تمنيتها في صلاتي للكاتبه مريم محمود (مريمه)

البارت الرابع

بسم الله الرحمن الرحيم
اللهم صلي وسلم وبارك علي سيدنا ومولانا محمد وعلي آل وأصحابه أجمعين
البارت الرابع 💃
حور : الووو ي مليكه
مليكه : السلام عليكم ....
حور : وعليكم السلام ..
مليكه : ماما وبابا موافقين
حور : بجاااد انا بجد مش عارفه اقولك ايه والله 🤍
مليكه : ماتقوليش حاجه ي هبله دا من واجبي انا زي اختك بالضبط
حور : لو كان ليا اخت ماكنتش هتعمل معايا كده
مليكه : حبيبتي ي حورى قوليلي بقاا هنروح امتي وهنروح فين
حور : هنروح بكره الساعه 9 كده هنروح مول كبيير انا عارفاه اللبس فيه حلو خاالص وانا هااجيلك بالعربيه اخدك ونروح بكره ان شاء الله
مليكه : اشطااا
حور : انا متشوقه خاالص اني البس الحجاب شكلي هيبقي حلو صح
مليكه : طبعا ي حبيبتي ويكفيكي من الدنيا رضا الله 🤍🌼
مليكه : كلاام حلو اوي وحببني في القرب من ربنا واني اصلي
حور : حبيبتي ربنا يحلي ايامك ايه رأيك نقوم نذاكر بقاا اللي اخدناه في محاضره النهارده علشان بكره مش هنبقي فاضيين
مليكه : اشطااا خاالص
حور : سلاام ي حبيبتي
مليكه : سلاام ي حورى
وبيقفلوا سواا وحد بيخبط علي باب حور
حور : ادخل
مراد : اذيك ي حبيبتي قوليلي بقاا اخبار الجامعه ايه وعملتي ايه
حور : بتبدأ تحكي معاه وتقوله كل حاجه حصلت ومقابلتها لمليكه واللي عملته معاها ومراد بيبقي مبسوط جداا ان اخته اتغيرت
مراد : انتي كده محتاجه لبس جديد
حور : ماهو انا كنت لسه هقولك كده وكنت عاوزه اطلب منك
مراد : لو محتاجه فلوس ي حبيبتي قوليلي ولو عاوزاني اجي معاك انا فاضي اهوو
حور : لا يحبيبي مااتحرمش منك انا بس كنت عاوزه اقولك ان هروح بكره مع مليكه علشان اشترى لبس
مراد : بس كده انا موافق ي حبيبتي قولتي لماما وبابا ولا لسه
حور : لا ماانا عاوزاها تبقي مفاجأه والنبي مش عاوزه حد يعرف
مراد : خلااص ي حبيبتي مش هعرف حد
حور : طب يلاا بقااا علشان عاوزه اذاكر واصلي وانام
مراد : ماشي هي دي اخرتها 😂😂
وبيمشي مراد وبيبقي نفسه يشوف مليكه دي اللي غيرت اخته علشان يشكرها
بتقعد تذاكر ولما العصر بيأذن بتقوم تتوضي وتصلي وبعدين بتمسك المصحف وبتقرأ فيه شويه
واليوم بيعدي من غير اي احداث تذكر
الساعه 1 الصبح تليفون حور بيرن وهي بتستغرب دا
حور : الوو مين معايا
مليكه : مين معاكي ايه ي هبله انتي انا مليكه
حور : ايوا مليكه معلشي اصل نايمه وماشوفتش مين بيتصل ورديت علطوول
مليكه : طب قومي فوقي كده واسمعيني كويس
حور : خير ي بت في حاجه حصلت وبتقوم تقعد وتفوق علشان تسمعها
مليكه : بصي انا كنت بكلمك علشان عاوزاكي تقومي تصلي معايا قيام الليل
حور : ايه قيام الليل دا انا مااعرفش عنه حاجه ولا اعرف حتي بيتصلي ازاي وامتي ؟!
مليكه : ايه راديو واتفتح اهدي وانا هقولك كل حاجه واسكتي واسمعيني من غير مقاطعه
حور : حاضر
مليكه : بصي قيام الليل دا بيبقي من ركعتين ل 11 ركعه بس انتي علشان مبتدئه كفايه عليكي ركعتين وكل يوم زودي ركعه بس هو بيتصلي ركعتين ب ركعتين واخر ركعه لواحدها ودي بتسمي وتر ومش لاازم يبقي صلاه ممكن تقرئي قرآن او تذكرى ربنا او تدعيله وبالذات الساعه اللي قبل الفجر وتبقي حاجه حلوه لو قسمتي الساعه اللي قبل الفجر 4 اقسام اول ربع ساعه تقرئي قرآن وتاني ربع ساعه تذكرى ربنا وتصلي علي النبي (ص) وتستغفرى رينا وثالث ربع ساعه تصلي اي عدد من الركعات زي ماقولتلك ورابع ربع ساعه تدعي ربنا باي حاجه نفسك فيها وبتتمنيها
حور : طب ممكن اسألك سؤال
مليكه : اسألي ي حبيبتي عادي
حور : هو احنا ليه بنصليه وهو فرض علينا ؟!
