بعد خمس سنين
في الجنينه في فيلا اسر عمر المهدي
جني : حسبي الله ونعم الوكيل حرام عليكوا قوموا بقي كفايه لعب
مصطفى : حاضر يا مامي ثواني بس
جنى : يادي النيله طب انت يا اخ ولا كانك كبير استغفر الله العظيم
اسر : عايزه ايه سيبيني مع ابني شويه الله ماذا تريدي مني
جنى بغيظ : نعم يا اخويا ماذا اريد هقولك دلوقتي انا اريد ايه ولسه هتقلع الشبشب
مصطفي وقام جري عليه على الفيلا : انا خلصت خلصت بصي خلصت والله خلاص
اسر وقام وراها : وانا والله خلاص حتى بصي وجرى على الفيلا
جنى : طول بالي يارب ومماوتهمش يارب
__________________________________
في الفيلا الي جنبهم
على السفره
رويدا : يا حبيبي كل حرام عليك هتشل كده
ادم : بس انا مش بحب الخضار
رويدا بحنان : يا حبيبي الخضار حلو اوي اوي
ادم بطفوليه : طعمه وحش وبعدها قال بتفكير : طب هو هي خليني قوي زي بابي
رويدا: طبعاا
ادم بحماس : وهيخلي عندي عضلات زيو
رويدا وبتزود من حماسه : اكيد وهتبقى أقوى كمان منو
ادم بفرحه : طب هاتي بقي حته يلا
رويدا بابتسامه : اوكي يا بطل يلا همم
حسام نزل من فوق وابتسم لما شافهم : الله ادم باشا بياكل خضار ده ايه اليوم الحلو ده
ادم وف بؤه الاكل : اه ثوفت انا ببقى اقوويي ممك. ( اه شوفت انا هبقي اقوووي منك )
حسام بضحك : هتبقي أقوى مني ماشي يا باشا لما نشوف انا نازل عشان عندي شغل عايزين حاجه
رويدا بابتسامه : عايزين سلمتك
حسام راح باسها من راسها وبعدها بص لادم : وانت مش عايز حاجه يابطل
ادم : اه هاتلى خضار عشان ابقى أقوى منك
حسام بضحك : ماشي وراح باسه من خده وخرج
____________________________________
في الفيلا الي جمبهم في الليڨنج
رحمه وسيف قاعدين بيلعبوا
رحمه : هو البطل ده اسمه ايه
سيف : ده هالك يا مامي هاتي بقي وخد منها اللعبه
رحمه ومسك لعبه تاني : طب وده
سيف : ده بات مان يا مامي هاتي بقي وخده منها
رحمه ومسكت لعبه تاني : طب وده
سيف بتافف : اوف بقي استغفر الله العظيم انتي عايزه مني ايه ده سبايدر مان اوعي بقييي وخد منها اللعبه
رحمه بصدمه : اوف واستغفر الله العظيم وعايزه مني ايه كل ده في جمله واحده يابني انت مين علمك الكلام ده
سيف بفخر : اونكل اسر حبيبي
رحمه وبترفع ايديها بتدعي : منك لله يا اسر روح يا شيخ ربنا ينتقم منك
سيف بزعيق : ماميي اوعي تدعي على اونكل اسر سامعاني
رحمه : حبيبي اتلم شويه اتلم شويه
أدهم ودخل : في ايه صوتكوا موصل لبره
سيف قام وقف قدام أدهم ورف ايده بمعنى انه يشيله : شيلني شيلني
أدهم ابتسم وشاله : في ايه بقي مزعل ماما ليه
سيف بزعل مصطنع : هي الي مزعلني يرضيك تدعي على اونكل اسر
أدهم : يرضيني عادي بس اكيد في سبب انا نفسي بدعي عليه وبعدها بص لرحمه : بتدعي ليه
رحمه قامت وقفت : الباشا بيتافف و بيقولي اووف استغفر الله العظيم عايزه مني ايه بقولوا مين علمك الكلام ده قالي اونكل اسر وكمان بيزعقلي انا بقي مفروض رد فعلي ايه
أدهم وبص لسيف وقال بعتاب : مش عيب تقول لمامي كده
سيف بطفوليه وبيهوش بايده بحركات مخلياه مضحك : عادي يعني يابابي مش حوار انا معملتش حاجه هي كل شويه قرفاني وتقولي مين ده وده اسمه ايه وهي اساسا عرفاهم كلهم حاجه تقرف ياراجل وربع ايده وبص الناحيه التانيه بتافف
أدهم بصدمه : ايه ده
رحمه بسخريه : ايه رايك
أدهم : حسبي الله ونعم الوكيل فيك يا اسر
سيف بزعيق : انت كمان اوعي اوعي وراح زقه ونزل يجري على غرفته
أدهم : ايه الي بيحصل ده اااه على التربيه اااه منك لله يا اسر كان يوم اسود يوم مااتولدت
رحمه : معلش خلاص الله يكون ف عون جنى ده هتلاقي طلع عينها جوزها وابنها مره واحده عليها كده كتير
أدهم : ربنا معاها البت بعد ما عقلت جالها عيل بقي نسخه من اسر
رحمه : الحمد لله على كل شيئ انت مش هتروح الشغل
