na sikat ng araw.

Tuloy tuloy lang ako sa pag lalakad at takot na umiiwas sa kahit na sino.

"Hoy! Aba! Kakaiba talaga yang topak mo no?!"

Sigaw sakin ng isang babaeng hindi ko kilala pero sa tingin ko ay kasama ko sya sa floor na to.

"Ayo ah! Kahapon lang halos mag hubad kana sa pang aakit sa boyfriend ko tapos ngayon balot na balot kana eh tirik na tirik ang araw!"

Narinig ko pa ang galit na pag tawag nya sakin pero hindi ko na sya pinansin at mabilis na binuksan ang pinto sa fire exit.

Patakbo akong bumaba ng hagdan at wala na akong paki kahit na may mabangga man ako. Tuloy tuloy lang ako sa pag labas ng building.