الوفاء بزمن الرذيله

٢٢...الوفاء بزمن الرذيله

ظل كلبي يلعب هذا شنو دازلي النوب رصيد ماعندي حتى افعل بيانات الهاتف

باوعت الرشا نايمه
يعني اكدر انزل للحانوت ورجع ابساع

اركضت اشتريت رصيد وفعلت النت عالبيانات
اشويه وجتلي اشعارات كومه من محمد واحمد
اخر شي من ياسر
عفتهم كلهم بس افتحت رسائل ياسر

😱😱😱عزه العزاج نور هاي شنووووو
منين جاب صوري
لا يا الله ما اصدك 😢😢😢
صوري يم ياسر والنوب هيج لابسه فستان دلع لا لا زبديت اصرخ نسيت نفسي اني بالمستشفى

رشا ...اااخ يمه دا احترك هاي اشبيج نور شنو اتخبلتي اتعيطين الوحدج
فززتيني وتدرين كوه انام

اسفه رشا اسفه رجعي نامي

وين كايمه

لا رايحه للمغاسل
رحت واني الطم ع وجهي وسئل حالي هاي الصور منين وصلت الياسر
عزه بعيني اذا شافها محمد والله يكتلني خلاص ويذبني لحم بالشارع

😱😱😱املخ بوجهي وبجي

🗨تره حلوات الصور حبي
🗨انت واحد جبان وخسيس
🗨لاعيب تغلطين اني واحد يحبج وميت عليج
🗨اسمع ياسر اذا متكلي منيلك هالصور صدك اسوي بيك اسوايه ما تنسي طول عمرك
🗨فديت حبي المعصب نورايتي لتتعصبين حب دشوفي وجهج شكد حلو عليه المكياج
شوفي جسمك اااااخ الله
🗨لك لتجاوز حدودك ويايه افهمت مو لان صوري يمك عبالك حنطيلك مجال تتماده
🗨احجي منيلك هالصور منو دزها الك احجي
🗨حب مو كتلج اذا اريد شي منج ميصعب عليه يوصلني واني كاعد وبدون تعب
🗨اسمع ياسر هذا اخر كلام عندي قسما بالله اذا ما مسحت صوري من جهازك لشزفك نجوم الظهر ولتكول نور مكالت
تره اني خسرانه كلشي وما اخاف اذا خسرت عمري بس احافظ ع شرفي
اني مو مثل البنات التعرفت عليهم ولا مثل رنا

وجان اذكر شغله رنا
طلعت من الفايبر وغلقت النت ورجعت للغرفه
اكعدت اجمع افكاري
اني هذا الفستان مو مالتي
مال رنا
بيومها اتوسلت بيه اتمكيجلي

نرجع للحدث
.................
نور كومي امكيجلج
😧😧😧شنووووو اتمكيجيلي ....؟

اي والله عاجبني امكيج لعيونج بيها نظره فعلا ساحره
كومي الله يخليج كومي

لا فدوه رنا مالي خلك

لا لا كومي الخاطري

رنا والله تعبانه

يمعوده قابل شكو راح تشتغلين عماله هي راح اتنامين واني امكيجلج دكومي عاد

كومتني رنا كوه مروه
وسلمتها وجهي اتمكيجلي
جنت حاسه بحركتها الناعمه وهي اداعب خدودي وعيوني
واني مغمضه اسرحت في احلامي الورديه الحلوه الي كل ما اضايق او اتعب اجي امدد وسرح بيها هي مثل قصه واني ارسم السعاده الي لكن في مخيلتي
ورسم حب حياتي الي ابتعد عني وهجرني بدون ذكر اسباب
نسيت حالي مع رنا وبديت ابتسم😊😊😊 واضحك 😂😂😂
عبالك طفله كاعده بحظن امها حتى اترتب شعرها وتخليها اتروح تلعب مع البنات ابشكل حلو ومرتب
اووووف ياوسفه