وكأن القدر كان غاضب علي ومني...الكون ما سمع طلباتي ولا امنياتي...قدرت اكسب كريس لصالحي اكتر من ضمن العصابة البسيطة اللي شكلتها...
وليا كانت بتزورني كل يومين تقريبا بحجة الاطمئنان عليها...
لحد م تعبت ف يوم من اعراض انخفاض سكر ومقدمة الطعام رفضت انها تحضرلي اي شي فيه نشويات عشان يرتفع شوي معي السكري...عندها طلبت من كريس انها تاخدني لعند ليا...
وكانت تنتظر متل العادة في خارج غرفة الممرضة
ليا...لازم اطلع من هون بأي شكل.
* زعيم انت بتعرفي انه هاد السجن عسكري...وشديد الحراسة...وموعد ...
_ موعد اعدامي قرب...بعرف...لكن لازم اتواصل بأي شكل من الاشكال مع سام او اي حدا من جماعتي...بكونوا هلأ قالبين الدنيا.
* بعرف...كلهم مستعدين يضحوا بحالهم عشانك...
_ ليه تركتي منظمتي؟ ليه تركتيني؟
اخدت ليا نفس طويل وحكت بعد تفكير فكرت انه اذا تركت البزنس عندك...رح اقدر اعيش حياة طبيعية...خالية من المخاطر وبعيدا عن الموت. لكن الابواب كلها تسكرت بوجهي لحد ما انتقلت لهون..
_ برضه جوابك ما اقنعني يا ليا. الا ويكون في سبب اخر يخليك...او خلاك تتركيني..
تعلقت عيونها بعيوني وحاولت تتهرب من نظراتي..قعدت جنبي عالسرير الابيض وحكت ونظرها في الارض بنبرة هادئة جدا لإني تمنيتك تكوني الي.. او بمعنى اخر...حبيتك..
* كان هاد هو سببك الحقيقي ؟
_ واحتمال غيرة..من مروة..جود..حبك القديم ب زين..وجود كل هالناس اللي بيهتموا فيك..وكنت انا بالنسبة الك..مجرد فتاة عالهامش...
اخدت نفس عميق وانا بحاول افكر برد مناسب لكلامها لكني اكتفيت بالصمت...مسكت ايدها وشديت عليها وحكيت موعد اعدامي الاسبوع الجاي...بدايته...شو رأيك نغتم هاد الاسبوع انا وانت بكل الطرق؟
التمعت عيونها وكأنه هاد الكلام اللي كانت بتستنا تسمعه مني وابتسمت. بقوة ..شدت ع ايدي وقربت علي بسرعة وطبعت ع تمي قبلة طويلة..
وبعد دقيقة سمعنا صوت طرق عالباب واطلت كريس يلا زعيم صار وقت ترجعي زنزانتك
غمزت لليا ورافقت كريس برا الغرفة ورجعت ع زنزانتي..
كنت حاسة حالي اني رجعت اكسب شغلة بجسدي...قوة غريبة من نوعها...او بمعنى اخر طاقة غريبة جديدة علي.. او لربما مش جديدة بس بالنسبة لجسمي اللي قاعد بلا روح ...فهي حتما جديدة...
حاولت اني اتواصل عقليا بكنعان واخبره وين انا..وضربت جبيني بكف يدي لما تذكرت اني نسيت احكي لليا انها لازم تتواصل مع سام عن مكاني...وحسيت اديه انا غبية ..
وخلال هاد الاسبوع الاخير من حياتي...مبدئيا..لاني عارفة انه اقرب الناس الي رح ينقذوني بأي لحظة...
حاولت اني اتقرب من ريد روز لكن بكل مرة بقرب منها كانت بتدفشني بقوة...لحد مرة وقفت بوجهها وحكيت معها بالعربي انا بعرف مين انتي يا ريد روز..
حاولت انها تتهرب من المحادثة لكنها علقت عيونها بعيوني وضحكت بصوت عالي وصقفت
اخيرا سارة الوريث نطقت.
* حلو...عرفتيني
_ طول الوقت كنت بعرفك يا سارة..وكنت بأذيك لاني بعرف انك لحالك وانه وقتك قرب يخلص.
* اعترافك هاد مش بمحله ومش وقته هلأ يا ايا كان اسمك
_ ما توقعت اني اشوفك هون ابدا...توقعت انك تهربي من وقت اخر اجتماع الك...بس انمسكتي ووقعتي وقعة بشعة يا سارة
* سارة ما بتوقع يا حلوة...سارة بتريح بس وبعدين لما تقوم...اووه ابليس اللي بقوم
_ اسلوبك هاد مش اسلوبك...انت مش انت...تغيرتي يا سارة وكأنه في شي غييرك..
* فيك تقولي صرت اهدا..وعقليا اصفا..وبعدين ما الك دخل يا ريد روز بتصرفاتي واذا تغيرت او لأ...
