قلت ليهو انا دايرة اقعد معاك اليوم كلو بس انت عارف حبيبي لازم نجهز لعرس ابراهيم و لازم نتعب عشان العرس يطلع حلو 😍،،،، الليلة يوم الخميس الحنة بتاعت ابراهيم ف بيت عمتو منى و بكرة العرس شمائل قالت م دايرة حنة 😊 يلا ي امنة ارح نطلع عشان نمشي لناس عمتو منى من هناك امنة قالت لي طيب طيب دقيقة شمائل قالت لينا يعني حتخلوني براي😥 قلت ليها لالا حتجيك يسرى "بت عمتها" م حتحضر الحنة امنة قالت لي يلا نمشي قلت لشمائل يلا نحنا طالعين و اسي يسرى حتجيك و بعدين المساء نحنا حنجي نلبس هنا الجرس ضرب مشيت فتحتو طلعت يسرى قلت ليها اها الحمد لله انك جيتي كنا نحنا طالعين 😚 و دخلنا قلت لشمائل ياها يسرى جات يلا مع السلامة و انا و امنة طلعنا 😊 وقفنا لينا أمجاد و وصفنا ليه الكوفير و مشينا ف الطريق ضربت لي علياء قالت لي انتو مشيتو الكوفير قلت ليها اي طلعنا ف الطريق اسي قالت لي خلاص نحنا برضو طلعنا و قربنا نصل قلت ليها طيب تمام نتلاقا هناك و قفلنا 😊 امنة قالت لي اتحركو قلت ليها قربو يصلو المهم وصلنا الكوفير و حاسبت بتاع الامجاد امنة قالت لي دي مش عربية عمر 🤨 قلت ليها اي ياها بس اكيد م جا بيها عمر بكون أداها لعلياء عشان تتحرك بيها 😁🙃 يلا خلينا ندخل دخلنا لقينا علياء و براق و رؤى سلمنا عليهم و قعدنا رؤى قالت لي طبعا حيبدو بيك انتي 😒قلت ليها طبعا😎 البت بتاعت الكوفير قالت لينا ف بيتين حيجو يساعدوني عشان نتهي بسرعة😊 براق قالت ليها بحننو حلو زيك 😍 قالت ليها م تخافي ع ثقة والله 😍 المهم بدت لي انا و اثناء م بتحنني البتين جو و بدو لعلياء و امنة 😁 رؤى طبعا كانت داقة جرس عشان م بدو ليها 😂😂😁 لما انا انتهت مني كانو بحننو ف رؤى خلاص حتنتهي براق قالت لي مسافة حنتك دي حننتنا كلنا 😂😂😂 قلت ليها عشان الشكل يطلع حلو لازم اتقان 😍 بس ف سري بقول يدها تقيلة م اكتر كلو شكل م باخد 15 ساعة 😂😂😂 المهم و نحنا راكبين ف العربية قلت ليهم والله يدها تقيلة البت دي بتجيبي البنات ديل من وين انتي ي رؤى 😂😂😒 رؤى قالت لي اي يدها تقيلة بس حنتها ظابطة عايني عملت ليك نقش رهيب كيف 😍😍 قلت ليها الصراحة حنتها تحفة😍 علياء قالت لينا ع فكرة الزمن اتأخر الساعة 3 قلت ليها اتأخر شديد لسه ورانا الضيافة م عملناها 😑رؤى قالت لينا اي والله و م تنسو الزينة بتاعت الحديقة 😩براق قالت لينا م حنحصل 😥 علياء قالت لينا خليت عمر و معاهو اصحابو و اصحاب ابراهيم بعملو ف الزينة نحنا علينا بس الضيافة و كل شي جاهز 😍 قلت ليها الحمد لله ح نرتاح براق قالت ليها مؤيد معاهم 😍 كلنا ضحكنا فيها 😂😂 قلت ليها والله اكتر زول مستفيد من العرس ده بعد العرسان براق 😂😂😂 علياء قالت ليها حبيبتي مؤيد المزة ده بكون بي حبيبتو روقي ي بيبي 😂😂😂😂 قالت ليها لاحظي قلتي حبيبتو م مرتو يعني عندي امل 😁 قلت ليها والله عندك امل يلا انتي و اجتهادك اااا 😁😂😂 المهم وصلنا البيت وانا كنت متشوقة شديد للبيت عشان اشوف عمر لي يومين م شفت وشو بقى بنوم مع ابراهيم و بتكلم معاهو ف التلفون بس 😥😥 اول وحدة نزلت من العربية انا بس لما دخلت الحديقة ليقتها فاضية و مزينة جاهزة 😥 املي خاب 💔 امنة قالت لي م