دخلوا 23 زعيم للقاعة الكبيرة في المقر الكبير في بوخارست...
اصوات المراوح والمكيفات في القاعة موسيقى مزعجة...القمر بدر في السما...
رائحة المكان صارت دخان كتير...والضباب ملأ المكان..
ثم زاد عدد الحضور والكل كالعادة كان واقف بانتظار اشارتي...شعور اني ملكة العالم وامبراطورة كبيرة شعور لن يتكرر...شعور قوي .الي هيبة ضخمة رغم انه المتواجدين هم اكبر المافيات واعظمها حول العالم...وهي اللي بتمشي كلمتها رغم الحكومات في بلدانهم...
لكن كلمتي هي الأولى ولا تراجع عنها...والكل لازم ينفذها رغم قوتهم وعددهم واسلحتهم...وثرواتهم..
لطالما كان عالم المافيا يرعبني حتى لما صرت مافيا بنفسي...الاماكن اللي بكونوا مجتمعين فيها او اللي بزوروها وحتى تجمعاتهم كانت عبارة عن ارعب من غرف الاشباح والعاب الرعب وحتى الافلام..
وجوه الحراس وضخامة جثثهم والسماعات اللي بحطوها للتواصل بينهم وطرق قتلهم و جرائمهم بشعة ومخيفة بذات الوقت كانت ايضا تقلقني حتى لما اصبحت مافيا بنفسي وشفت ايش كنت دائما اسمع عنه واشوفه بالأفلام والروايات...
عبارة عن عالم سفلي...ومن الصعب جدا الخروج منه...واذا اي حدا بفكر يخرج منه فالطريقة الوحيدة هي إما الموت او الموت...لا حل ثالث...
نظرت لجميع المتواجدين واشرت عليهم بالجلوس بعد م انا جلست..
اجتمع رجال منظمتي حولي واخواني بجانبي...سام وقاسم على يميني...بينما خالد وقيصر على يساري..
ومن خلفي عمي عز وبجانبه خليل...وبالقرب منهم فرساني الاربعة رامي وعلي وكامل وأيمن ..
قرب من الخلف عز علي وهمسلي الكل جاهز لكلمتك زعيم
* ممتاز
نهضت عن الكرسي وحكيت بنبرة جادة
المرة الماضية ...الكل شهد شو حصل بيني وبين خمسة زعماء منكم..اتمنى هاي المرة ما يتكرر نفس التصرف لانه صارت احداث ما حدا كان يتوقعها...لدرجة اني قضيت على احدهم وهو كان شخص عزيز...الهنغاري...عصابة الريد روز تخلصت من نصفهم..وتركت لليدر كارولين..اغلبكم بيعرفها ...خيار إما تنسحب وتعيش بسلام..وإما...بنتذكرها بعدين بكل خير ...اي انها ما رح تضل موجودة..الخيانة اللي حصلت المرة الماضية كانت وما زالت لا تغتفر...واظن الجميع عالم بما انا قادرة على فعله...فطلبي الان انه ما حدا يضعني بهاد الموقف ويجعلني اتصرف تصرف كلنا ما بدنياه..
نظرت لوجوه الجميع ..كان الجميع يضع سماعات متصلة بمترجم خاص لكل شخص مهم في القاعة..
اكملت الان رح اعطي الجميع فرصة تانية...خاصة للي تعامل مع الريد روز...او بده يتعامل...او عم يتعامل...انه يتراجع عن هاد التصرف..لانها عصابة وضعت لنفسها قدم في مكان ...انا ما اعطيت الموافقة لفعل هاد الشيئ...شرطي الاول كان انكم تتصرفوا بحرية تامة بشرط...الرجوع الي بكل اشي بصير حول العالم...وإلا ما فائدة وجود دون اول واوحد اذا الجميع بده يتصرف بحرية!! عالم المافيا رغم انه عالم سفلي خطير ومرعب...الا انه تحكمه قوانين وقواعد..والا لكنا استمرينا بلعب المافيات القديمة وكان شغلنا كله بس...قتل ونهب وجرائم اخرى اشد من القتل..انا لا اقول انه عالمنا شريف ..انا بعرف انه هاد العالم ابدا هدفه مش شريف...لكن بنحاول انه نخليه قانوني بكل الطرق المتاحة..انا متلي متلكم...مجرمة مطلوبة للعدالة..لكن عم بحاول اني امشي بقوانين المافيا..نلعب لعبتنا بس بقوانين وقواعد...
لذا...انا تقريبا حكيت اللي عندي...واللي عنده اي اعتراض يحكيه..واللي عنده اي اقتراح يتفضل..الساحة الكم
الكل بناظر بالكل...الخوف والقلق والشعور برغبة عارمة بصفعي كانت بادية على وجوه الجميع...