بلحظتها قربت علي كريس وهي ماسكة العصاية السودا اللي بيمسكوها افراد الشرطة..عشان تخوف فيها ريد روز لكنها ما اهتمت لوجودها...وبعد ثواني حسيت ايد كريس بتتلمس القميص الاحمر..
حطت شغلة بالجيبة..ولما تلمست الجيبة لقيت خواتمي الاربعة..
ابتسمت بخبث وقلتلها لريد روز شكلك..ما سمعتي عني
* بلا...سمعت كل اشي بس للأسف...ما بهمني
_ ليه كلكم بتحكوا نفس الكلام بس وقت الجد...بتحاولوا تهربوا او بتطلبوا الرحمة؟؟ غريبين انتوا بصراحة
* مين انتوا؟؟
_ اللي بيلعبوا علي من ورا ضهري..
* بس انت عمرك م.حتعرفي تتخلصي مني يا سارة.
_ ليه واثقة من نفسك لهاي الدرجة؟؟
* لإني انا فكل مكان...خصوصا اني قدرت استدرج اغلب قادة المافيات من حول العالم لصالحي...واللي ما كنت قادرة اتخيله واتصوره انك رايحة عالاعدام...يلا كويس...عشان تفضالي الساحة.
_ كلكم بدكم هاد الشي...تفضالكم الساحة..ويكون المنصب الاول الكم...وتحكموا العالم..وبلابلابلا...بس اللي ما حدا فيكم بيعرفه...انه انا العالم..
وما ان انهيت كلمة العالم حتى انطلق صوت صافرة الانذار في كل ارجاء السجن...استنفر الجميع...افراد الشرطة والعسكريين سحبوا جميع من كان في القاعة الى الزنازين بالقوة والضرب..وانتشر الدخان في كل مكان لحد م انعدمت الرؤية...لكن انا وريد روز بعدنا واقفين في اماكننا وعيونا متعلقات ببعض..
مين انت يا سارة؟
* حكيتلك من شوي...انا العالم.
رجف صوتها مستحيل...انت ابليس...شو عملتي؟؟
* ما انا اللي عملت...جماعتي..
وبعدها مباشرة وبسرعة انسحبت الصبية من قدامي من قبل عسكري معصب..وحسيت بحدا بيسحبني من ايدي قبل م تنفجر قنبلة ميزتها ...كانت من قنابل سام...
اسرع فيني الشخص اللي انا لسة مش شايفته وبدأ يطلق النار ع كل شخص بيوقف بطريقنا او حتى بيرفع السلاح علينا...انفاسي بتتصاعد وبتتزايد بسرعة عجيبة...
وانفجرت قنابل سام فكل مكان...وسيارات عسكرية ومدرعات في كل مكان في الخارج..
وكمشهد سينميائي ضخم تحوطه موسيقى ملحمية.. مروحيات خمسة تطلق وابل من الرصاص على السيارات المدرعة...وانفجارات في جدران السجن العسكري وجرحى من العساكر وقتلى منهم...
..تعدينا انا والشخص جميع الابواب الحصينة وصولا الى البوابة الخارجية لحد م وجدت السيارات المدرعة مقلوبة ولكن من ورائها في عشرات من سيارات الشرطة لتدارك الموضوع...وافراد الشرطة كانوا بيحتموا خلفها وخلف ابوابها وكبيرهم يصرخ في المكبر انه نسلم انفسنا...
وقفنا انا والشخص وما ان اتيحت الفرصة اني اشوفه كان خالد..
حطيت ايدي ع كتفه وقلتله من اين لك بكل هاي المهارة ؟
* تربيتك زعيم..
رفعت راسي للسما وحدقت بالمروحيات الخمسة ..اشرت بإيدي فصاروا يطلقوا على سيارات الشرطة...التفتت للخلف نحو البوابة فوجدت سام وخلفه قاسم عم يركضوا بسرعة وهم بيضحكوا وحكا سام بصراخ الكل ينبطح...رح تنفجر الكبرى
وصوت انفجار ضخم دوا في المكان ...وسحابة دخان سودا ضخمة ظهرت من السجن الكبير..
والسجينات؟
* تم اخلاء المكان من وقت انطلاق جرس الانذار
_ في سجينة وحدة بدياها...وين نقلوهم؟
* لسة ما بنعرف يا سارة...المهم انتي بخير!!
_ انا بخير..بخير...سام قاسم انتوا مناح؟؟ في اي اصابات؟؟
* لا سارة اتطمني رد علي قاسم...
حضنت سامي وقاسم بقوة وركبنا ومعنا خالد بوحدة من المروحيات وانطلقنا للمقر الامن
سارة...الجيش قالب الدنيا عليك هون والقنوات الاخبارية كلها بتحكي عنك هلأ..وصنفوك ارهابية خطيرة جدا...لازم نلاقي طريقة ننقلك فيها عالبلد.
