"ကိုလင်း...ကိုလင်း....ထပါဆိုကွာ..."
ကလေးရယ်..ဒီကကောင်က မင်းရဲ့အသံမပြောနဲ့ ကိုယ်သင်းနံ့ကအစ မှတ်ထားတဲ့ကောင်ပါကွ ကိုယ်နိုးနေပြီဆိုတာ မင်းဘာကြောင့်မသိပါလိမ့်..
ဟော....သူလည်းမခေဘူးပဲ။
ကျွန်တော် ခေါင်းမြီးခြုံထားသော စောင်ကိုသူစဆွဲလေပြီ။ ကျွန်တော်ကလည်း ဘယ်ရမလဲ ပြန်ဆွဲသည်ပေါ့။ ကုတင်ပေါ်မှာ စောင်တစ်ထည်ကို သူဆွဲ ကိုယ်ဆွဲဖြင့် ကျွန်တော့်ရဲ့ အားကြမ်းကြီးတွေကြောင့်...
သူ ကျွန်တော့် အပေါ်ပုံလျက်သားလဲကျလာလေသည်။ ကျွန်တော့်မျက်နှာကလည်း သူရှိရာသို့အလှည့်မှာ ဒုတိယအကြိမ် နှုတ်ခမ်းချင်း မိတ်ဆွေဖွဲ့သွားလေသည်။
နှုတ်ခမ်းချင်း ထိစပ်မှု၊ မျက်လုံးချင်း စကားပြောမှု တို့ကြောင့် နှလုံးခုန်သံချင်းကြားနေရသော ခဏတာမျှ မလှုပ်မယှက် နေနေမိကြသည်။
"ဒေါက်..ဒေါက်.."
တံခါးခေါက်သံကြားမှ နှစ်ယောက်သားလူချင်းခွာလိုက်မိသည်။
သူလည်းကြောင်အမ်းအမ်း ကိုယ်လည်းရှက်ကိုးရှက်ကန်းနှင့်"သားရေ..နိုးရင်ဆင်းလာတော့လေ..မေမေမနက်စာပြင်ပြီးပြီ..."
"ဟုတ်ကဲ့... သားတို့..ဆင်းလာခဲ့မယ်...မေမေ..."
မေမေ ပြန်ဆင်းသွားသံ ကြားတော့မှ
"မင်းကွာ...စောစောစီးစီး... လာဒုက္ခပေးတယ်...အိပ်နေတယ်လေကွာ...နားမလည်ဘူးလား...."
မည်သည့်အရာကို ဒေါသထွက်၍ထွက်မှန်းမသိ၊ သူ့ ကိုဒေါသထွက်သည် မဟုတ်တာတော့ သေချာသည်။
ထိုအခါ မျက်နှာငယ်လေးဖြင့်
" ကျွန်တော်က...မနက်စာတူတူစားရအောင်...လာနှိုးတာပါ...အိမ်မှာဖေဖေအလုပ်သွားရင်...တစ်ယောက်တည်း မစားချင်လို့ပါ....""အဲ့ဒါဆိုလည်း...နည်းနည်းပါးပါး..အလိုက်သိ....ကိုယ်ဖြစ်ချင်တာပဲ.. အမြဲရှေ့တန်းမတင်နဲ့လေကွာ..."
သွားပြီ...ကျွန်တော် ရဲ့ လူကြမ်းဗီဇက တစ်ခါတစ်ခါပေါ်ပေါ်လာတတ်သည်။
သူ မျက်ရည်များ ဝဲလာကာ
" Sor...Sorry...ကိုလင်း... ကျွန်တော် ..တစ်ကိုယ်ကောင်းဆန်သလို..ဖြစ်သွားလို့ပါ..... " ဟုပြောပြီး ထထွက်သွားလေသည်။
YOU ARE READING
ထာဝရသူငယ်ချင်း (B.F.F) (Z+U){Completed}
Teen Fiction* အနီးဆုံးမှာရှိနေလျက်နဲ့ ငါတို့ဝေးနေတာ ဘာကြောင့်လဲဆိုတော့ သူငယ်ချင်းတွေဖြစ်နေလို့... * တစ်ယောက်ရဲ့ ခံစားချက်ကို တစ်ယောက်က သိနေပေမယ့် ဖွင့်တော့မပြောဖြစ်ကြဘူး ဘာကြောင့်လဲဆိုတော့ သူငယ်ချင်းတွေဖြစ်နေလို့... * ကိုယ်နာကျင်ရလည်း သူ့ကိုတော့ပျော်ရွှင်နေစေခ...
4: မင်းမှမင်း
Start from the beginning