والصمت ساد المكان..كنت جالسة بانتظار اي حدا يحكي اي كلام لكن الكل كان عم يفكر بأي كلام يحكيه...
حسيت بهيبة لنفسي...حسيت اني اخيرا ملكت العالم..اني اخيرا أصبحت الحدا الكبير والمهم...لطالما كنت لكن هاي المرة...مختلفة...
كان الاجتمااع السريع على وشك انه ينفض لكن اعلنت في اخر دقيقة انه في حفلة بالنادي الخاص بي ببوخارست..فشعر الجميع بسعادة عارمة واخيرا انفض الاجتماع السريع اللي يمكن اغلبهم حسوا انه ما اله اي لازمة...لكن انا كنت بأكد عليهم مش اكتر سلطتي...على الجميع..
لما فرغ المقر الكبير وضليت انا ومنظمتي بدأ التصفيق بالمكان يعلو شيئا فشيئ..واصوات تصفير تصدر من بعض الاشخاص...
كانوا اخواني واقفين قريب مني ومبتسمين كأنهم حاسين بالفخر فيني...
وضع عز ايده على كتفي وخلاها لوقت وحكا اخيرا...انا فخور فيك يا سارة...رجعتي الدون اللي سلطته اعلى من كل السلطات..وحركة الحفلة بالنادي كانت حركة ذكية...عشان تكسبي ثقتهم مرة تانية
* انا ما فقدت ثقتهم يا عز ابدا...لدرجة انهم اجتمعوا عندي لما امرتهم...لانهم كانوا واثقين اني مش رح اقضي عليهم رغم معرفتي بلعبهم من ورا ظهري...وبنفس الوقت خوف مني ورهبة الي..هاد الاجتماع كان ايضا تأكيد على سلطتي على الجميع...وانه انا بس بدي شراكة مع الجميع مش اكتر..
_ رغم كل شي إلا اني فخور فيك...بعدك الزعيم اللي كلمتها هي الكلمة الاولى
* شكرا عز...لطالما كنت بتشجعني بكلامك
ابتعد عني عز..تمشيت باتجاه قيصر وقلتله ارجع عالبلد
_ لأ ماما...ما رح اتركك هون وارجع
* قيصر...لا تضلك عنيد...ارجع لجود وابنك وانتهينا
_ معناها خلي خوالي يرجعوا كمان
فاض صبري وحكيت بانفعال قيصر ارجع..ساافر
_ ليه..افهم ليه..ليش انا اللي لازم ارجع وانا وريثك...لازم الناس كلها تعرف اني معك...اني سندك وبضهرك
* لانه بدياك تضل بأمان...افهم عاد
_ توقعت كل شي الا هاد الطلب
* هاد مش طلب...هاد أمر قيصر...وبعدين بدي حدا يضل مع الباقي هناك...خوالك و فرساني وشبابي هون...ضل قلة قليلة بالبلد...والباقي كلهم إناث...ما بدي يضلهم بلا شب معهم...
تنرفز وزم شفافه وقال يريتك بتفهميني وبتفهمي رغبتي لمرة وحدة بس
كان الصبر عندي خلص منتهي..وعصبت اكتر ورغم محاولتي بإني ما انفجر الا انه كانت الحاجة للصراخ طاغية ..لحد ما ارتفع صوتي وانا بقوله انت اللي أفهم...افهم ليش بخليك دائما مع بقية العيلة خصوصا جود وخواتك...افهم ليش بدياك تهتم بجود وابنك وخواتك...وحتى بالباقي...افهم رغبتي بأنك تضل بأمان....
ما بدياك تغلط نفس غلطتي وياخدك البزنس بعيد عن كل حدا بتحبه.. او تنجن ويصير اشي انا ما بدياه وتروح عني متل ابوك..وياخده الطمع والفجور...ولا ما تتعرف ع إبنك وتبطل موجود معه بأهم احداث حياته بسبب البزنس...ما تغلط غلطتي قيصر..
لكنه ما رد علي...اكتفت عيونه بتهريب دمعتين ومشي..راقبت خطواته مبتعدة عني لحد م اختفى...حسيت بسامي قريب مني بس انت ما ضيعتي اهم احداث حياته...
* بعرف..بس بدياه يفهم مش اكتر...انه البزنس هو اللي كان رح يخليني اخسره متل ما خسرت ديفيد من قبل...
_ شو رأيك ترتاحي هلأ عشان الحفلة اليوم؟؟
* طيب
دخلت على جناحي وقعدت ع طرف السرير..راقبت الجدار بصمت مطبق..نهضت عن السرير وتوجهت لخزانة الملابس...بدلت ملابسي وارتديت ساعة يد مرصعة بالذهب من ماركة روليكس..وخرجت وبرفقتي اخواني و جماعتي باتجاه النادي الليلي الخاص بي...