* سام سام سام...مش مهم طريقة نقلنا هلأ...المهم انه اكمل مهمتي هلأ وبعدين بنفكر بالرجعة...
_ كيف بدك تطلعي من المقر وانت وجهك صار الكل بيعرفه هون ؟؟ اه!! احكيلي كيف؟
* بسيطة...بنطلع بسهولة...بس بالاول بدي اعرف وين نقلوا السجينات...
_ لسجن اشد حراسة
ضحك قاسم باستهزاء اشد حراسة ؟؟ اذا هاد السجن كان معروف انه هو ذو الحراسة الاشد في العالم...وقدرنا احنا التلاتة بس نخترقه مع خمس مروحيات...احنا قدرنا نعمل اشي ما عملناه ابدا..
اتطلعت بسامي واتطلع فيني وانفجرنا بالضحك قاسم حبيبي...هاي مش اول مرة بنعمل هيك.
كملت بعد سامي من سنين طويلة طويلة قدرنا انا وسامي بس...بدون لا مروحيات ولا حدا انه نخترق مكان حصين جدا...واحنا الاتنين واجهنا الجميع..من الحثالة للشرطة للكل...وطلعنا سليمين بدون اي اصابات خطيرة..
* show off
وضحك قاسم بقوة...اطلعت بإخواني...قاسم وسامي وخالد وقلتلهم منيح انكم جيتوا بالوقت المناسب..
* ما بتعرفي اديه قضينا وقت واحنا بندور عليكم لحد م لبستي الخاتم.. كل الشهر اللي فات واحنا بنسأل وبندور وبنروح وبنجي عأماكن خطيرة ع حياة الجميع...الكل كان وما زال قلقان عليك يا سارة
_ بعرف يا خالد...المهم انه ارجع اجتمع فيكم...
* طيب هلأ شو بدكيانا نعمل ؟
_ ولا اشي مبدئيا...عصابة الوردة الحمراء كشفت حالها بحالها...زعيمتها اكبر غلطة بتعملها انها ورجتني وجهها...صحيح...سام
رد سامي امر!
* ليا كانت ممرضة السجن...بس نلاقيها لازم نرجعها معنا
_ شو بتعمل كانت هناك! مش هي خلص تركت البزنس!!!
* بلا..بس بدها ترجع...اكيد بعد اللي صار اليوم بتكون هربت من مسؤولية التمريض كلها ...اذا انكشفت انها كانت تتعامل معي داخل السجن رح تنحبس..او يقتلوها...ولازم نتخلص من القاضي اللي حاكمني ومرمطني بالمحاكمة العسكرية مع اني مش عسكرية...غريب..
_ خلص حاضر..بجمع لك جماعتك هون وبنروح بندمر القاضي والتابعين اله..وبنحرقلك المحكمة كلها...وبندور على ليا..
* كويس...بكرا التنفيذ..لانه بداية هاد الاسبوع الجديد موعد اعدامي
علق قاسم متى كنت ناوية تخبرينا انه في اعدام؟؟ هيك تغير الوضع كليا
* ليه تغير؟ مهو هيك هيك نفس الوضع السلطات بتدور علي..وبكرا تنظيم اكبر من الجيش بصير بدور علي خصوصا انه لسة انا هون...فما بدي استنى اكتر...بنتخلص من هاد القاضي بأسرع وقت وبنحط بداله قاضينا اللي بنعرفه...بيلغيلي كل العقوبات وقرار الاعدام وبيعطيني حكم النفاد من السجن والعقوبة...وبنلغي منع السفر اللي اكيد صار علي هلأ..وبنرجع عالبلد...صعبة؟؟
هزوا ثلاثتهم روسهم بالنفي و سكتوا...كويس..بدي ارتاح هلأ لأنه جسمي تعبان...وبكرا التنفيذ يا اخوان
* حاضر.
ودخلت ع الغرفة المخصصة الي اذا جيت لهون ومددت جسمي عالسرير..بينما انا نايمة اخواني كانوا بيتناقشوا بشغلة
حكا خالد لاحظتوا انها متغيرة...اسلوبها مش اسلوبها...وكلامها كله مش مفهوم...حكت كتير كتير وما فهمت اي شي...وشو هاي يا اخوان؟ من متى؟ وفجأة صار بدها ليا ترجع..
رد سامي احتمال كبير اذا كنعان رجع دمج النص اللي عنده مع هاد النص بترجع سارة اللي بنعرفها..لانه انا محتار من هاي النسخة الجديدة من سارة...مش سارة اللي كانت معنا..خالد معه حق
حكا قاسم وهو متعجب اول مرة بشوف هيك اشي...كأنها...شخصيتين كليا مختلفات عن بعض...لازم ترجع سارة لطبيعتها..
* بكرا بخلي شامي يتواصل مع كنعان انه يجي لهون...يدمج النصين مرة تانية ونخلص من هاي النسخة البشعة من سارة..
