صاحبة العيون الملونة (فصلية)

البارت التاسع عشر★

مثل طعم الحلم
والحلم بالروح تفسير -
اشوفك شوف،
بالسكته الجريحه والغضب والخوف.
واشوف الموت يسري بيك، ليلي اطول من لياليك.
واشوفك ساعة التوديع،
حچي امگابر يحده الموت...
والموت اعلئ حده ايضيع.
اودمع ِعشاگ - بين الشوگ والهجران -...
يخجل يشتري ويبيع.
اوصبر محزون بعيون، تخاف الموت وتخاف...
علئ ابنادم هذاك البيك،
تريده ايعيش بالنسيان تذكار،

شاكر السماوي

غزل: نمت حسيت على حركة بالغرفة شلت راسي شفت حيدر ديلبس بملابسة... صباح الخير.
حيدر: صباح النور كعدت.
غزل: لا حبيبي عادي... كمت بسته بخده هو ابتسم وحضني.
غزل: حبيبي وين رايح.
حيدر: للمضيف عندي كعدة.
غزل: هاا.
حيدر: يله اني نازل جوة رجعي نامي اذا تردين.
غزل: لا ماعندي نومه اغسل واجي.. اسويلك ريوك.
حيدر: بكيفج حياتي.
غزل: نزل حيدر واني غسلت ولبست

