Section Series #1 - Ex

Chapter 9

Nakita naming dadaan si Niel sa tapat namin pero hindi natuloy dahil agad itong hinatak ni Finn.

"Anong meron sa classroom niyo? May gulo ba?" tanong ni Finn dito. Umiling naman siya.

"May transferee kami." sagot nito. Nagkatinginan kami ni Finn. Ibig sabihin sa section nila napunta yung transferee?!

Para makasigurado ay pumunta kami sa classroom nila at naki-silip na din. Kahit ata mga ibang pang-umaga na dapat at uuwi na ay nandito pa sa tapat ng classroom ng Bonifacio.

Sumilip silip pa ako at doon ko natanaw ang pamilyar na itsura ng lalaki na naka-upo sa dulo, malapit sa bintana. Complete uniform. Student cut hair style. I look at his left wrist. He's wearing silver watch like what Finn said earlier.

"Siya ba yun?" dinig kong bulong ni Nancy sa akin.

"Yeah. Siya nga. Dito pala siya nilagay akala ko sa AM session." sagot ko.

"Gwapo siya, ah at mukhang mayaman." sabi ni Nancy na kinailing ko na lang.

"Wala kang pag-asa diyan. Mga ganyang tao ang tipo niyan 'triple M'." sagot ko.

"Triple M?"

"Maganda. Matalino. Mayaman." I look at her. "Sa maganda pa lang, olats ka na."

"Grabe siya!" sagot niya sa akin. "Tara na nga bumalik na ta—Oh, Clyde! Ginagawa mo diyan?"

Napalingon ako ng marinig ang pangalan niya at nakita ko siya sa likod ko. He is looking at me with his bored eyes.

"Anong ginagawa niyo dito?" tanong niya sa amin na hindi pa rin inaalis ang tingin sa akin.

"Ah, tinignan kasi namin yung transferee." sagot ni Nancy. Bakit ba siya nagpapaliwanag dito sa kumag na 'to? Tss.

"Tara na, Nancy. Pumasok na tayo." sabi ko na lang at nauna ng bumalik sa classroom.

"Naistorbo mo kasi, busy kakasilip dun sa pogi." dinig kong sabi ni Nancy at naramdaman ko na ang presensya niya sa tabi ko. Nang makapasok kami ng classroom ay agad kaming umupo.

"Doon pala siya nilagay." sabi ni Finn nang maka-upo sa upuan.

"May bago na namang pagkakaguluhan ang mga kababaihan dito." sabad ni Calvin na naka-upo sa harap naming row.

"Pero mukhang suplado." dagdag ni Nancy at humarap ito sa akin. "Anong tingin mo sa kanya Annie?"

Tumingin ako sa kanila at lahat sila ay  nag aantay ng sagot mula sa akin. Hindi ko napigilan na tumingin sa gawi ni Clyde na nasa unahang row lang din pero busy sa kanyang cellphone.

"Gwapo siya at mukhang matalino. Madali kang mahuhulog sa kanya." sagot ko pero hindi pa rin inaalis ang tingin sa kanya kaya nagtama ang mata namin ng lumingon ito.

Agad akong nag iwas ng tingin at binalik ang tingin sa bintana.

"Eh, sino ba Annie? Yung transferee o si Cly—"

"Y-Yung transferee! Ano ba kayo!" sagot ko kay Finn pero naka-ngiti lang ito ng nakakaloko. Sinamaan ko ito ng tingin pero hindi manlang nagpatinag.

"Eh, bakit parang si Cly—"

"Good Morning, Class!" naputol ang sasabihin niya ng pumasok na si Mrs. Santos sa classroom namin at dahil doon ay nakahinga ako ng maluwag dahil makakatakas ako sa pang aasar ni Finn. Leche siya.

"Good Morning, Mrs. Santos! Welcome to Section Luna!" balik naming bati.

"Okay, makaka upo na kayo. Alam kong may practice kayo at last practice niyo na ito pero kailangan nating humabol ng lesson. Ako lang naman ang mag klase ngayong araw kaya sana ay maunawaan niyo." paliwanag sa amin ni Mrs. Santos.