تمنيتها في صلاتي للكاتبه مريم محمود (مريمه)

البارت التاسع

🤍 بسم الله الرحمن الرحيم 🤍
البارت التاسع 🤍
حور : انا مش موافقه
فارس بصدمه متأكده من قرارك
حور بثقه ايوا طلبك مرفوض ي دكتور فارس
مراد : يلا ي جماعه هنسيبهم لوحدهم يتفهموا سوا
الكل بيخرج .........
فارس بهدوء ممكن اعرف سبب رفضك
حور بثقه وهدوء ممكن اعرف عاوز تتجوزني ليه
فارس بعصبيه خفيفه هو انا هسألك وانتي تردي عليا بسؤال جاوبيني الاول
حور : بصراحه انا طول عمرى شايفاك زي مراد اخوياا وعلي مااعتقد حضرتك طول عمرك بتقول اني اختك الصغيره ممكن اعرف ليه عاوز تتجوزني
فارس باابتسامه جذابه ممكن ارد عليكي بعد كتب الكتاب
حور : اشمعنا
فارس : ساعتها هبقي اجاوبك وافقي بقااا والنبي
حور : هسألك الاول كام سؤال كده وبعدين اقرر
فارس تنهد تنهيده راحه وقالها اسألي
حور : بتصلي ؟!
فارس : اه الحمدلله
حور : عاوز تتجوزني ليه ؟!
فارس باابتسامه انتي بردو مصممه بس انا مش هجاوبك غير بعد كتب الكتاب
حور باابتسامه تصدق انك بارد
فارس : اتجوزك بس وانا هقصلك لسانك دا
حور : علفكره بقاا انا احتمال مااتجوزكش اصلاا
فارس : تؤتؤ هتتجوزيني ي قطه
حور باابتسامه فشلت ان تخفيها مش عارفه جايب الثقه منين
فارس بتكبر اهم حاجه الثقه
حور : اممم هفكر بس محتاجه اعرف عنك حاجات كتيير وانتي بردو لاازم تعرف عني حاجات كتيير ونقرر هنتجوز ولاا
فارس بخبث بطلي حجج فارغه انتي عارفه عني كل حاجه وانا بردو
حور بكسوف انا !! وانا هعرف منين فارس باابتسامه لا تعرفي بس تعالي هنا من امتي وانتي بتتكثفي ي بيضه
حور: اصبح وجهاا قطعه من الطماطم فارس بس بقااا اصل والنعمه مش هوافق اصلاا
فارس : لا ي اختي والنبي انا ساكت اهووو
حور باابتسامه طيب مش عاوز تسأل اي سؤال
فارس : لا انا يعتبر عارف عنك كل حاجه بتحبي ايه ؟ وبتااكلي ايه ؟ بصي كل حاجه تخصك انا عارفها
حور بثقه ماافتكرش انك تعرف عني كل حاجه
فارس : اسألي اي سؤال يخصك وانتي هتشوفي
حور : تاريخ ميلادي ايه ؟
فارس : 20 اكتوبر
حور : اكلتي المفضله ؟
فارس : مكرونه وفراخ بانيه
حور : الكرتون اللي بحب اتفرج عليه؟
فارس : تنه"رنه
حور : مطربي المفضل ؟
فارس : عمرو دياب
حور : لما بكون مضايقه بروح فين او بتكلم مع مين ؟
فارس : بتروحي تقعدي علي البحر وتفضلي تتكلمي معاه
حور : اقرب حد ليا مين ؟
فارس : مراد اخوكي ومليكه صاحبتك
حور بصدمه مش معقول انت ازاي تعرف عني كل دا
فارس : هبقي هقولك بعدين قوليلي بقااا موافقه ولاا؟!
حور : اممم هفكر وارد عليك
فارس : هو فيها هفكر طب مش هتخرجي منها غير لما تقولي رأيك ومافيش حاجه اسمها هفكر هصورلك قتيل هناا والله لو رفضتي
حور ضحكت علي كلامه وقالتله موافقه وسابته وطلعت تجرى
فارس : ايه دا قالتلي موافقه الف حمد وشكر ليك يااارب
مراد بضحك في ايه ي حبيبتي انت بتكلم نفسك لاا اجمد كده
فارس بفرحه قالتلي موافقه انا حاسس اني بحلم
مراد بهزار في ايه ي عم انت اجمد كده امال لما تتجوزها هتعمل ايه 😂😂😂
فارس تصدق انك بارد غور من وشي
احمد : الف مبرووك ي ابني
فارس : الله يبارك فيك ي بابا
مليكه برقه وهدوء الف مبرووك ي دكتور
فارس : عقبالك ي مليكه
مراد يالهوى هو في رقه بالشكل دا يخربيت جمالك ي شيخه
فارس بيخبطه في كتفه وبيقوله علفكره صوتك عالي وكسفت البت وسابتنا ومشت عند اختك
مراد بااحراج يالهويي علي الفضايح
فارس : انا عاوز اكتب الكتاب يوم الخميس الجاي
محمد بصدمه انت واعي ان الخميس دا بعد بكره اللي هو ازاي يعني ؟
فارس بطريقه طفوليه والنبي وافق علشان خاطرى وكل حاجه جاهزه وبعدين دا كتب كتاب بس مش فرح ولا حاجه
ضحك الكل علي طريقته 😂😂
محمد : هشوف حور وابقي ارد عليك
فارس باابتسامه ميرسي جدااا ي عمي
وبيستأذنوا ويمشوا رغم اصرار محمد واحلام انهم يقعدوا شويه
حور : بتقول انها هتصلي استخاره الاول وبعدين ترد عليهم
حور ، مراد بيوصلوا مليكه لبيتها
وبيعدي اليوم بدون اي احداث تذكر .......
