معلش علي التاخير صدقوني النت وحش جدا جدا
اخر مره وقفنا عند مقابله اسر لجني
____________________________
جني : هو انت
وبعدها بصت علي الفستان وقالت : روح يا بعيد منك لله حسبي الله ونعم الوكيل فيك يارب تموت يارب تشوف ايام سوده روح يا شيخ يارب ي
قاطع كلامها وضع اسر يده علي فمها وهو يقول : ايهههه حد يدعي علي حد كده هموت انا كده انا ممكن اموت متكهرب بسببك
حس بشفايفها بتتحرك تحت ايده وبتقوله :يياب (يارب )
شال ايده من الصدمه وقال: هو انتي بتدعي برضو و انا حاطط ايدي وراح باصص لسقف البيت بمعني انو يدعي : ليه يارب ليه عملت ايه في حياتي عشان اشوف الاشكال دي
جنى بصتله بعصبيه : اشكال ايه يا حبيبي مالها الاشكال دي يلا يا معفن يا مقشف ده انا احلي منك والله شكلك بتستحمي من العيد للعيد ده ايه يارب المناظر دي اووف
اسر : والله انتي شكلك بتستحمي كل سنتين مره
جني كانت هترد بس لاقيت دينا داخله المطبخ اضطرت تسكت
دينا بصدمه : يالهوي يا جني ايه ده مين غرق فستانك كده
جني وهي تنظر لاسر بغيظ وتتكلم بضيف : هقول ايه يا طنط اصل الداده جابت معزه وانا ماشيه بكوبايه المايه اتخبط فيها وقعت المايه عليا
دينا وقد فهمت ان اسر الي وقع المايه : طب اهدي انا هشوف الداده واطلعي غيري يا حبيبتي يلا
جني بغيظ : حاااضرر
كل ده واسر واقف محرج قدام دينا
اسر : انا اسف بجد يا طنط بس والله انا مخدتش بالي منها خالص
دينا وهي تربت علي كتفه :عادي يا حبيبي محصلش حاجه تعالي اشرب وبعدين اخرج
اسر : لا خلاص يا طنط انا شربت تسلميلي عن اذنك
دينا : اذنك معاك يا بني
وبعدها دخلت دينا المطبخ تشوف ايه اخبار الاكل
_______________________________
في الخارج يجلس الرجال مع بعضهم في الطابق السفلي ويجلس النساء في الطابق العلوي في غرفه المعيشه
في غرفه جني بعد ان اخذت رحمه ورويدا
جنى : اخترولي خره علي دماغي
رويدا : اهدي طب و انتي مدايقه ليه هو مكانش قصده وبعدين الواد شكله حليوه وراحت غامزه لرحمه
رحمه بخبث : صحيح يا جوجو هو كان عمل حاجه ولا شوفتيه قبل كده
جني بضيق : اه هو من الثلاثه الي ودونا المستشفي فاكرين
رحمه ورويدا بصدمه : يعني الي تحت دول برضوا كانوا معاه
جني بضيق : اه
رحمه نطت : يالهوي يالهوي هما شفونا قبل كده وانا اقول بيبصولنا كده ليه
رويدا لسه تحت تاثير الصدمه
رحمه وهي تهز رويدا : انتي يا نيله رديي
افاقت رويدا علي صوت رحمه وبعدها قالت : يا مصيبتي دول هما وانا كنت فاكره ان دماغهم زباله وبيضربوا ترامادول
جني باستهزاء : انتو طيبين ده الي اتخانق معايا ده اتخانق معايا برضوا في المستشفي وبعدها اكملت بغيظ : ده بااارددد ورخم ومعندوش دم ولا اخلاق ولا زوق ولا ادب ولا حتي شم رحيت التربيه انسان بارد بس لو بصيتي لمامته تحسيها انسانه هاديه كده وشيك في نفسها وطيبه ومش زيه خاللص وبرضوا باباه طيب ده طالع لمين المعتوه ده. وبعدها نظرت لرحمه و رويدا لاقيتهم فطسانين ضحك علي منظارها
جني بغيظ اكبر :اطلعوا براااا
خرجوا البنات مقدروش يمسكوا نفسهم من الضحك
وهي جوه بصت للخزانه : هلبس ايهه ياربييي واخرجت فستان بعد معاناه ولبسته وذهبت لغرفه المعيشه مكان جلوس البنات وامها واصدقائها
___________________
ده فستان جني
