Bachpan ki Yaadein ( Childhood Memories)

PART 1

Bachpan . Yeh kahani Hai mere bachpan kii  jiske baare mein soch kar  mann mein khushi mehsoos hoti hai Aur Kuch aisi yaadein jinhe Yaad kar Rona aa jata hai . Sab Ki zindagi mein khoobsurat Waqt aata hai. Kisi ka  Khoobsurat Waqt shaadi ke Baad ya budhhape  mein Hota hai Lekin meri zindagi ka sabse khoobsurat Waqt tha bachpan .
Mujhe Yaad Hai Mein  4 saal ka tha tab.  Hamara gaon  school se takreeban 3 km door tha . School Mein sirf pehli class tak bacche the .
Aur sab bacche paidal Chal krr jaate the .
Uss school se Ek Teacher sabi  bacchon Ko lene jaati thi .  School mein sirf hamare Gaon ke hi bacche the . Aaj mera pehla Din tha . Mein school jaane ki liye Khush tha . Maa ne mujhe  Tayaar Kiya .
Aur mujhe  khaana khilaya Kuch samah baad School ki Teacher mujhe lenii Aa gyi .
Teacher  Ke saath pehle si Hi Gaon ke  bahot saare bache the . Jab woh mujhe leni aayi Toh unhone Pyaar se  mera Gaal  khichkar  muskurahat se Mera swagat Kiya . Mein Khush tha .  Uss waqt  school mein 20-25 bacche the . bahot saare bacche meri hi Umar ke the .Jab teacher School ke  saare baachon ko ikhatta  Kar Leti Toh  phir hum sab Teacher Ke Saath Nikal Padte.. Hum paidal 2km  chal krr Jana Padta Tha Raaste mein jungal se Hokr guzarna Padta tha . Jungle ke baad ek Pahaad
Ke upar Se Niche  Chal kar   Phir Ek paani ki nehar se Hoke Guzarna padta tha phir  school Aata tha .School ka Raasta Mujhe Bahot pasand Tha jungle mein Haryali Dekh krr Mujhe Bahot hi Khushi Hoti Thi .. Jab  School mein Chutti  Hoti toh teacher sab ko Ghar  Mein chorr  kar aati .Jab Hum Sab bacche  ghar ke liye  Nikalte Toh Bhot Hi khush Hote . Chutti ke waqt jab hum Raaste se Guzrate Toh  Gaon ke bahot saare log  nehar prr Hote koi kappde Dota tha koi nahata Tha . Hum 2 min uder Hi ruk krr unn logon ko nihaarte rehte .  Ghar pahunchte hi maa  mujhe khana Khilaati   Aur Phir mein soo jata tha . Shaam ko uthkar  Mein Doston ke saath milkar khelta . Mere Sabii Doston ka Ghar mere Ghar ke paas Hi thaa.  Aur phir jaise Hi thoda Andhera Hota maa mujhe wahan se lee Aati . Phir maa mujhe apne paas bithaa kar Homework karvaati . Sabi bachhon ki Tarah mujhe Homework karna acha  nhi lagta Tha .. Lekin phir b mein  kar hi leta maa ki Darr se .   Homework karne ke baad  Raat ka khana khaa krr  mein apne bhaiyon ke saath khel khud karta aur kuch samah baad so jaata . Jab mein uthta Tha toh aagey  subah hui Hoti Thi. Aur maa mere liye doodh  lee Aati .. Aur phir se  School Ki Tayari Shuru hoo Jaati ..