تمنيتها في صلاتي للكاتبه مريم محمود (مريمه)

البارت الثالث

بسم الله الرحمن الرحيم
البارت الثالث
حور : وانتي عرفتي الكلام دا ازاي وامتي ؟!
مليكه : ماما كانت بتعلمني الصلاه من وانا صغيره وكانت بتشجعني عليها وتحكيلي قصص وتكلمني عنها علشان احبها واصلي لحد مااتعودت وكمان لما كبرت بدأت اقرأ علي النت وابحث واعرف معلومات واحب الصلاه اكتر
حور : انتي عارفه انا كان نفسي اوي ماما تعمل معايا زي مامتك كده وتهتم بيا وتقولي معلومات عن ديني وتنصحني وتسمعني بس للاسف ماما كل حياتها عباره عن اصحابها والنادي والشوبينج والحفلات وانا ومراد اخويا اخر حاجه بتفكر فيها
مليكه زعلت جدااا عليها واستغربت ان في ام بالشكل دا وحمدت ربها انه رزقها بأم عرفت تربيها كويس وتعلمها حاجات في دينها
مليكه : وانتي ليه م حاولتيش تبحثي وتعرفي معلومات 
حور : ماكنش في دماغي الكلاام دا وحياتي كانت عباره عن رفاهيه وكنت في مدارس اجنبي واصحابي كانوا زيي
مليكه : ولا يهمك ي حبيبتي انا هقف جمبك واعلمك حاجات عن دينك وان شاء الله نبقي صحبه صالحه لبعض ويوم القيامه نسأل عن بعض
حور : انتي صاحبه جدعه اوي كان نفسي في واحده زيك من زماان
مليكه : حبيبتي كل حاجه في وقتها بتبقي حلوه والحمدلله اتقابلنا اهوو
حور : مليكه ممكن اعرف اسم البتاع اللي انتي لابساه دا هو دا الحجاب
مليكه : لا دا اسمه خمار ربنا قال عنه في كتابه العزيز "وليضربن بخمرهن علي جيوبهن" انتي عارفه لما نلبسه ربنا بيكبر مقامنا عند ربنا ويعتبر ستر وعفه وحمايه لجسدنا وقلبنا من فتن الدنيا
حور : حلو الخمار مش انا ممكن البس الحجاب الاول ولما احس اني عاوزه البسه ابقي البسه
مليكه : طبعا ي حبيبتي المفروض ماتلبسهوش غير لما تلاقي نفسك هتقدرى تحافظي عليه وانك حبتيه وعاوزاه علشان تحافظي عليه وتفضلي لابساه عمرك كله ومش شرط نلبس الخمار كفايه اننا نلبس دريسات طويله وواسعه وحجاب
اذا بهاتف مليكه يرن
مليكه : ثواني ي حور هرد علي ماما
مليكه : السلام عليكم..
رانيا : وعليكم السلام ي حبيبتي
طمنيني عنك عملتي ايه وهتيجي امتي
مليكه : اليوم النهارده كان حلو خاالص وخلصت وهااجي اهوو ولما اجي هحكيلك علي كل اللي حصل
رانيا : في رعايه الله ي حبيبتي
حور : ممكن اطلب منك طلب ي مليكه
مليكه : اطلبي ي حبيبتي وانا تحت امرك
حور : يعتبر بكره مافيش محاضرات لنا ممكن تبقي تيجي معايا بكره اشترى لبس الحجاب وكده
مليكه : بس كده من عنيا حاضر هقول لماما وبابا وهكلمك بالليل وارد عليكي
حور : شكرا ي مليكه بجد مش عارفه اقولك ايه علي اللي بتعمليه معايا
مليكه : عيب ي بت ماتقوليش حاجه احنا اخوات
وهما خارجين من الجامعه قابلوا فارس في طريقهم
فارس : ازيك ي حور عامله ايه ؟
حور : الحمدلله كويسه ي فارس
فارس : مش تعرفينا ي حور مين اللي معاكي
حور : دي تبقي مليكه صاحبتي ولسه متعرفه عليها النهارده ودا يبقي دكتور فارس دكتور في الجامعه ويبقي صاحب مراد اخويا من الطفوله
مليكه : تشرفت بحضرتك ي دكتور
فارس : الشرف ليا
عاوزه حاجه ي حور قصدي عاوزين حاجه
حور : لا شكرا
بيمشي فارس ويسيبهم
مليكه : علفكره شكله بيحبك ي حور
حور : لاا خاالص حبه ليا حب اخوي يعتبر هو اللي مربيني
مليكه : بتهيألك نظراته وطريقه كلامه تقول انه بيحبك
حور : هاا لاا خالص المهم قوليلي هتروحي ازاي
مليكه : هروح مشي
حور : مشي ازاي هو بيتك قريب من الجامعه
مليكه : ايوا شوفتي العماره دي
حور : اه اللي هناك دي
مليكه : ايوا انا ساكنه هناك
حور : تمام وبتسلم عليها وتركب عربيتها وتمشي وهي بتفكر في كلاام مليكه عن فارس
مليكه بتوصل بيتها ...
مليكه : ماما ي ماما
رانيا : ايوا ي حبيبتي انا في المطبخ تعالي
بتروحلها مليكه وتقف معاها وتحكيلها عن كل اللي حصل معاها وبتقولها علي طلب حور منها ومامتها بتوافق وتقولها انها هتعرف باباها واكيد مش هيرفض وبتبقي فرحانه اوي انها ربت بنتها احسن تربيه
اما حور بتروح بيتها وتطلع علي اوضتها تغير لبسها وتقعد علي سريرها تفكر في كلام مليكه عن الصلاه والحجاب وبتبقي مبسوطه
واذا بشخص ما يطرق علي الباب
الداده : مش بتلاقي حد بيرد بتفتح الباب بتلاقي حور بتصلي بتستغرب جداا بس بتبقي فرحانه بيها
الداده : حرما ي حبيبتي ربنا يثبتك
حور : جمعا ي داده بس انا عاوزه اقولك ان انا اسمي حور ي داده مش ست هانم ولا انتي مش بتعتبريني زي بنتك دا انتي اللي مربياني ي داده هزعل منك لو قولتي ست هانم تاني
الداده : لا طبعاا ي حبيبتي ربنا يعلم معزتك في قلبي وان انا بعتبرك زي بنتي واكتر ومن عنيا ماعدتش هقولك غير حور علشان مااقدرش علي زعلك
حور : ايوا كده ي داده بقولك هو مراد لسه في الشركه ؟
الداده : لا ي حبيبتي مراد به وباباكي ومامتك تحت ومستنيينك علشان الغداء
حور : تمام ي داده هااجي اهوو
بتنزل حور وبتتغدي معاهم وبتطلع علي اوضتها وبتلاقي تليفونهاا بيرن
حور : الوووو ي ......
------------------------
ارفعوا البارت ب 15 ملصق بقاا
واتمني اعرف رأيكوا في الكومنتات 🤍