أدهم : لا حسام هيروح انهارده بدالي انا والأستاذ الثاني
رحمه : تمام انا هروح احضر الاكل
أدهم : تمام وانا رايح المكتب هعمل حاجه واجي اكل معاكوا
وخرجوا هما الاتنين
____________________________________
في فيلا المهدي بعد ساعتين
محمد : ايه رايكوا نعزمهم كلهم انهارده هنا
عمر : تمام انا هكلم اسر وحسام وادهم
خالد : وانا هقول لعز ومراد
محمد : تمام انا هطلع المكتب شويه
عمر : تمام وانا هقول لضحي
خالد : طيب انا هطلع غرفتي بقي
ولسه هيطلعوا لاقوا الثلاث ولاد داخلين بيجروا ويضحكوا
محمد بابتسامه واستغراب:ايه ده يا اهلا بالابطال فين ابوك وامك انت وهو
أدهم : ايه يا باشا مش عايزنا نيجي ولا ايه
محمد بضحك : لا مين قال كده بس
اسر : انت قولت كده انت هتضحك علينا بكلمتين
عمر. : يابني اتلم بقي مش تربيه دي
اسر : اهدى يا عموري يلا خشوا أجروا يا ولاد على جده وجده وجده هجووووووم
ومره واحده الثلاثه كل واحد جري على جده مصطفى بيلعب في شعر عمر يطفوله وقالوا : جدو
عمر بابتسامه : يا قلب جدو
مصطفى: انا عايز لعبه
عمر : عايز ايه
مصطفى : هاتلى بات مان
عمر : وده اجبهولك ازاي ده
مصطفى : من عند محل اللعب انا عندي سوبر مان وسبايدر مان وهالك و الجوكر وعايز بات مان
عمر : من عيني الا فين حسام يا ولاد
رويدا : عنده شغل هيخلصه ويجي
محمد : طب اقعدوا وبعدها بص لادم : انت هتفضل متشعلق كده كتير
ادم : اه
رويدا : ادم انزل
محمد : لا لا سيبيه انا بهزر معاه تعالي وخده وراح قعد جنبه على الكنبه وآدم فضل في ودان محمد رغي لما اطرش يا عيني
الناحيه التانيه بقي
خالد، : وانت ياباشا مش عايز حاجه اجيبهالك
سيف بطفوله هو بينهي بايده : ابدا يا جدوا انا مش عايز اي حاجه خاااالص كلوا عندي
خالد : الي نقصك تقولي عليه تمام
سيف وحضنه جامد : اشطا يا خلوده
خالد بضحك : خلوده
أدهم : معلش يابابا ماهو مشمش ريحت التربيه هقول ايه تربيه ناس كده وبص لأسر بغيظ الي كان قاعد على الكنبه وحاطت رجل على رجل وباصص ف الفون
بعدها بص لجني
راحت قالتله: بتبصيلي ليه انا طالع عيني وكأني بربي أتنين مش واحد
أدهم: اديها قلتلك
خالد : عادي بس خلوده طالعه من بوقك زي العسل يا سيفو
محمد : طب انا كنت ناوي اعزمك ا اصلا واجيب عز ومراد
مره واحده سمعوا صوت ورا : وانت لسه هتعزم
عمر بضحك : ياربناااا شوف كل مانجيب سيره حد يجي
مراد : نرجع يعني
خالد : لا لا بتقول ايه بس تعالوا
محمد : يا اهلا بالحبايب
عز: يا هلا يا هلا بينا
خالد بضحك : خش خش
كل الرجاله والشباب قعدوا في اليفنج وقعدوا يتكلموا والبنات ودينا وضحى دخلوا المطبخ ودخل حسام : مساء الخير
كلهم : مساء النور
محمد : اتاخرت ليه
حسام وقعد وخد ادم من ايدوا : ابدا انا خلصت وروحت الفيلا غيرت وجيت اهو
محمد : تمام
هما بقي قعدوا يتكلموا كتير
دينا دخلت قالتله ان الاكل خلص
وكلهم راحوا علي السفره َ وكل واحد جنبوا مراتو وابنه وكانت قعده تحفه كلهم قعدوا يهزروا والأولاد والشباب والبنات والكبار كانو فرحانين وكل ده ومراد ومحمد بيبصوا لبعض وبيبصوا العيله والتجمع الحلو ده بفرحه وحنيه
محمد : يارب تديم دي نعمه علينا
مراد : يارب امين
اسر قام مره واحده : تعالو ناخد سيلفي حلوه بمناسبه الجماعه دي
كلهم وافقوا وأسر وقف قدام السفره شويه وابتسم : يلا كلوا يضحك بطشيييييخ
____________________________________
بم بم بمم 🎉🎉فينييشش🙅♀️ خلصت الروايه خلاص📜💟👌
يارب تكون عجبتكم ♥️
وعايزاكم تقولولي اكتر شخصيه حبيتوها واكتر ثنائي عجبكم 💖💖😍
خلصت الروايه على خير واتمنى تكون عجبتكم ودي كانت المره الأولى إلى اكتب فيها روايه 😜😂♥️♥️💋
واه انا كمان غيرت صوره جنى 💓
ان شاء الله انا ناويه انزل روايه تانيه بس مش عارفه امتى الصراحه 🤷♀️🖤❤️
باي باااي 🙋♀️
روايه شويه مجانين
بقلم/ جنى ماجد
