خسارة فرساني من قبل كانت كافية بقتلي...داخليا...نفسيا وجسديا...وذكرياتي معهم كانت رافضة انها تطلع مني..
حسيت بحاجة للبكاء ولكني ما بكيت...كل شبر بجسدي رفض البكاء..
ورد تركتني بعد م تأكدت اني نمت بعمق...وانتقلت عقليا للغرفة البيضاء..
وجدت نفسي على السرير الابيض...النافذة مفتوحة على مصراعيها...الستارة تتطاير في الداخل من النسيم المنعش...وجدت نفسي ارتدي ملابس بيضا..
رائحة جميلة في الغرفة...كنعان واقف من بعيد...متسند على النافذة... سارح في الخارج..وما حس بوجودي...لحد م التفت لعندي وابتسم ابتسامة دافية متل قلبه وقرب لعندي
كيف حالك سارة؟
* مو منيحة ابدا
# ليش؟
* مروة يا كنعان...مروة..
# خير؟
*قتلوها...
ضحك ضحكة غريبة واتطلع فيني...لمس خدي بكفه بلطف وقال في اشياء لازم تصير بهاد الشكل...في اشياء لازم ما نحاول ندور وراها...رح تفهمي بعدين مقصد كلامي ومعناه...
* انا فقدت مروة وانت عم تحكي بلغز...بتتخوت؟
# لاء يا سارة....في اشياء رح تصير...اشياء مؤلمة واشياء بتفرح...لحد م توصلي لمرحلة انك تبطلي تفرقي بين الواقع والخيال...بين الجد والخيال...رح تحسي بغرابة...رح تحسي بأشياء مش مفهومة...وموت مروة احدهم
* يعني...افهم من هيك...انه مروة ما ماتت؟
# ما رح احكي شي...وما رح افهمك شي...بس المرحلة الجديدة من حياتك....لازم تنعاش..
فتحت عيوني فجأة على صوت الهدوء...شكلي رجعت للواقع... لقيت الغرفة عتمة..ومروة نايمة جمبي...قربت عليها ت اتأكد انها حقيقة...انها ما ماتت..واني ما شفت جثتها بالمشفى...باردة..ما فيها روح...وتأتأكد اني ما سمعت صوت الجهاز وهو عم يعلن رحيلها للأبد...تلمست خدها ب ايد عم ترتعش...نزلت مني دمعة سريعة وابتسمت لاني لمستها...واللمسة حتما كانت حقيقية...مو معقول عم بحلم...الحلم عمره ما كان حقيقة...وبالاحلام مستحيل انه نقدر نلمس الاشياء او الاشخاص...
لكن...بالاحلام...بس بنقدر نشوف اللي رحلوا...اما بالواقع هم مش موجودين... بدأت الشكوك تغتالني بعد م تذكرت ألغاز كنعان...شديت اللمسة اكتر لحد م حست مروة..وفتحت عيونها بهدوء وشافتني...تقابلت عيوننا... حسيت اني على قيد الحياة مجددا...
حبيبي...انتي منيحة؟
هزيت راسي طول ما انتي جمبي انا منيحة
* وجهك اصفر ...في شي؟
#حلمت بكابوس...كنت خايفة انه يكون جد...
* بس هو مجرد حلم...مجرد كابوس وانتي خلصتي منه...
# مروة ما بدي اخسرك...خسارتك مؤلمة جدا..
ضحكت ضحكة مجنونة.. وتطلعت فيني بنظرة غريبة جدا ومرعبة بنفس الوقت وقالت بلشت المرحلة الجديدة..
انتفض جسمي كله ونهضت عن السرير بتنفس بصعوبة...تلفتت بأرجاء الغرفة بحثا عن مروة...ناديت بإسمها عدة مرات لكن ما لقيت رد منها....لحد م صرخت بإسمها بصوت عالي جدا جدا...
