بارت ...٣٣
#انين_الرووح
اهلي من سمعوا مني راح ارجع البيت اعيالي
امي تبجي وزيد مراضي وبابا ما قبل ارجع
بس اني هم ما تكدر ابقه لان اعرف الناس العايشه وياهم اني وخاف هم يرجعون يأذون اهلي مثل قبل
دست ع كلبي وحجيت وياهم وقنعتهم اروح كم يوم ورجع الكم
واخيرا اقتنعوا
وطلبت من زيد هو يوصلني حتى يندل بيتنه الكاعده بي اني
علمود خاف لاسامح الله يصير مايصير
اخويه يندل مكاني ويجيلي
ما اخذت شي ويايه من اهلي عفت كلشي يمهم
حتى الطقم الجابته امي الي عفته يمها
البست عباتي واخذت جنتي والدموع ترشك رشك مثل الفشك
اني وماما وشما حتى بابا بجه ع فراكي الهم
اطلعت وعيوني غركانه بدمع
وصعدت السياره والف ااااه وحصره في كلبي ع اهلي واحبابي
بابا قبل لا اطلع خله بيدي ظرف
عرفت هاي فلوس
مقبلت اخذها بس هو مخلاني ارفضها
اخذتها وبست يده وراسه
هذا فعلا ابو الكلب الطيب الحنين
الله يحفظه الي طول العمر
وصلت البيت اعيالي مانزل زيد
بوسته ونزلت اني
دكيت الباب وطلع احمد
اشرت الاخويه مع السلامه
هوه حرك السياره واني دخلت للبيت سلمت ع احمد
ويم الباب مال المطبخ وتلكتني عمتي
واخيرا شرفتي يلشفيه جان ظليتي بعد
وشبعتي من اهلج
بعد شكو رجعتي النه
شلونج عمه شلون صحتج
اشويه بهداي ويايه خل افوت وسلم وبعدين اكليني بكشوري
مو كبل تستلمين اكس ومربع
ولج شو راجعه معنتره علينه
عمه لامعنتره ولا شي تره اني ارجعتلكم برادتي
واريد اشوف رشا
تسمحيلي
اني الج يبنت امونه
عمه فدوه لجيبين طاري اهلي ولا امي
ناس بحالهم ممأذيج بشي
اني الج اصبريلي
عفتها ورحت الغرفتي غيرت ملابسي وطلعت ادور ع رشا
رحت الغرفتها ماكو بالهول ماكو بالمطبخ هم ماكو
احمد وين رشا شو ماشفتها
تلكيها بالحديقه الخلفيه
صدك ...؟
اشمعنه الخلفيه
مو جبتلها زرع رادته هي وجاي تزرع بي
خلي اروح وشوفها
احمد احمد .....
هاااا
شو ياسر ماله حس
ابيته غير
من اشوكت راح البيته
نفس اليوم الرجعنه بي من الهند
ياااا صدك هسه يله حس ومشه
ليش اشبي جان وياكم
يله خلي اروح الرشا
وصلت الها وشفتها ملتهيه بالزرع
اجيت من وره ظهرها وغمضت عيونها
🙈🙈🙈
منو اني
لج نوووووور وكامت ع حيلها وحضنتني
مشتاقتلج كومه
اني هم مشتاقتلج
ليش هيج عفتبني نور شدعوه هلكد طولتي يم اهلج
صدك همه شلونهم
بخير كلهم الحمدلله
والله يارشا لو بيدي اظل يمهم بعد اطول وكت
لو تعرفين شكد مشتاقه الهم
