صاحبة العيون الملونة (فصلية)

البارت السادس عشر★

اجيك من الحزن وأحزن وصاحب فاسك واعدل

انه شما بچيت ارتاح ارد اعشگ
اغنيلك صلاة العيد
اتوب من العشگ واعشگ !
اثاريه الوطن مبعد ،
انت شما گرب صوتك تدليني الوطن وناس ،
اهيم واشتل بگلبك فرح فضي
اثاري انت التموتني وتهدني شما كبر جرحي

بسام عبد الكريم

غزل:كعدت العصرية على صوت الباب يندك.
غزل : ها تمارة شكو.
تمارة : سوري ازعجتكم بس اهلج اجوا.
غزل : لا عادي صدك نسيت هسة اجي
تمارة : تمام
غزل : رحت كعدت حيدر.
غزل : حيدر حيدر.
حيدر : ها شكو شصاير.
غزل : ماكو شيء حبيبي بس اهلي اجوي.
حيدر : هلا بيهم بس طلعيلي ملابسي.
غزل : تمام طلعتلة دشداشة رمادي غامق وشماغ رمادي افتح وسبحة فضية وساعة فضية

واني لبست هذا لان جنت مبدلة ملابس نوم

و

وسندت حيدر مع انه مااگرله هوة حس خفف عني بس اشوف على وجهة تعابير الالم وصلت لنص الدرج لكيت امير
امير : انطينيا وروحي شوفي اهلج.
غزل : صار.
مشيت بسرعة وطبيت للإستقبال لكيت ماما جاية وياهم تريد تشوفني اول مشافوني كاموا بسرعة.
غزل : شميت بابا اخخ ياريحة الابو وحضنه جان لابس دشداشة
‏مِن تشتاگلي احضِني
حد الما اميز هاي
دگت گلبي لو گِلبگ
ياسر فليح

محمد (ابو غزل ) : هلا اميرتي شلونج بنيتي والدمعة بعيونه
غزل : بخير بابا انت شلونك.
محمد:الحمد لله.
حوراء (ام غزل ) : تعالي بنيتي شلونج حبيبتي.
غزل : زينة عمري شلونج.
حوراء : الحمد لله مدام انت بخير.

شلووني؟

الخير مابي خير  بعدك
روحي  طين وأنته ماي
وفركتك فطرت ظلي 

انه  مفارگ صباح الخير
الله  يساعدك  كلي

احمد العقابي

غزل : حضنت حسين الي هم جان لابس دشداشة وشماغ طالع تحفه ..مجاية مرته.
حسين : شلونج ولج صايرة مرة.
غزل : كلما يشوفني يكلي صايرة مرة.
غزل : زينه الحمدلله من زمان بس انت متشوف..ولك طالع صاك
حسين : هههه
غزل : لعد وين علي.
حسين : برة استحى يدخل يكول اسلم عليهة واروح للفندق.
غزل : صدك جذب هذا يحجي خلي اروحله.
غزل : رحت لامير الي لكيته واكف والدمع يجري ومدنك راسه.
غزل : حضنته شلونك حبيبي.
علي:الحمد لله انت شلونج عمري
غزل : ورجع يبجي علي كلش حساس ميتحمل هيج مواقف ..الحمد لله.
علي : اشتاقيتلج زمالة.
غزل : مو ستونه جنة بخير..والله اني مشتاقتلك اكثر..تعال ادخل ليش واكف.
علي : لا اريد اروح احسن.
امير : شلونك ولك لا تسأل لا تكول .
علي : هلا ولك شوكت اجيت.
امير:فوك الشهر.
علي : ومتجي تكول والله مشتاقلك.
امير : ضلعي اني الاكثر انت كاطع.
غزل : يالله هسة مو وقت العتاب تعالوا طبوا.
علي :لا اخذوا راحتكم اني اروح للفندق.
امير : جا بيتنا المن.
علي : لا والله احسن الي.
غزل : اجت تمارة متدري اكو واحد غريب مخليه الشال على كتفهة وصاحت
تمارة : امير غزل يالله وينكم تعالوا شهكت وركضت لجوة لان شافت علي.
علي بشرده: هاي منو الغزالة بصوت ناصي محد سمعه غيري.
غزل : انجب ولك هاي اخت امير.
علي : ها ايي بس تخبل ولج خطبيلياهة.
غزل : اخطبهة بس بطل صفنتك ترة راحت راح تفضحنه.
امير : يالله راح نوكف هواي هنا يالله ادخل.
علي : اي اكيد ندخل.
غزل : صار ساعة نحرمص متدخل بس شفت البنية غيرت رأيك.
علي : امشي ولج.
غزل : دخلنه جوة لكيت ماما كاعده وية الحجية وتمارة.وبابا وحسين وية حيدر.
عفتهم ورحت يم ماما الي جانت مندمجة بالسوالف وية الحجية وتمارة كامت تقدم لامي وصاحتني علمود اودي الصينية للزلم سمعت صوت حيدر يسولف عادي وية اهلي اطمنت انه مشايل عليهم.
دخلت عليهم ابتسمولي باوعت لحيدر لكيته مبتسملي ابتسامه اطمئنان شكرته بعيوني خلصت تقديم وطلعت.
كعدت يم ماما كلش مشتاقتلهة وبعدين اجه امير كال راح اجيب عشاء مو تطبخون واخذ علي ويا وراح صار المغرب رحت جبت سجادات وترب واطيتهميا صلوا اجه امير جايب العشاء كباب وكص ومقبلات وغازيات واحنه مسوين زلاطه و حلويات فرشنه السفرة الزلم وحد والنسوان وحد سمية مو موجودة راحت وية اهلهة.
حيدر :دخلت غزل وامي للغرفة جنت اخابر واحد من جماعتي لان عرفت منو دعمني وجان متعمد خليته يراقبليا قلبت السالفة وكتله الله يسلمك هم زين محد انتبه اجوا ماس يتحمدولي مشى اليوم كالت غزل راح يجون اهلي اني مجنت شايل عليهم للعصر اجوا بي من دخلني امير سلم وراح شفت امهة وابوهة وصاحبي حسين مشفت اخوهة الثاني اتحمدولي بالسلامه حسين سلم عليه عادي شاورته كتله تعرف جت محترك دمي على صاحبنه.
حسين : ولا يهمك حبيبي بس مخليت مكان لصداقتنه
حيدر : اعذرني..شوية ودخل اخوهة علي سلم عليه وتحمدلي بالسلامة بس جان متردد وبعدين عرفت هوة جان يريد يروح للفندق.
حيدر : بيتنه مفتوح شلون تروح للفندق واحنه اهل.
علي : تسلم شيخ بس ردت تأخذون راحتكم.
حيدر : لا علي ممقبولة منك هذا البيت بيتك هوة ابتسم اجت غزل علمود تقدم باوعتلي ابتسمتلهة ابتسامه اطمئنان باوعتلي بنظرات شكر فد شوية راح علي وامير يجيبون عشاء واني كمت صليت صار العشاء فرشوا السفرة....
يتبع--------------------------------------------------
Para Eid, la alegría de lo que se complementa solo con su presencia, y Eid es una alegría que es evidente solo por su proximidad.
ايامكم سعيدة وكل عام وانتم بألف خير يارب ترفع الغمه والبلاء عن ابناء وطنا
عذروني نشرت بارت امس بس النت عليه لود فمنشر.
T.H.M

‎