"ဟုတ်ကဲ့..... "ဟုပြောကာ စက်ဘီးတစ်စီးနှင့် ထွက်လာခဲ့လိုက်မိသည်။
စက်ဘီးစီးတော့လည်း ကိုလင်းကိုသတိရမိပြန်သည်။ ဘေးချင်းယှဥ်ကာ အမြဲစီးနေကျ စက်ဘီးတစ်စီးကို အောက်မေ့မိသည်။ ကျွန်တော့်စိတ်ထဲတွင် ယခင်ကဲ့သို့ပင် အထီးကျန် သလို ခံစားနေရသည်။
ရခိုင်မုန့်တီဆိုင် ရောက်တော့ မုန့်တီတစ်ပွဲမှာကာ တုတ်ထိုးကို စိတ်ကြိုက်သာ ထိုင်စားလိုက်မိတော့သည်။
ထိုအချိန် ကျောချင်းကပ် စားဝိုင်းတစ်ခုမှ
မိန်းကလေးတစ်ဦးနှင့် စားပွဲထိုးအကိုကြီး တို့အသံ
"အကိုညီမမှာ...သုံးထောင်ပဲပါလာလို့...ရလားဟင်.."
"ဟာ..ဒီမယ်..အဲ့ဒါဆိုအစကတည်းက..ပါသလောက်ပဲစားပါလား...ခုတော့ကွာ..."
"ဒီမယ်...ကျွန်မမှာပါတဲ့ပိုက်ဆံက..ဒီရေမွှေးဝယ်လိုက်လို့ရှင့်....ပြီးတော့ တစ်ခါတည်း..လမ်းကြုံလို့..ဝင်စားလိုက်တာ...ကျွန်မအိမ်ကဒီနားတင်...ပြီးရင်..လိုတဲ့ ပိုက်ဆံလာပြန်ပေးမယ်..ရလား..."
"မင်းကိုငါ..တစ်ခါမှမမြင်ဖူးဘူး....လာမပေးရင်ဘယ်လိုလုပ်မလဲ....ဘယ်မှမသွားရဘူး....."
"မသွားရင်လိုတဲ့..ပိုက်ဆံဘယ်လိုပေးရမှာလဲ....ရှင်စိုက်ပေးမှာလား...."
"မင်းစားတာ..မင်းရှင်းရမှာပေါ့...."
"အဲ့ဒါ ကြောင့်..ပိုက်ဆံ သွားယူမယ်လို့..ပြောတာပေါ့...ရှင်နဲ့တော့..ခက်ပြီ...."
"ခက်တာက..မင်းကွ...ဘယ်လိုဟာမလေးမှန်းမသိဘူး..သူကလည်းမှားသေး...လေသံကိုက...."
မှန်တော့မှန်ပါသည်။သူမဘက်ကလည်း မှားသေး လေသံကနည်းနည်းမှ မလျှော့။ စိတ်ညစ်လို့ မြစ်ကမ်းဘေးလာထိုင်ကာမှ သပွတ်အူရေထဲမျော လာသည့်အဖြစ်မျိုးနှင့် ကြုံနေရသည်။ ကျွန်တော်လည်းမနေသာသည့်အဆုံး
"ဒီမှာ... ပိုက်ဆံကဘယ်လောက်လိုလို့လဲ....."
သူမကပင် သွက်သွက်လက်လက်ဖြင့်
"တစ်ထောင်တည်းပါ!...အကိုရယ်......"
ကျွန်တော် တစ်ထောင်တန်တစ်ရွက် ထုတ်ပေးလိုက်တော့ သူမကလှမ်းယူလိုက်ကာ စားပွဲထိုးအကိုကြီးကို
"ရော့...နောက်ဘယ်တော့မှ..လာမစားဘူး...."
YOU ARE READING
ထာဝရသူငယ်ချင်း (B.F.F) (Z+U){Completed}
Teen Fiction* အနီးဆုံးမှာရှိနေလျက်နဲ့ ငါတို့ဝေးနေတာ ဘာကြောင့်လဲဆိုတော့ သူငယ်ချင်းတွေဖြစ်နေလို့... * တစ်ယောက်ရဲ့ ခံစားချက်ကို တစ်ယောက်က သိနေပေမယ့် ဖွင့်တော့မပြောဖြစ်ကြဘူး ဘာကြောင့်လဲဆိုတော့ သူငယ်ချင်းတွေဖြစ်နေလို့... * ကိုယ်နာကျင်ရလည်း သူ့ကိုတော့ပျော်ရွှင်နေစေခ...
8: သုံးယောက်
Start from the beginning