استقبلنا حارس النادي وادخلني للمقطورة الخاصة بي...مكشوف عليها كل المكان...اضاءة النادي البنفسجية في كل مكان والموسيقى الصاخبة تحتل الساحة...والجميع يرقص..
راقبت المكان من مطرحي ووجدت انه جميع الزعماء يستمتعون بوقتهم وبتناقشوا بمواضيع مهمة في نفس الوقت واصوات ضحكهم في كل مكان..
لحد م لمحت وجهها..شعرت بالنار في جسدي..اشرت على ايمن وطلبت منه انه يجيبها لعندي...
رجع ايمن وكار معه ليه هون حضرتك
* عرفت انه انتي هون قلت بسافر عبوخارست...بس للأسف ما لحقت الاجتماع..حتما كان عني
_ لا ذكية
* بعجبك
عيون الجميع بتتطلع عليها بنظرات ازدراء واللي كان معها بكل سهولة تخلى عنها...ما كنت متوقعة انه بكل بساطة الكل يبطل يتعرف عليها
_ شو بدك كار؟؟
* فكرت بعرضك السخي...
_ وشو النتيجة ؟؟
* اكيد مش الانسحاب والاستسلام
_ ليش؟؟
* مش مصدومة؟؟
_ لا ليش انصدم...بالعكس هاد كان متوقع...
* طبعا لا يخفى شيئ على الدون صح؟
نهضت كار عن الاريكة واخرجت من بنطالها شي..تبين معي بالثواني القادمة انه مسدس...و المصادفة البشعة انه الكل ما كان متواجد معي بحجرتي...حتى ايمن اشرتله من الاول انه يخرج ويتركنا عإنفراد..
مشهد مثالي يا سارة...الموسيقى عالية ..صوت الطلقة مش مسموع وقتها...بمفردك...معي..وانت ما معك اي سلاح...لحظة مثالية اني اقتلك
مسكت كاس المشروب وارتشفت منه ببرود بينما هي كانت واقفة ومشهرة سلاحها في وجهي
* مش خايفة؟؟
_ وليش اخاف منك؟
* لأني رح اقتلك؟
_ لأ؟؟
* من وين كل هالثقة؟ المفترض ترتعشي من الخوف؟
شعرت بملل وزهق منها وسألتها ما حدا قلك انه الواحد بنفذ مباشرة قراره...بس انت ليه كتير بتثرثري قبل م تعملي حركتك؟ خلص بدك تقتليني اقتليني... قمت من مكاني وقربت راسي على المسدس ورفعته باتجاه جبهتي يلا...هيني قدامك وما معي اي سلاح وبمفردي...يلا اقتليني ليش مترددة ...ولا اقولك ومسكت ايدها ووجهتها هي والمسدس لمطرح قلبي هون بتتأكدي كليا انها رح تقتلني للأبد واني ما رح اعيش بعدها...يلا اطلقي..
يلا اقتليني...
ملامح وجهها ترتعش...ايدها بترج..لكنها كانت مصممة بطريقة مذهلة ع قتلي. صرخت بوجهها يلاا اطلقي رصاصتك القاتلة بقلبي..
ضغطت على الزناد وانطلقت رصاصة اخترقت صدري لكني كنت بعدني واقفة صامدة لكن اصاب جسدي القليل من الارتجاج نتيجة اختراق الرصاصة...وابتسامة خبيثة على وجهي وعيوني بيلمعوا بالشر..
صوت الرصاصة كانت اعلى من صوت الموسيقى فتوقفت الاغاني والكل راقب الوضع بذهول
* ل..ل..ليه بعدك عايشة؟
_ ل ل ليه...ليش بديتي تتأتأي؟؟ شو صرلك...مش عأساس انه بدك تقتليني...شو خانتك الرصاصة يعني؟؟ بتحبي تجربي مرة تانية؟؟؟
وقع المسدس من ايدها وحطت عينها بعيني تتاكد انها مش عم تحلم مستحيل...مين انت؟؟
* انا سارة..بتحبي نتعرف عبعض يا كار ؟؟ اقعدي لا تضلك واقفة
قعدت على الاريكة تبعتي ورفعت رجولي على الطاولة اللي قدامي وكملت مشروبي وسيجاري..
دخلوا اخواني وتفاجئوا بوجود كارولين ورفعوا عليها اسلحتهم شباب شباب ما في داعي...اقعدوا وتسلوا بالحفلة الضخمة
وجهت حديثي لكارولين كل اللي تعاملوا معك تخلوا عنك بدون اي معارضة...لانهم بيعرفوا مين انا..
