ချစ်ရိပ်က သူမ အိမ်အကွေ့ နား ရောက်ခါနီးမှ
"ကိုလင်း...ဒီနေ့..ချစ်ရိပ်...ကြယ်စင့်ကို... စာပြပေးဖို့ရှိတယ်... ကိုလင်းအိမ်ကိုပဲ...တန်းသွားတော့နော်...."
"............."
ကိုလင်းအခုတလော ဘာဖြစ်နေမှန်းမသိ၊ရုတ်တရက် ဘာလို့ ကိုလင်း ချစ်ရိပ်အပေါ် စိမ်းကားသွားပြန်တာလဲ? သွေးသစ်ကြောင့်လား? သူငယ်ချင်း ဖြစ်တဲ့ သွေးသစ်အတွက် တော့ ချစ်ရိပ်ကိုယ်တိုင် ပင် စိတ်ပူရသည်မှာ မှန်ပါသည်။ သို့သော် ကိုလင်းကတော့ သိသိသာသာပင် အမူအရာများ ပျက်ယွင်းကာ ၊ ဘာလုပ်လုပ် အလွဲလွဲအချော်ချော်။
စာသင်ခန်းထဲ တွင်လည်း ကျော်ကြီးတို့အဖွဲ့ နှင့်ပင် သိပ်အပြောအဆို မရှိသည်ကို ချစ်ရိပ် သတိထားမိနေသည်။တစ်ယောက်တည်း တစ်နေရာရာကို စူးစူးစိုက်စိုက်ကြည့်ကာ သတိလွတ်နေတတ်သည်က အခါခါ။
ဘာကြောင့်လဲ? သွေးသစ်ကို စ်တ်ပူသည်ဆိုတာထက် လွမ်းနေတာလား? ကိုလင်းက သွေးသစ်အပေါ်မှာရော ရိုးရဲ့လား? LGBT ဆိုတာကြီးကို ချစ်ရိပ်တဖြည်းဖြည်းသိလာရသည်နှင့်အမျှ သူတို့ကြားက ဆက်ဆံရေးကို ချစ်ရိပ် သတိထားကြည့်မိနေသည်။ ကိုလင်းက သွေးသစ်ကိုများ.....မဖြစ်ပါစေနဲ့ ..ဟုသာ ဆုတောင်းမိနေသည်က အကြိမ်ကြိမ် ။
"လာ..မမ...ကြယ်စင်...မျှော်နေတာ....နောက်ကျလိုက်တာ... ကိုကိုရာ...စက်ဘီးနင်းလာတာရော... ဟုတ်ရဲ့လား...."
ကြယ်စင့်အသံကြားမှ အသိပြန်ဝင်လာတော့ ကိုလင်းအိမ်ပင် ရောက်ပြီ။ စက်ဘီးရပ်ပြီး ချစ်ရိပ်ကို တစ်ချက်ပင် လှည့်မကြည့်ပဲ ခေါင်းငိုက်စိုက်ဖြင့် အိမ်ထဲသို့ မြန်မြန်ဝင်သွားလေသည်။ ကြယ်စင့်ကိုလည်း တစ်ခွန်းမျှ တုံ့ပြန် ပြောဆိုခြင်း မရှိ။ ကြားရောကြားလိုက်ရဲ့လား...ကိုလင်းရယ်.......
တစ်စတစ်စဖြင့် မှောင်စပျိုးလာချေပြီ။ ကြယ်စင့်ကို စာပြပေးသည့်နေ့များတွင် ချစ်ရိပ် အိမ်ပြန်နောက်ကျတတ်သည်။ ချစ်ရိပ်ကငယ်စဥ်ကတည်းက အမေမရှိတော့၍ အိမ်ပြန်နောက်ကျလျှင်လည်း ဆူပြောမည့်သူမရှိ။ ဖေဖေကိုယ်တိုင်ကလည်း ချစ်ရိပ်ထက် အရေးကြီးသော ကောင်မလေးများကြောင့် အိမ်ကိုဘယ်တော့မျှ စောစောပြန်မရောက်တတ်။ ချစ်ရိပ်အဒေါ်ဖြစ်သူ ကလည်း သူ့အိမ်ထောင်နှင့်သူမို့ ငယ်စဥ်ကတည်းက ချစ်ရိပ်က မည်သူ၏ ဂရုစိုက်မှုကိုမျှ မခံရ၊ သွန်သင်ဆုံးမပေးမည့် သူကလည်းမရှိ။
ESTÁS LEYENDO
ထာဝရသူငယ်ချင်း (B.F.F) (Z+U){Completed}
Novela Juvenil* အနီးဆုံးမှာရှိနေလျက်နဲ့ ငါတို့ဝေးနေတာ ဘာကြောင့်လဲဆိုတော့ သူငယ်ချင်းတွေဖြစ်နေလို့... * တစ်ယောက်ရဲ့ ခံစားချက်ကို တစ်ယောက်က သိနေပေမယ့် ဖွင့်တော့မပြောဖြစ်ကြဘူး ဘာကြောင့်လဲဆိုတော့ သူငယ်ချင်းတွေဖြစ်နေလို့... * ကိုယ်နာကျင်ရလည်း သူ့ကိုတော့ပျော်ရွှင်နေစေခ...
12: Missing boy
Comenzar desde el principio
