وقفنا اخر مره عند جنى لما قالت لرويدا ورحمه انها بتحب اسر
يلا بقى قراءه ممتعه 💖🌺
____________________________ ______
جنى : انا بحب اسر
رويدا ببرود : ماحنا عارفين
جنى بصدمه : الي هو ازاي
رحمه : جنى هو لما خرج من عندك انتي مدايقتيش
جنى : بصراحه ادايقت بس برضو عرفتوا ازاي
رويدا : بصراحه حسينا
رحمه : واحنا احساسنا مبيكدبش
جنى : طب انا خايفه يطلع مش بيحبني
رويدا ورحمه في نفس الوقت : ليه ميحبكيش
جنى بصدمه : ها
رحمه : قصدنا ايه الي يخليه ميحبكيش وانتي عسل وقمر كده
جنى باستغراب : والله
رويدا مؤكده : اه ايه الوحش فيكي مش فاهمه
جنى : مش قصدي بس احنا دايما بنتخانق
رحمه وهي تربت على كتفها : ربنا يصلح ليكوا الحال وخفي عليه شويه
رويدا: اه يا ختي الواد دمه عسل انتي دايما مصدرااه الوش الخشب هيقول عليكي فقر وبعدين نص الأسبوع ضاع وانتو مخرجتوش
جنى : طب اعمل ايه
رحمه : اتصلي بيه
رويدا : اعزميه تخرجوا بره
رحمه : وتتغدوا
رويدا : بس من غير نكد
جنى بقلق : ممممم تمام هتصل بيه طب ثواني
رويدا: ايه تاني
جنى : مش معايا رقمه
رحمه : يعني انتي معاكي رقم أدهم وحسام وهو لا
جنى : اعمل ايه نسيت اخدوا
رحمه : طب اتصلي لحسام وخدي منه الرقم
جنى : تمام
اتصلت وهو رد
جنى : الو بشمهندس حسام
حسام : اذيك يا دكتوره
جنى : الحمد لله ممكن طلب
حسام: اكيد
جنى : احم ممكن ررقم اسر
حسام بابتسامه : اكيد
وراح قايلوا ليها وهي سجلته
جنى : تمام ميرسي يا بشمهندس
حسام : بلاش بشمهندس دي
جنى بابتسامه : تمام يا حسام
حسام : تمام يا دكتوره
جنى :بلاش دكتوره
حسام : تمام يا جني
جنى : تمام ميرسي سلام
حسام : سلام
وقفلت معاه وبصت لهم لاقيت رويدا بتغلي : في ايه
رحمه بتكتم ضحكتها : مفيش بلا اتصلي باسر
جنى : لا مش دلوقتي مش شايفه الساعه كام
رويدا بغيظ : وهو حسام عادي دلوقتي
جنى باستغراب : لا بس انا وحسام زي الأخوات وهو بيعتبرني اخته وانا بعتبره اخويا
رويدا بغيظ : طب انا هروح
رحمه بضحك : وانا كمان يلا باي يا جوجو
رويدا : باي يا هانم
جنى : باي يا حبايبي
وهما مشيو وهي نامت وهي بتفكر فيه
___________________________________
عند حسام : كان قاعد بيظبت في صفقه كبيره ومهمه فيها يعتبر أموالهم كلها وكان فيها شويه حاجات عايزه تتظبط قعد يظبتها و لاقه تليفون ا بيرن لاقاها جنى استغرب رد عليها وبعد ماقال الحوار الي فوق وقفل معاها رجع للاب والورق : كنت متأكد انها هتطلب الرقم يبق يهي كده بتحبه بس اسيبهم هما بقي يعترفوا لبعض اخليني في الي في أيدي ده
قعد وظبط الورق وبعدها حس بالتعب قفل اللاب والورق وراح على السرير وفضل سرحان في ملامح رويدا وبيفكر هيردلها ازاي الي عملته لغايه ما غلبه النوم
___________________________________
أدهم رجع راح طالع لأسر غرفته
ادهم : ممكن اعرف مالك انت مش علي بعضك
أسر بهدوء: مفيش
أدهم : هو ايه الي مفيش انت هتستهبل مش شايف نفسك راجع عامل ازاي
أسر بعصبيه : طب تحبني اعمل ايه
أدهم : انت بتتعصب ليه وبعدها قال بخبث : انا شايف اننا لما نتكلم عليها عادي يعمي بنت زي بقيت البنات
أسر بعصبيه : طب اتلم بقي
أدهم : ليه بقى
اسر : كده عشان محدش يتكلم عليها غيري
أدهم : وده ليه بقى ان شاء الله
أسر : كده من غير كلام كتير
أدهم : لا تقولي ليه فاكرني هسكت هروح اقول لحسام وهو يتصرف معاك
أسر : عايز تعرف ليه عشان بحبها
أدهم وفرد جسمه على السرير براحه : ياشيخ ريحتني بركه ومقولتلهاش ليه
أسر : خايف اقولها تهني او تكون مش بتحبني
أدهم : عمرها ماتقدر تهينك لأنها محترمه كان ممكن تقولك بهدوء او تفهمك ده بقى لو هي مش بتحبك
أسر بحزن : هي اكيد مش بتحبني
أدهم : ليه
أسر : عشان خناقنا كتير وكده