ونزلت لكيت الحجية كاعدة وتمارة وامير ملكيت ميساء الساحرة.
غزل:صباح الخير.
الحجية:هلا يمه صباح النور.
تمارة وامير:صباح النور.
غزل:بست رأس الحجية وطلعت كيمر عرب وعسل وجبن وخليت الجاي على النار تمارة وياية خليت الاكل بالكاع نزلوا يأكلون حيدر اكل شوية وشرب جاية وكام
حيدر:امير خلص اكل وتعال وراية اريدك بالكعدة.
امير:حاضر خوية.
غزل:كام امير لغرفته لبس دشداشة وشماغ وطلع ورة امير..ورة شوية شرفت ميساء الساحرة..طبت لا سلام ولا كلام..وتباوعلي وتغمز
تمارة:شبيها ام عيون مفكسه تغمزلج.
غزل:هههههههههه كلشي ماكو.
سمية:ضحكونا وياكم.
تمارة:شدخل خشمج بالنص.
غزل:تمتمت وية نفسها بكلمات مو مفهومة غسلت الماعين وتمارة رتبت المطبخ وطلعنا كعدنا نسولف بغرفة الحجية وهية ويانة شوية وكمنا نريد نطبخ الغده طبينا ونصدمنا بالمطبخ.........
حيدر:رحت للمضيف واني افكر بغزل احس بيها شيء طبيت طبوا ولد عمامي سلمت وكعدت ورة شوية دخل وراية امير:السلام عليكم.
الكل:وعليكم السلام ورحمه الله وبركاته.
فد ربع ساعة واجوا الناس وبدت الكعدة.
حيدر:الله بالخير.
الكل:الله بالخير والعافية..
ابو محمد(الي عنده مشكله ويريد يحلها):والله شيخ حيدر احنا جايين ونريد منك تحل سالفتنا.
شيخ حيدر:ان شاءالله مگضيه بأذن الله تفضل ابو خلف شنهو المشكله.
ابو محمد:شيخ بناتي نهوا عليهن ولد عمامهم وبناتي متعلمات وحدة مدرسة والثانية دكتورة وولد عمامهم مامتعلمين والبنات مارايدات يزوجوهم حاولنا نفك النهوة مقبلوا وفوك هذا كله بناتي صغار وحدة ٢٥والثانية ٢٣ و ولد عمامهم كبار بنهايه الاربعينات ومزوجين يعني بس يوكفون قسمه البنيات.
شيخ حيدر: شوف يجماعة الخير سنينه النهوة نحدرت من اجدادنا وجانت غايتهم يلمون شمل العائلة حتى لا يروح للغريب بس بهاي الايام صاروا الناس يستعملون هاي السنينه حتى يكسرون ببنت عمهم اذا جانت البت مرايدتهم والزواج بالاكراه باطل وماكو نص بأي دين يدل على زواج الاكراه حلال صحيح حجيي لو لا.
الكل:صحيح شيخنا.
شيخ حيدر:رحمه الله والديكم ونكدر نفك النهوة بفلوس وشكد تامرون انه حاضر..باوعت لولد عمهم مجان عاجبهم الكلام ومبين الخبث والمكر على وجوههم فطلبوا هواي فلوس.
ابو محمد:سهله الفلوس بس خلي يعوفون بناتي بحالهن.
حيدر:مقبل ادفع ابو محمد الفلوس شالهن كلهن فضت السالفة وراحوا...بقينا ساعة وراحوا ولد عمي...
حيدر:امير.
امير:تفضل خوية.
حيدر:مشينا نروح للطاحونه ونروح للبساتين من زمان مرايح.
امير:تآمر.
حيدر:رحنا نشوف العمال صار وقت الغدة رجعنا للبيت لكينا سمية شعرها مكفش ووجها احمر وغزل شوية اضرار وتمارة كاعدة على اعصابها والحجية تهدي بيهن.
حيدر:خير اللهم اجعله خيراً شكو يمه شصاير.
الحجية:ماكو شيء يبعد امك سوالف نسوان روح ارتاح انت واخيك علما يصبن الغدة.
امير:هو اذا اكو غدة بعد هاي العركة.
كامت سمية وشبكت حيدروكالتله..
سمية:شيخ گلبي شوف شسون بيه اختك والفصلية.
حيدر:لج شنو اختك شنو فصلية عدهن اسامي لو لا.
سمية:اسفة شيخ بس من حركة گلبي.
غزل حركت حلكها يمنى ويسرى:يمه العيارة يمه..
حيدر:شصاير تمارة احجي.
سمية:لا شيخ اني احجي طبيت للمطبخ اريد اسوي ريوك تريطت وطلعت رجعت اريد اسوي غدة لكيت المطبخ مگلوب الدهن والبهارات والملح وكلشي مگلوب.
غزل:راسج هم مگلوب شتكولين.
حيدر:كافـــــي شبيجن احجي تمارة.
flash back
تمارة:طبينا للمطبخ نريد نسوي غدة لكينا المطبخ مگلوب كل حاجة نازلة بالكاع ومحد بالمطبخ احنا نظفنا المطبخ وطلعنا اجت سمية تعلچ وتتبختر بمشيتها وتكول.
سمية:يله نظف المطبخ وغسلن البيت
غزل:مو خداديم عند اهلج.
تمارة بصياح:ليش هجي سويتي سمية....
غزل:بعدها تمارة ممكملة كلام جريت سمية من شعرها وظليت اضرب بيها وهية ماناقصة اجت الحجية على صوت صياحنه كامت تصيح علينا علمود نوخر تمارة كامت تضرب بسمية وترجع توخرني عنها.
هديتها واخذتها الحجية وراحت اني وتمارة نظفنا المطبخ وركبنا الغدة ورجعنا يم الحجية لكينا سمية ماموجودة
back..
تمارة:هاي السالفة ومابيها.
سمية:چذب والله چذب.
غزل: يشيلج الله ولج مو حرام تحلفين بالله چذب.
حيدر:اسسسسسس اني ماادخل بسوالف النسوان بس اذا نعادت ميصير خير..
صعدت فوك بدلت ونزلت لكيت الغدة مصبوب كملت رحت صليت اجت غزل كعدت على القنفة خلصت صلاة رحت للفراش ادنت يمي وكالت.
غزل:عيوني.
حيدر:شكو.
غزل:والله من حركة گلبي ضربتها.
حيدر:من حركة كلبج ضربتيها ترة هي هم مرتي حالها حالج دير بالج تمدين ايدج عليها.
غزل:وكامت الدموع توكع يعني انتَ متحبني تدافع عليها مو وتصيح عليه اني ماادري شلون حبيتك..
حيدر:ولج تشككين بحبي الج حبيبتي انت كلشي بالتفاهم صحيح هية مستفزة بس انت لتطيها وجه تعالي بحضني هسة مشتاگلج.
غزل: ماا ماا.
حيدر: هسة عليمن هاي الدموع حبيبي.
غزل: انت تكول سمية مرتي حالها حالج يعني هم تحبها مثلي مو.
حيدر:لا ياروحي اكيد احبج اكثر بس ماافرق بينجن.
غزل:هاا ميخالف اني بس مرتك.
حيدر:اي انت مرتي يلة تعالي نامي يمي.
غزل:رحت لحضنة الي يحسسني بالامان بعد ابوية....حيدري.
حيدر:صار بيها حيدري كولي گليبي.
غزل:اريد اكلك شغلة.
حيدر:اي حبيبي كولي.
غزل….............
ــــــــــــــــــــــــيتبعــــــــــــــــــــــــــ
السلام عليكم شلونكم حبايبي كتبت بارت طويل كلش بالثلاثة الالاف بس خلص الشحن وانقفل الموبايل واني محفظته ان شاءالله يعجبكم البارت..
تنموكلاوووو♡
T.H.M