مليكه : لا مش فرض ولا حاجه بس في الوقت دا ربنا ينزلنا من السماء الدنيا مخصوص علشان بس يسمعنا ويغفرلنا ذنوبنا ويعطينا ويرزقنا وبيبقي مستني مننا يسمع كلمه ياارب  علشان يقول "لبيك ي عبدي" وبيسمعنا رغم بكائنا وذنوبنا وبيحبنا اوي ونفسه يفرحنا بس هو مستني مننا كلمه يارب مستني مننا رفعه يد وصدق طلب وركعتين في جوف الليل وكمان ربنا مش بيقولنا تعالوا صلوا علشان عاوزكم لا دا بيقولنا تعالوا اشوف انتوا عاوزين ايه ؟ ونفسكم في ايه ؟ ومحتاجين ايه ؟ طب انتي عارفه اللي بيصلي القيام دا من عباد الرحمن اللي هما اعلي منزله يوم القيامه وان ربنا مش بيرزق القيام لحد غير لما يكون بيحبه وكمان ربنا قال في كتابه العزيز "والذين يبيتون لربهم سجدا وقياما"
حور : انتي ازاي حلوه بالشكل دا ي شيخه انا كل مره اتكلم معاكي فيها بعرف معلومات حلوه وبكتشف فيكي حاجات حلوه كتييير وبحبك اكتر مليكه : ايه الكلاام الحلو دا انا كده هتغر بقاا 😂😂😂
حور : لا انتي تتغرى براحتك بقاا 😂😂😂😂
مليكه : يلا بقاا قومي اتوضي واجهزى علشان تصلي
حور : تمام هقوم اهووو
وبيقفلوا سوا وكل واحده بتجهز علشان تصلي
حور : بتقوم تصلي وتفضل تعيط وتكلم ربنا وتدعيله انه يغفرلها ذنوبها ويقربها منه وبتحس براحه كبيره اوي لما بتتكلم معاه وبتصلي القيام
في مكاان اخر
يجلس بطلنا يتحدث مع الله ويدعوا انها تكون من نصيبه فهو اعتاد علي ذلك وواظب علي قيام الليل حتي يجعلها الله من نصيبه
تاني يوم بقاا بتقوم حور ولاول مره تحس بفرحه وراحه كبيره فهي صلت الفجر حاضر وتحدث مع ربها واليوم ستتغير حياتها بأكملها للافضل
حور بتجهز وتخلص ومراد بيدخل يديلها فلوس علشان لو احتاجتهم وبعدين بينزلوا علشان يفطروا
حور : بابا ... ماما انا عاوزه اروح اشترى شويه حاجات
محمد : طب محتاجه فلوس ولا حاجه
حور : لا ي بابا انا معايا فلوس وكمان مراد اعطاني فلوس زياده
احلام : مافيش محاضرات النهارده ولا ايه ؟!
حور : لا النهارده اجازه
وبتقوم تمشي وتروح لمليكه ورانيا بترحب بها جداا وبعدين بيمشوا وبيروحوا المول ويشتروا لبس وكتب في الدين لحور واليوم بيعدي معاهم زي اي يوم وحور انتظمت في الصلاه وكمان بقت بتصلي القيام
تاني يووم حور بتقوم وتلبس دريس وحجاب وبتشوف نفسها في المرايه وبتبقي مبسوطه جدااا ومعجبه بشكلها بالحجاب بس خايفه من رد فعل مامتها وباباها
مراد بيخبط ويدخل علشان يشوفها بالحجاب
مراد : واااو ايه الحلااوه دي ي حور هو دا اللبس
حور : يعني شكلي حلو ي مراد
مراد : حلو جدااا ي حبيبتي
حور : انا خايفه اوي من ماما وبابا مش عارفه هيقولوا ايه ؟
مراد : متخافيش ي حبييتي انا معاكي ومهما يقولوا اوعي ترجعي زي الاول
حور : .......
ي ترى ايه رد فعل والدها ووالدتها علي لبسها وهيوافقوا علي التغيير دا ولا ؟! رأيكم وتوقعاتكم