انفتح الباب بسرعة ودخلت منه رزان ووراها ابتسام وجود
سارة سارة اهدي...اهدي ما في شي
* رزان بدي مروة...وين مروة...جيبولياها
# سارة حبيبتي...خلص اهدي تطلعت رزان بجود وقالتلها مي بسرعة..
بلمح البصر كانت جود راجعة وبإيدها كاسة مي...شربتنياها بهدوء ....رجعت رزان جسدي على السرير...وقالتلي سارة حاولي ارجعي نامي..
* جيبولي مروة..يا رزان
حكت جود بحزن رزان...لازم سارة....تبكي.
# ما بدي ابكي ولا انام....بدي مروة حالا.
تبادلوا ثلاثتهم الانظار لحد م ردت ابتسام زعيم...مروة...مش موجودة.
ارتعشت شفتي السفلية...وحاولت اني امنع نفسي من البكاء لكني فشلت...ما قدرت...مسكت رزان ايدي وشدت عليها لازم تكوني قوية..
* انا تعبت اني اكون قوية...تعبت اني اضل هيك...من وقت اول خسارة فادحة.انا تعبت...مش قادرة اتحمل
# سارة..ما بصير هاد الحكي...
* بصير...تتركوني لحالي شوي...
# ما رح اتركك غير لما اتطمن عليك
* رزان ارجوك..حطت جود ايدها ع كتف رزان وغمزتها...ففهمت رزان ومسكت ايد ابتسام وطلعوا من الغرفة...وضلت جود عندي
حكيت بدي اضل لحالي ما بدي اي حدا معي.
* انا مو اي حدا... وبعدين..ما بصير اتركك هيك لحالك...
# انا منيحة.
* لاء...انتي مش منيحة...لازم تبكي وتفضفضي...
أخدت نفس عميق وتنهدت..وبعدها اخرجت علبة السجائر من الدرج ودخنت وحدة ببطء...لحد م سحبتها مني بسرعة وهي عم تبتسم ودخنتها...رجعت شغلت وحدة تانية وسكتنا..
لحد م قالت بحماس بتعرفي لو كان اللي ببطني بنت شو بدي أسميها؟
* اكيد على اسمي
# كيف عرفتي؟ يا الله كنت بدي اخليها مفاجئة وضحكنا سوا ايوا هيك اضحكي...ما بيلبقلك الحزن والزعل
# خسرت حبيبتي وبتحكيلي ما بيلبقلي الحزن...يا شيخة
*هاي سنة الحياة...
# احكيلي هلأ...لو كان صبي شو بدك تسميه؟
* قيصر عم يفكر بين اسمين...ديفيد او ليو
# نعم؟
* اه...ع اسم ابوه او ابو كاتي..
سحبت سحبة طويلة من السيجارة وقلتلها بحب الله ييسر امرك...
* امين...
بعد م قضينا نصف ساعة سوا...خرجنا من الغرفة وتوجهت لعند رزان...طبعت قبلة على جبينها وقلتلها شكرا...شكرا انك حاولتي معي...رزان انا بحبك
ضمتني بقوة وهي عم تحكي مو احنا خوات...شي طبيعي اني احاول معك...ابوك دائما كان يحكيلي انه احنا لبعض..ولازم نوقف مع بعض عالحلوة وعالمرة
سمعت صوت قاسم بعلق وهو بالمطبخ وشكلنا رح نوقف عالمرة كتير وضحك هو وسامي وابتسام..
تطلعت بسامي وقلت يا نكار منك اله...شكلكم نسيتوا كل الاشياء الحلوة؟
قرب علي سامي وقاسم وراه..وضمني سامي لا ولو...ليش الاشياء الحلوة بتنتسى؟
* اسأل حالك انت والتاني اخوك قاسم...ترا مو متحملة مزح تقيل
# امرك امرك زعيم...
وضحك الكل ...تأملتهم واحد واحد..سرحت بوجوههم كلهم.....لحد م انفتح الباب ودخلت منه كاتي وجوان
مامي مامي...وقربت علي جوان ومعها كاتي...ضميتهم وسالت عن ماري...فردت جوان
* عم تركن السيارة...