* انتي مش بشر...انت شيطان
_ بكير..كان المفترض انك بتعرفي من قبل..واكيد بتعرفي سمعتي
* مهزلة
_ عفوا..شو هي المهزلة؟
* سمعتك..اووه اصغر زعيمة مافيا في الكرة الارضية والشخص الوحيد اللي بيمتلك العالم بقبضة ايده...لكن كونك الدون الأول واخدتي اللقب بجدارة..
_ وكل هاد وبتلقبيه مهزلة؟ كيف لو ما كنت اشي..شو كنت لقبتيه؟؟
وقف سامي قدامها وحكالها كل شخص كان عدو للزعيم في يوم من الأيام..حتى شباب المنظمة زمان اول ما صارت المنظمة...كلكم بدكم نفس الشي..تاخدوا اللقب الاول..تحتلوا مناطق الزعيم..تغتالوها وتتخلصوا منها...تخسروها كل اشي..لكن في الآخر لما تصيروا بمواجهة وجها لوجه معها..بتستسلموا وبتطلبوا الرحمة منها
* انا ما قابلتها عشان اطلب الرحمة منها..ولا بدي اخد اللقب منها..بدي اعمل نشاطات جماعتي بحرية بدون الرجوع للدون وبدون طلب موافقتها وإذنها..ولا كل شحنة بدي ادخلها او اطلعها لازم تمر عالدون بالأول..
قاطعها سامي هاي صعبة
* ليش؟ مش صعبة ابدا
_ بلا..لأنه كل اشي...لازم يمشي بأمر الزعيم..الا اذا بتحبي انك تموتي او تنحبسي..لما كل شي يمر عالزعيم بالاول وتعرف كل الاخبار اول بأول...هي هيك بتخلص كل حدا من ايدين الحكومات وين ما كانوا...كل التجارة و البزنس كله...تحسن وصار اقوى من لما الزعيم صارت الدون الاول..كله صار احسن
* اللي عم يصير مش منطق ابدا
اتطلعت فيها وحكيت بجدية المش منطق اللي عم تحكي عنه يا بتقبليه يا بتتركيه..واحد من الخيارين هدول..بدك تكملي فعالمنا السفلي كمليه بقوانيني...ما بدك عندك الخيار التاني..
قرب عز وراها وحكا بجدية اكتر او الحل التالت
التفتت كارولين لعند عز وسألت وشو هو؟
رد قيصر وهو حاطط ايديه ورا ظهره الموت ع ايد الزعيم
نبضات قلبها تسارعت لما شافت قيصر بملامح جادة باردة وحادة ورجعت نظرها لعندي رح اضل احاول لحد م تموتي انت...انت ما بتعرفي شو عملتي فيني وبعيلتي؟؟
* ما في شي بيخفى علي يا كارولين..كل شي متسجل بعقلي...انا بعرف مين انت ..كل المعلومات عندك بس كان لازم اعمل هيك
صفن الكل بكلامي واستغربوا عادي لا تستغربوا...الست كارولين بدها تقضي علي وتنتقم بتعرفوا ليه؟
عيون الكل بتستنى بالجواب سارة صوت سامي
كمل مستحيل..مستحيل ...وكل هالوقت بتعرفي
* بتعرف ليه..النص اللي مش راضي يرجعلي هي اللي كانت بتعرف...سارة الوريث بتعرف كل شي...كارولين بتكون اخت جوان غير الشرعية...
# وانا بدي اختي ترجعلي
* هاد الشي رح يضل حلم بأرقك يا كار...جوان بنتي
صرخت بوجهي مش بنتك...بالتبني..هاي اختي ومن حقي
* احلمي قد م بدك
_ انت حقيرة...انت شيطان..اخبث المخلوقات..انت مش بشر مش انسان
* انا اكتر وحدة بتعرف الانسانية
_ عم تضحكي ع حالك...انسان؟ وبتحكي عن الانسانية وانت قتلتي نص البشر..وجرائمك ولا اغتصابك للناس. ولا حبك لمروة وانت لسة بتحبي زين...ولا سيزر..كلهم كل هدول بتعتبري حالك انسانة...لأ يا سارة...انت فاجرة
نهضت من مكاني ومشيت كم خطوة لعندها..الشر بعيوني لكنه متل اشعة الشمس لما بتلمس عيون الشخص بكل هدوء....نار هادية..
الزمي حدودك..
* سلطتك مش علي..وعمرها ما رح تكون علي..انت الشر عماك..المصاري خلتك عميا...كل شي خلاك مغمضة ما بتشوفي شو عم يصير بالناس..
_ اطلعي
* لانك بتعرفي انه كلامي حقيقة...
قاطعتها بغضب فاض الكيل معك...عم بعطيك فرصة تنسحبي بكير...يا اما بتواجهي غضبي
ضحكت ضحكة استفزتني وقالت رح امشي يا سارة...بس اعرفي اني راجعتلك
_ بستناك ع نار
