المشرملة والمافيوزي(أسير عينيها) مكتملة

Part10(new)

وقفات متاجهة لباب خارجة وهو يجرها عماد بمرح من عنقها محاوطو بمرفقو خلاه يتحكم في حركتها داها مع صالة وهو كيسمع معيورها باش يطلق منها وخلفهم نجلاء لكتصورهم وكضحك

جلس عماد وجلس بقربو غيثة لمخلاهاش تنوض هي كتعير وهو كيضحك

غيثة: بعد مني البعر علاش جيتي سير رجعو فين كنتو وخليني عليكم في تيقار

عماد(عنقها بمرح) : وصافي عرفناك تقلقتي وحنا علاش رجعنا

غيثة(تهدنات وشافت فيه بنص عين كأنها ممسوقاش) : وعلاش جيتي ياكمة نستي شي حاجة عليك تقولها هاد البوديكار لي ليل ونهار وهما واقفين فوق راسي

عماد(ضربها لجبهتها بخفة) : حيث عارفك كيف دايرة ولكن صدمتيني انك درتي عقلك

شافت فيه بنظرة تحذيرية وبغات تنوض هو يجرها مجلسها كيلعب في شعرها لقصير

عماد: يلاه جينا باش تمشي معانا

غيثة(شافت فيه ممصدقاش) : تيقتك ياك قلتي عندي قرايا وزيد مكنقراش كنعطيها غالغياب وزيد يلاه جيتي علاش غترجع هاااا دوي

عماد(جبد تيلي كيوريها شي صورة لشي حفل وعليه تاريخ) : هانتي تيقتي كاين مؤتمر في افران مهم بزاف ومبغيتش نمشي حتى تمشي عارفك غيشدك الفضول حول هاد الاماكن نمكنتش باغة تمشي ماشي

غيثة(مكملهاش حتى ضرباتو لغيثة لكرشو) : قلتها ليك ايوا سكت علاش مغنميشيش اصلا منقدرش منقدرش اه نخلي نجلاء بوحدها

نجلاء(بضحكة): واو تيقتك وينو عمد شوف الضحيكة

كانت غيثة حابسة ابتسامتها ولكن منين بقاو شادين فيها كيضحكو فيها مقدراتش تبقا تحبسها

غيثة(ابتاسمت بسرور ( : هه صافي متبقاوش ضحكو عليا وصافي ولا نتقلب عليكم

عماد: لا لا غير بقاي هاكة قبل ماتشرملي علينا وزيدي ضحكيتك زوينة

غيثة: بلاتي قلتي دابا مشرملة

عماد: لا تبارك الله غير كتضربي طاسة وبعض من الگارو والحباسات مرة مرة ...

غيثة(قاطعتو): صافي صافي ندمتيني

عماد(جرها معنقها حااط راسها فوق كتافو ويد كتحرك شعرها القصير بتمرد خلاتها تبدا ضحك ): عاودي ليا علاش دخلتي مرة لخرا الحبس

غيثة: بسباب داك زاااااااامل بلاتي نعاود ليك فيلم. وحكم

نظر لنجلاء لكانت جالسة كتراقبهم بابتسامة فتح ذراعو ثانية ولمح ليها تجلس حداه توجهات بخجل جالسة بقربو واضعة رأسها تحت صدرو كتسمع لدقات قلبو ليكنبضو تحت طبلة اذنها بانتظام،بلعات ريقها منين شعرات بصبعو كيلعب بشفايفها، منين طلعو قبيلة لبيتو كانو على شويا غيدخلو في علاقة جنسية غير هي في اخر لحظة تراجعت بلطف بدون ماتجرحو