بارت ...٢٢
#انين_الرووح
منو هذا الرقم
طبعا مشلته لان اليريدني ويعرفني يدز رساله يكول هو منو
ظل يدك مره مرتين مشلته
بس ظل كلبي ياكلني خاف محمد او واحد من البيت ماعنده رصيد ويحاول يدك عليه من رقم غريب
دزيتله رساله منو المتصل
مرد عليه وهم رجع يدك
رجعت دزيت
منو المتصل لو سمحتوا
هم مرد ع رسالتي
اخر شي رفعت الخط بس محجيت ظليت ساكته بالدقيقه دقيقتين ما حجوا شي بس اسمع صوت النفس
اخر شي حجيت اني
شنو المتصل اخرس لو عظمه وكفت بحلكه
شلونج نور
اني استغربت هذا يعرف اسمي بس صوته خشن معرفته اني
منو حضرتك
مو مهم منو حضرتي بس حبيت اسمع صوتج
تسمع صوتي ليش تعرفني انت حتى تتأمل تسمع صوتي
منو انت احجي ليش ساكت ومنين جبت رقمي
انت تعرفني
عز المعرفه وتمناج امنيه من الله
تتمناني ...؟
هذا منو اليتمناني وساكت
محد خطر ع بالي ......ياااااا هذا
ياحقير ياجبان عرفتك منين جبت رقمي ياحقير
لك والله جان استحيت ع حالك شلون اتخلي عينك ع مره ابن عمتك
بس شكول عليك انت مو رجال انت شبه رجال
لتغلطين اني لان احبج راح اغلس عن غلطج
بس من تجاوزين اكثر لا صدكي ما اسكت
ايباااااه عشتو وشنوا اسويلي بله اذا مسكتت كلي بلكي اختل او الف روحي ابطانيه
اااااي اي كون اني وياج نلف بهاي البطانيه لاني احبج
انجب واحترم حالك حبتك حيه كون
لك اسمع كلش زين تمسح رقمي ومالك دخل بيه لا والله وقسما بالله اوصلها لمحمد وخلي يحير شيسوي بيك
اني اتمنى اتوصليها لمحمد حتى يطلكج
واني ازوجج
مو اني هيج ثوله حتى اوافق عليك لو تبقه اخر رجل بالدنيا وتجي تركع ع رجلي هم ما ابوعلك بطرف عيني
نور اني راضي ابكل كلامج
لان متستحي وماعندك كرامه ف اكيد ترضه ابكلامي وتحسه عسل مو غلط
افتهمني نور اني مو بس احبج لا والحمزه اني اعشقج والحسين المضلوم
انت فعلا واحد تافه ومتستحي
وجان اسد التلفون بوجهه وكبل خليت رقمه بالائحه السوداء
اتصال ميوصلني بس رساله توصل لتلفون
جتلي رساله منه كاتب بيها
حتى لو تحذفيني من تلفونج وحتى حياتج هم ارجع وطلعلج ابمنامج
حبي فتحي نت وشوفي عالفايبر شدزيتلج
ااااااااامووووووت عليج وردايتي امووووووواح😘😘😘😘😘😘😘☺
