بارت سادس
#انين_الرووح
ياكلبي بعد لتصدك بهالناس
قليل اليقدر الزاد ويصونه
بانت معادنهم والاصل مغشوش
شريناهم بذهب وبرخص باعونه
ياكلبي الشلتهم عمر فوك الراس
ع احبال الشماته شرونه
طاحوا من اكتافي كومه اعزاز
ولكيت صاحب بظهري نابته اسنونه
ماجستهم لان طيب كلب
ولا وصخت بيوم ماعونه
لا موج الاخذنه ولاانجرف تيار
ولامنهم شكينه اشما يلومونه
كلهم غربلتهم وللاسف مليت
غير لذيذ النوم منه سلبونه
وكلهم طلعوا بس حجي
ياكلبي يله نروح
نجازيهم وفه وبغدر يجازونه
ماما جوي الناس
هلووووو ريا مووواه اتفضلي خلي نكعد بالمطبخ حتى نسمعهم شيحجون
نور شووو شكل ابوج مبين عصبي
لاحبي هو شكله هيج اليشوفه يكول عصبي
ابو نور ..يا اهلا وسهلا بالجاينه
ابومحمد ..اهلا وسهلا بيك يالغالي
الله بالخير
الله بالخير والبركه
ابومحمد ..احنه جاين وطالبين بتكم لبنه وان شالله ماكو فرق ابينه ومانقصر وي بتكم
وبده والدي يسئل الولد وابوه اسئله غريبه
شعدكم وشتمتلكون وين عايشين وشنو شغله وعمله وتحصيله الدراسي
واسئله مالها طعمه عبالك جاي يحقق وياه
استغربت ع بابا معقوله هلكد يسئل
وشيستفاد من هاي اسئلته كلها
لا لا اكيد بابا راح يخرب الخطبه
زين ابني انت شفت وضع ومكانيه نور العايشه بيها تكدر انت اتوفرلها هالامكانيه
ابومحمد ..والله ياابن عمي ليش الكذب
احنه ناس ع كد حالنه يعني فقره وابنه صارله كم شهر من تعين اكيد ابني مايكد هسه يدبر هاي عيشتكم بس انكول الله كريم ان شالله يتوفق ويسويلها مثل قصركم
انتوا ولد غنه ونولدتوا بحلوكم خاشوكه ذهب
بس احنه فقره ..والفقير حبيب الله
ابونور .شنو قصدك احنه اعداء الله كمت ع حيلي
اعتذر منكم ماعندي ابنيه لزواج اتشرفنه بيكم
نور ...كمزت من مكاني وفتت الهم
بس بابا
اششش ولا كلمه انتي
من صدمتي معرفت شححي عبالك اخرسيت بس اباوع ع امي وعيوني كامت تجري دم مو دموع
طلعوا الناس من عدنه ومدنكين روسهم
بابا ..نور منو هذا محمد وجاي يخطبج ما شفتي شكد مهتلف وشكد فكر مبين عليه
واكيد جاي ع طمع
بصياح ونهيار
لابابا هذا الميعجبك والتكول عليه مهتلف هو الوحيد الحبني ورضه بيه وصبر عليه الحد ما اتخرجت
انت فكرك بالناس بس بالفلوس والقصور والاملاك بس مافكرت ابسعاده بنتك الوحيده وياه
بابا هذا الولد ميفيدج مابي مستقبل وياج اني قريته من اول ما شفته هذا محابج بنتي هذا حاب افلوسج
انت كلشي عندك فلوس فلوس فلوس
لا ليش مجابني بالعكس صبر ويايه اربع اسنين
بس كول انت محببته لان فقير
تره كلنه فقره بس الله بعدين يرزقنه بالفلوس
ما اصور انت غني جيت لدنيا
بس هسه اني دا اشوفك صارت حياتك بس جمع الفلوس اني اكرهك اكرهك وعفتهم وركضت الغرفتي وحبست روحي بيها
ويوم كامل لا اكل ولا شرب بس بجي وعياط
ع ياهو الاشوفه
