صاحبة العيون الملونة (فصلية)

البارت العشرين★

غزل:حيدري اريد اكولك شغلة
حيدر:ادور صار بيها حيدري كولي باباتي.
غزل:سمية ذاك اليوم هددتني بأهلي.
حيدر:شلون شنو يعني مافتهمت.
غزل:كالت لو تكولين لحيدر مااحبك وچذبت عليك بس ردت اردلك الصاع صاعين شلون اخذتني فصلية لو اكتل اهلج.
حيدر بعصبية:ها بت الكوا*** شلون هجي تكول اليوم انعل سلفا سلفاها.
غزل:لا حيدر خاف تسوي شيء بأهلي حباب اهدأ وفكر بعقل لتنعمي بعصبيتك.
حيدر:ولج هاي رب الحقارة خبيثه عديتلها هواية بس علمود بتي كلت مااحرم الام من بتها مااريد اصير ظالم تالي هجي تسوي ولج هي اصلا متزوجتني علمود فلوسي وكم مرة سوتلي سحر علمود اموت وتورثني بت الك*** وهسة اجه السرة لمرتي واهلها لا والقران مااعيفها وروح ابوية الما شبعت منا.
غزل:مكدرت اسيطر على حيدر نفعل لو ما كايلتلة احسن خاف تسوي شيء بأهلي نزلت ورا واصيح اهدأ اروحلك فدوة...
حيدر:معليج انت لتدخلين اني اعرف شسوي.
غزل:يريد يدخل بس وكف على الباب يتسمع الها اجيت اريد احجي وضع ايده على حلكي لزمني وسكتني ادنيت اريد اسمع جان تكول...
سمية:حبيبي اني هددتها بأهلها واكيد تقبل اريد ادوس على راسها هذا الرافعته علينا واشوف كسرت حيدر وان شاء اطلب الطلاك واجيك.... لا حبيبي ماصحتلي فرصة مو ذاك اليوم اجيتك بعد كلبي انت رجال خو مو حيدر حاير بهاي الفصلية كلشي ماكو...فدوة للي يغار....
غزل:انصدمت بعدني ما كملت الصدمة دخل عليها حيدر مث الاعصار لا يابة اعصار شنو ادخل بخطيته اذا كلت اعصار دخل مثل زلزال تسونامي كلشي مااشوف غير جثة هامدة مدماية وحيدر يلهث ويضرب بحركه گلب ويكلها عاشرتج سبع سنين مليــــــــت منج وسكتت سويتي سحورة وسكتت مشاكل اربع وعشرين ساعة وهم سكتت مهتميتي بيه وهم سكتت روحة وردة وهم سكتت ممهتمه ببتج وهم سكتت دوم مكابله الموبايل اربع وعشرين ساعة بس سحب فلوس مني واكول الله مفظل عليه ومكرمني ليش مااطيها بس خلي تكف شرها بخيرها وهم بعدج تالي تتواعدين وية واحد ورايحتله وشايفته بت ال****** تريدين تموتيني وتاخذين فلوسي لو اموت مااخلي يوصلج فلس احمر برب*******.
غزل:اخذت رهف بنته وطلعت اجت الحجية غلى صوته خليت رهف عند تمارة ورحت لحيدر لكيت الحجية تكله يمه عيفها بنيي راح تموت وخر الله يرضى عليك ومتكدرله.
اجيت احاول واوخرة جريته شويه نشلع وصله من شعرها وذيج ترادده كلمه بكلمه خفت ليصير بي شيء نزل امير يصيح يريد يلزم حيدر جره برة كتله طلعة برا مقبل حيدر وكال..
حيدر:عيفني ولك خلي اربيها وانت اريد اشوف شلون اطلكج بت ال*** وخليج بس للكتل اخذ الموبايل ودور بالغرفة لكى موبايل ثاني گلب الغرفة گلاب قفل الباب وطلع راح ورا وذيج تون والحجية تكول شصاير يمه اني كتلها...
غزل: ماادري يوم نزلت على صوته.
الحجية:الله يساعده يمه راح يروح ابني من ورة هاي الچلبة..
غزل:الله كريم الله يهدي النفوس..
راحت الحجية للغرفة سويتلها عصير ليمون يروح يصعد ضغطها.... هاج يمه ليصعد الضغط.
الحجية:بعد امج رحمه الله والديج بس خابري امير اريد اشوف شصار بحيدر.
غزل:حاضر يوم بس ارتاحي...رحت اتصل على امير يدگ ضل شوية وشاله....ها امير شلونه حيدر.
امير:طك خشمه دم وهسة احنا كدام الشط شوية ونرجع..
غزل:دير بالك على فدوة.
امير:بعيوني يله مع السلامه.
غزل:الله وياك..
رحت كلت للحجية واخذت رهف ناطه بچي وتمارة تسكت بيها..
غزل: يمه شوف البنوتات الحلوات افر بيها سكتت وكامت تضحك اباوع لملامحها ماخذه من ابوها وعمتها وعمها حتى من الحجية ماخذه صايرة كوكتيل ضليت العبها لحد مااجه حيدر سمعت صوت امير بسرعة طلعت واشوف حيدر بهت لوني....
ـــــــــــيتبعـــــــــــــــــــــــــــــــــــــــ
مساء الخير عافياتي مگدرت انزل بارت لان ماكو نت عذروني اتحفوني شنو توقعاتكم
شصاير بحيدر؟!
سمية حتنفذ تهديدها لغزل؟؟؟
يا تهديد بخصوص اخوها لو كل اهلها!!!
دمتم في حفظه ورعايته....♡
⭐⭐⭐⭐⭐⭐
T.H.M