صاحبة العيون الملونة (فصلية)

البارت الواحد والعشرون★

وجوهكم رفگه لوجهنه بس نوایاکم غرب.

عمار التميمي

غزل: رحت اشوف حيدر لان سمعت صوت امير بسرعة طلعت واشوف حيدر بيده كانونه ومستند على امير ركضتله.. شبيك حبيبي ليش بيدك كانونه..
حيدر: ماكو شيء....
غزل: شنو ماكو شيء متشوف ايدك بيها كانونه...شبي امير مو كلت كاعدين على الشط.
امير: ضغطه صعد واخذته للمضمد.. مقبل اكللكم..
غزل: تعال ويايه ارتاح ليش هيج تسوي بروحك منو يفيدك محد يستاهل يعمريي...
حيدر: اي محد يستاهل...
غزل: اندار على الحجية ومسح دموعها معلقت بس دموع تجري صعد فوك واني ويا... ارتاح اسويلك عصير واجي.... لزم ايدي وكال
حيدر: تعالي يمي مااريد شيء بس حضنج.
غزل: رحت خليت راسه على صدري وافرك بي وارتل ايات قرانيه بصوت ناصي على راسه على الهدوء نام اني هم نمت محد كعدنا ضلينا نايمين شوية وكعدت على بروده الغرفة لكيت حيدر بعده نايم غطيته ورجعت غمضت عيوني وافكر..... صحيح الي سويته بس يمكن لو مكايلتله جان هسة اني مو يمه وره نص ساعة كعد ويصيح....
حيدر: ولچ يمه رأسي راح ينفجر.
غزل: اسم الله عليك هسة اجيبلك دواء واجي.
حيدر: اثنين بندول بسرعــــــه ااااااه.
غزل: رحت جبتله فواكه بسرعة وانطيته الدواء وكعدت اقرأ على راسه دعاء لوجع الرأس ربع ساعة والدواء اخذ مفعوله خليته مسنح نزلت جوه لكيت الحجية تقرأ قران وتمارة تنيم رهف اخذت موزه اكلتها ورجعت لحيدر نفس وضعه مااعرف شنو اسويله..
حيدر: غزل كلتي لامي ليش كتلت هاي بنت الكلب.
غزل: لا مكتلها سألتني كلتلها نزلت على صوته..
حيدر: عفيه مااريد جنس مخلوق يعرف بألي صار افتهمتي لو اعيد.
غزل: لا هاي هية حبيبي تأمر بس شنو راح تسوي.
حيدر: كلشي بوقته حلو...
غزل: لتسوي شيء تندم عليه بعدين... همهم رجع بدل وكال رايح عندي كعده..
غزل: هاي كعداتك متخلص.
حيدر: جا غير شيخ يروحون المن علمود يحل مشاكلهم..
غزل: تمام بس لتتعب نفسك..
حيدر: حاضر بس شو هذا الشماغ الجوزي ما هوه شو تعالي شوفي بالكنتور..
غزل: لا اني اليوم كويته وخليته هنا.... كمت ادوره حسيت انفاس بركبتي طلعته الشماغ وانطيتهيا بس درت اخذ شفتي ببوسه رقيقة وابتعد ضلت عيونه تتنقل بين عيوني وشفتي وكال....
حيدر:تعبان
غزل:اسم الله عليك من التعب حرارت..
حيدر:تعبان من حبج وعديني متعوفيني ابد.
غزل:لتحجي هيج تدري بيه اموت عليك ووعد ابد مااعوفك حتى لو وكعن سنونك وصلعت ابقى احبك..
حيدر:ههههه وخري خلي اطلع..
غزل:بعدك تعبان.
حيدر:لا صرت زين.
غزل:يحفظك الرحمن ويبعد عنك ولد الحرام..
حيدر:ولج هاي امي تدعيلي انت دعوتج خاصة من ارجع اكلج يله مع السلامه.
غزل:مع السلامه طلع وعيوني ورا رتبت الغرفة ونزلت يم الحجية سوالفها تخبل تكعد تسولفنا عن ايام زمان من جان ابو حيدر الله يرحمه عايش اشوف بعيونها من تذكر سوالفه لمعه حب حزن وتنزل الدمعه شكد تحبه من خلال سوالفها عرفت شهم كريم حكيم اغلب صفات حيدر من عنده بس حيدر عصبي... شوية واذن كمت صليت وسويت عشه اني وتمارة سمية محد فتح الها الباب لان المفتاح عند حيدر ساعة واجه حيدر كعدنا على العشه..حجت الحجية..
الحجية:اكلك يمه هاي البنية خطيه من الظهر حابسها ما الها صوت خاف صاير بيها شيء وانت يمه سامحها مهما غلطت.
حيدر:يطبها نعل كلشي مابيها خليني اكل يمه ولتذكرين اسمها كدامي..
الحجية:بكيفك يمه انت چبير وتعرف..
غزل:كملنا عشه غسلت الماعين ورحت صعدت وره حيدر لكيته مغسل ولابس بس بجامه كدامه حاسبته ويشتغل بيها رحت اخذت ملابسي وغسلت لبست

حيدر: اموت على جلد النمر حتى لو ابيض.
غزل: واني هم احبه.
حيدر: تحجين وياية.
غزل: لا مو وياك.
رحت طبيت جوه البطانية هوة غلق الحاسبه واجه يمي سحبني على ايده وضل يلعب بشعري نمت وهوة يمكن بعده كعدت الصبح ملكيته بدلت ونزلت لكيته يتريك والحجية تقنع بي يفتح الباب طبيت كلت...
غزل:صباح الخير.
حيدر والحجية:صباح النور..
الحجية:يمه قنعي حيدر يفتح الباب خطيه.
غزل:درت لحيدر لكيته ياكل كتلها...بكيفه يمه اني معليه هوة يعرف يتصرف..باوعتله لكيته مبتسم..
الحجية:يا يمه ردتج عون صرتي فرعون زين هية شمسويه...
غزل:ماادري.
الحجية:اكص ايدي اذا متعرفين.
حيدر:يمه شلون تالي اريد اتريك من الصبح مصبحين بسيره هاي السا...
غزل:راد يكمل بس دخلت تمارة سكت صبحت وسوت ريوك اليه والها شويه وراح حيدر سمعت صوت ضرب وبچي...رحنا كلنا اكيد هذا حيدر امير ما هو علمود يوخره نحجي نريد كطعها تكطع صاح بينه نطلع طلع ورانه وقفل الباب صاحت سميه ماادري بعد هذا الضرب كله بيها حيل.....
سمية:اي جا خلي كدرتك بس عليه شوف اختك شمسويه ويه اخو مرتك........
ـــــــــــــــيتبعـــــــــــــــــــــــــــــــــــ
السلام عليكم حبيباتي صوتوا علقوا بعد شيباتي وحدة وحدة😂😂
ان شاءالله يعجبكم
تنموكلاوو♡