الباب ما زال مفتوح وقادرة اني اشوف الشارع والسيارات..ولمحت ظل اسود...وتذكرت انه كنعان ..حسيت بكهربا بتسري بجسدي...نزلت البنتين من حضني وطلعت لبرا بسرعة وانا عم بنادي ماري..
ماري ...انزلي من السيارة..
التفتت لعندي وشافتني مرعوبة...وقبل م تكمل الركن طلعت من السيارة وركضت لعندي بأقصى سرعة...وخلال ثواني كانت السيارة متفجرة وتحولت لاشلاء...
.......
سارة لازم نتصرف حكا سامي بحزم
*شو متوقع انه عم بعمل يعني؟؟ لازم اتأكد انه الكل اول اشي بأمان بعدين بتصرف.. رديت بانفعال
#سارة...البيت بطل امان...وانتي بتعرفي هاد الشي...واذا سيارة ماري كانت مستهدفة ....فمعناته سياراتنا كذلك...
* ما اظن يا سامي...السيارات ما تحركت...وفي كاميرات مراقبة في كل مكان...بس للاحتياط اعمل تشييك عليهم...
# حاضر
اتطلعت بقاسم لازم ننقل الكل...عمكان آمن..مش عالمقر...ولا عالبيت الآمن... بكونوا مستهدفين هلأ..ومعروفين...
# وين طيب؟
فكرت للحظة بمكان غير متوقع...لحد م خطر عبالي مكان واحد ما حدا بيعرفه ابدا...بس انا
رح ابعتلك العنوان هلأ عالواتس...بتأمن حراسة اولا...تانيا.. وجهت كلامي للجميع الكل يبدأ من هلأ...بتوضيب اغراضه المهمة...اللوازم فقط...بدنا نطلع خفاف من هون...وبعدين يا بنرجع لهون بس تخلص هالقصة...يا اما بنستقر هناك...والمكان اللي رح تروحوا عليه...ما بدي اي حدا...يعرف فيه...بتتكتموا عالموضوع...وقاسم...تتشدد الحماية معكم عالطريق...وبالمكان...
سألني سامي وانتي؟؟
كمل عنه قاسم لازم نأمن عليك انتي بالاول..
حكا وراه قيصر ماما...انتي الزعيم...وبدونك المنظمة ولا اشي فجأة دخل من برا خالد ووراه عنان وليلى لازم انتي تضلك بأمان
تطلعت فيهم كلهم وحكيت بنبرة جدية
لاء طبعا...انا ما بهم...المهم انتوا...مو مستعدة ابدا اني اخسر حدا منكم....بكفي اني خسرت مروة بلمح البصر...قيصر...روح ساعد خواتك انت وجود...ووضبلي اغراضهم اللازمة فقط...
قاسم وسامي...اعملوا اللي طلبتهم حالا...خالد...خد ماري عبيتها تحت حماية...ووضبي الاغراض المهمة...
رزان وابتسام...خدي اخوانك ليلى وعنان ووضبي اغراضهم...وانتوا معهم ضبوا اغراضكم...
انفتح الباب ودخلوا فرساني الاربعة الحمدلله عالسلامة زعيم حكوا بصوت واحد..
ابتسمتلهم وبعدين رجعت للنظرة الجدية وكملت اوامري بتتنفذ حالا ..ما بدي اي رفض..وما بدي اسمع اي كلمة...رح تسحبوا حالكم وتطلعوا ورا قاسم...هيني بعتله العنوان...بدي سامي بس معي...خلص اللي طلبته منك وارجعلي...بظرف ساعتين...لازم تكونوا بالعنوان ...مفهوم؟
الجميع كانوا ساكتين...بتبادلوا الانظار...صحت بانفعال مفهوم؟
ردوا علي مفهوم... مفهوم.
# يلا بسرعة