تاني يوم بقااا -----
حور بتقول انها موافقه وفارس لما بيعرف بيطير من الفرحه وبيصلي ركعتين شكر لربنا
مراد بيطلب منهم انه عاوز يتقدم لمليكه وباباه بيرحب جداا بالموضوع وحور بتبقي فرحانه جدااا بس احلاام بترفض لما تعرف ان مليكه مش غنيه ومراد بيضايق جدااا بس بيبقي عنده امل انه هيقدر يقنع مامته.....
في الجامعه ......
مليكه : شكلك مبسوطه يبقي موافقه ان كتب الكتاب يبقي بكره
حور : لا مش شرط عادي يعني
مليكه : بطلي برود بقاا وقولي
حور : هقولك بس الاول هسألك كذا سؤال
مليكه بفرحه اسالي ي اختي
حور : من هي ام المسلمين القوامه الصوامه ؟
مليكه : حفصه بنت عمر
حور : من التي تطلق عليها جده العرب؟
مليكه : هاجر زوجه الخليل ووالده ابو العرب اسماعيل رضي الله عنهم
حور : طب من هو الكليم والخليل والذبيح ؟
مليكه : الكليم موسي والخليل ابراهيم والذبيح اسماعيل عليهم جميعا وعلي نبينا الصلاه والسلام
حور : ماهي النساء الصغرى؟
مليكه : سوره الطلاق
حور : من الذي قتله النبي(ص)بأحد؟
مليكه:ابي بن خلف
حور:من هو اول من غزا في سبيل الله ؟
مليكه:حمزه بن عبد المطلب عم النبي (ص)
حور:كفايه عليكي كده امرى لله بقاا هقولك ي ستي انا صليت استخاره وحسيت براحه كبيره وموافقه وهنكتب العقد بكره ان شاء الله
مليكه بفرحه ايوا كده خلينا نفرح بس تعاليلي هنااا ايه الاسئله الجامده دي احنا كده عدينا خااالص
حور بثقه اوووومااال ي بنتي
بيعدي اليوم طبيعي ومراد بيحاول يقنع مامته بس هي بردو مصممه علي رأيها
تاني يوووم بقااا يوم كتب كتاب ابطالنا(حور،فارس)💃🌼
بيعدي اليوم بين التجهيزات لكتب الكتاب وبين فرحه"حور،فارس"اللي ماتتوصفش
بالليل بقااا بيبقا حفل عائلي بيحضر فيه مليكه واهلها وطبعاا فارس وباباه واكييد حورواهلها والاصحاب المقربين للعائلتين
بييجي المأذون وبيكتب الكتاب وبعد مايقول بارك الله لكما وجمع بينكما في خير فارس بيقوم يحضن حور وبيلف بها ويفضلوا يعيطوا من كتر الفرحه وبعدين بيسجد يشكر ربناا
من فارس لحور 🤍🤍
🌼كنتي امنيتي في صلاتي ، دعوتي ف سجودي ، طلبي من الله ، مطلبي في مجلس والدك ، ادعوا الله دائما ان يهديكي ويثبتك علي دينه ويقربك اليه دائما قرب المحب لا قرب المحتاج 🌼
من حور لفارس🤍🤍
🌼كنت واثقه كل الثقه ف ربنا وف قلبي يقين تام ان ربنا هيكفئني بيك ، كنت مشتاقه دائما لهذه اللحظه ، في كل صلاه ادعيلك وكل اذان ادعوا الله ان يحميك ويرزقك ويهديك ويبعد عنك كل سوء ويجمع بيننا في خير واتمني ان تكون قارئ لكتاب الله دائما ي قره عيني وان لاتفوت صلاته 🌼
فارس بدموع الفرحه بحبككك ي حورى ودي اجابه عن كل سؤال سألتيه وقولتلك هجاوبك عليه يوم العقد 🤍🤍🤍🤍🤍
حور بدموع الفرحه ايضااا بحبكك ي فاارس من زمااان اوي 🤍🤍🤍🤍🤍
مراد بيستغل الفرصه دي وبيقول ل والده انه يطلب ايد مليكه من والدها ويتفق معاه علي ميعااد انه يتقدملها رسمي
------------------------
انتظروني غدااا ان شاء الله في البارت الاخير والخاتمه من نوفيلا تمنيتها في صلاتي بقلمي مريم محمود (مريمه )
ومنتظره رأيكوا وتوقعاتكوا وريفيوهاتكوا وبقبل بالنقد عادي !
صلوا علي النبي(ص) بنيه رفع البلاء🌼