أدهم وقام وقف : بص ياصاحبي بتحبك مش بتحبك افضل متمسك بيها لو مش بتحبك خليها تحبك لو بتحبك أسعدها ومتخنقهاش واتمسك بيها مهما حصل
أسر : ممم ماشي انت قمت ليه
أدهم : يا عم انا هروح غرفتي عايز انام
أسر : خليك قاعد معايا شويه يا عم
ادهم : لا انا تعبان وعايز انام بصراحه
أسر : تمام تصبح على خير
أدهم : وانت من اهله
وخرج وسأل اسر بيفكر فيها وقرر انه عمره ماهيسبها
____________________________________
جينا الصبح وفي الي صاحي بحماس وفي الي صاحي زعلان وفي الي صاحي فرحان في بيت عز الالفي قاعدين على السفره
عز : جنى هو اسر مايجيش ليه مابشوفهوش يعني
جنى بتوتر : ها لا انا قلتلوا وهو بس عشان الشغل وكده فا اكيد هايجي يعني
ساره : انا هبقي اكلم ضحى اشوفها
جنى بتوتر: تمام
شويه والجرس رن
جنى : مين يا أروى
أروى دي تبقي بنت الداده الي شغاله
أروى : ده اسر بيه يا ست جنى
جنى وشرقت : كح كح كح
ساره بخضه : في ايه خدي اشرب والدتها كوبايه مياه
عز : اهد اهدي في ايه
أسر : جوجو مالك يا قلبي في ايه
جنى : ها مافيش حاجه شرقت عادي
أسر وحضنها : ااه ماشي يلا عشان اوصلك الشغل بقي
جنى : لا انا معايا عربيتي
أسر : لا ازاي انا جاي مخصوص عشانك
ساره : ماتكسيفيهوش يابنتي يلا
عز : ماتكسفش مين ده خطيبها روحي يابنتي الله يهديكي
جنى بارتباك : حاضر
وقامت وخرجت بره هي وهو واول ماقلت الباب
جنى : جيت ليه
أسر وبصلها : بصراحه عايز اقول حاجه
جنى : اتفضل
أسر : ممم بحبك
جنى بصدمه وفتحت بؤها : ها
أسر : انا مش بقولك عشان تفتحي بؤك بقول بحبك
جنى باندفاع: قول وربنا
أسر بفرحه : اه وربنا
جنى وادركت نفسها : قصدي يعني يعني اعمل ايه
أسر بخبث : ايه مالك
جنى بارتباك : م مفيش
أسر بحزن مصطنع : اه مش بتحبيني شكلك ياخساره قلبي الي حب
جنى باندفاع: ايهه مش بحبك ايه
أسر بارتياح : قوليها يا جني
جنى بكسوف : ها اقول ايه
أسر :جنيي
جنى بكسوف اكتر ووشها احمر : بحبك
أسر بفرحه : يا قلبيي ايه ده جنى الحقي
جنى بخضه : ايه
أسر : وش ك احمر انتي بتتكسفي يالهوي بتتكسف
جنى بغيظ : وربنا ماشي وراح زقته ومشيت
أسر : استنى بس تعالي وخدها وراح على عربيته يلا اركبي والا هقول لعمو
جنى : والله لولا اني هتهزء من بابا ماكنت عبرتك وراحت راكبه
أسر : حياتي والله وركب ووصلها ومشي على شركته
____________________________________
اما عند رويدا صحيت واتصلت على جنى
جنى : الو
رويدا : ايوا البس يلا ولا لسه نايمه
جني : لا انا وصلت اصلا
رويدا بصدمه : اييه انتي جنى الي معايا وبصت في الفون
جنى : اه والله لما تيجي هبقي اقولك انتي والبت رحمه
رويدا باستغراب : مم ماشي
قفلوا بقي و رويدا لبست وراح على غرفه رحمه وخبطت : رحمههه
رحمه وخرجت وهي لابسه : ايه خلصتي
رويدا : اه يلا
وهما نازلين
رحمه : اتصلت بجني
رويدا : بتقول انها وصلت
رحمه : كح كح ايههه
رويدا : اهدى ياهدي انت زيك كده من شويه قالتلي لما نروح هتقولنا ليه راحت بدري
رحمه : تمام
ونزلوا فطروا ووصلوا على المستشفى
طلعوا على مكتب جنى
رحمه وهي بترزع الباب : حاله طوارئ
جنى بخضه : اييهه
رويدا وهي بتقفل الباب قال بتهكم : ايه برضو مين فينا الي مفروض يقول اييهه
جنى : في ايه جدعان الله
رويدا ورحمه قعدوا على الكرسين الي قدام كرسيها
رويدا : اعرف جيتي ازاي بدري
جنى : اسر جيه خادني
رحمه ورويدا بصدمه : اسررر
جنى : اه اهدوا كنت زيكوا الصبح
رحمه : ده ايه الهدوء والمحبه دي
جنى بتوتر : اصلوو
رويدا : ايهه
جنى : اعترفلي انوا بيحبني
رويدا ورحمه : اوعااااااا
____________________________________
بارت جديد اهو😊 فيه 1116 كلمه يارب يعجبكم🌺 وقراءه ممتعه🌸 وشكرا للتفاعل الي زاد لاني فعلا فرحت جدا جدا♥️♥️ ميرسي بجد 💖💋