شاء الله خلصو بسرعة 😍 علياء قالت اي والله بس مشو وين ف اللحظة دي جا حسن طالع من جوا البيت سلم علينا و قال ليهم عارف شهد متزوجة الحنة فيها حلوة😍 بس عمري م سمعت لي بي بايرات الحنة فيهم حلوة 😂😂😂😂 امنة قالت ليهو هيييي و تاني هههي القال ليك بايرات منو 😒 و بعدين انت مالك يلا اتخارج شوف شغلك بي وين قال ليها و هو بضحك اكبر دليل ع بورتك كواريك دي 😂😂😂😂 رؤى ضربتو ف ضهرو و قالت ليهو حسن احسن تتخارج والا حتحضر العرس ف الفيديو وانت ف المستشفى 😂😂😂😂 طوالي جرا 😂😂 نحنا دخلنا البيت و سلمنا ع عمتو منى و كان ف ضيوف سلمنا عليهم و طلعنا الغرفة نجهز الضيافة كانت ف غرفة عمتو منى الحاجات 😊 طلعنا عباياتنا و بدينا نجهز ف الضيافة 😊 و نتونس و نضحك 😂😂 اثناء م بنجهز ف بت جاتنا من اهلهم قالت لي شهد خالتو منى قالت ليك تعاليها ف الغرفة الجمب غرفة الضيوف قلت ليها م فهمت ايو غرفة ارح وريني ليها انتي 🤨 قالت لي طيب ارح قلت ليها البس التوب لبستو و طلعت معاها اشرت لي ع غرفة عمر قلت عشان فاضية و يمكن دايراني لموضوع خاص😊 المهم قلت ليها طيب و هي مشت وانا دخلت الغرفة بس م احس الا بحركة الباب و هو بقفل اتلفت لقيتو عمر 😍 قلت ليهو عمر 😍😍 طوالي ضماني عليهو شديد و قال لي اشتقت ليك شديييد والله 😍😍😍💖 و الحنة حلووووة فيك حبيبتي 💖 اتحصني م يسحروك لي 😍😑قلت ليهو وانا اكتر شنو يعني يومين م اشوفك 😑 قال لي وهو ببوس ف راسي عارفة انتي ده عرس ابراهيم اخوي و عارفة الشغل كيف 😑 قلت ليهو طيب انت جيت من وين اسي قال لي كنا بنزين ف الحديقة بعد م انتهينا هم مشو لابراهيم ف البيت و انا قلت ليهم بحصلكم و شفتك بالشباك جيتي كنت طالع ليك عديل بس لقيت البت دي جمب الغرفة و رسلتها ليك 😂😂😂 قلت ليهو و قلت عمتو منى بتناديني ليه قال لي عشان تجي بسرعة 😁 و ضماني تاني 😍 قلت ليهو عمر حبيبي يلا لحدي بعدين لانو عندنا شغل قال لي انا م داير افكك و البحصل يحصل يااخ والله اشتقت ليك💖 و ضماني اكتتتر 😍 قلت ليهو عمر براااحة كسرت عضامي يااخ 😁😂😂 تلفونو ضرب قال اي ي مؤيد جيت طيب تمام جاييك ،،، قال لي حبيبي يلا لازم امشي لمؤيد باسني و طلع خلاني مجمدة ف محلي 😂😂😂 جريت للبنات قلت لبراق اجري مؤيد جاي ف الحديقة قالت لي عرفتي كيف و هي بتلبس ف عبايتها 😂😂 قلت ليها انا اااا سمعت عمتو منى قالت ادو الحاجات لمؤيد جاي 😑😂😂 ف قلبي بستغفر 😁😂 براق جرت جري و خلتنا 😂😂 واصلت معاهم شغل بعد شوية براق جات و من قفلت الباب قالت لينا م شفتو مؤيد😍 و لا لحية مؤيد😍 ولا ابتسامة مؤيد 😍ولا مؤيد كلو ع بعضو اخخخخ 😍انا منك ي مؤيد 😍 م شفتو وهو بسلم علي ولا نظرتو لي 😍😍 امنة قالت ليها بت الكلب حتى عرفك الله يجازيك ي براق 😂😂😂😂 ونحنا ميتين ضحك 😂😂 علياء قالت لينا امس عرفها لما كانت معاي و هو جا و سلم علينا و عرفتو عليها 😊 براق وقفت ف الشباك قالت لينا ياداب اتحرك مع عمر شكلهم طالعين 😍 يلا ي حبيبي تمشي و تجي بالسلامة 😍 و الله ضحكتنا ضحك 😂😂😂 ،،،،، المساء و نحنا بنلبس ف بيتنا رؤى قالت لينا ي جماعة ف زول ميت عشان يحضر الحفلة بس مافي ليهو طريقة و بتعاين لشمائل 😂😂😂 قلت ليها حتفتو ربة انصاف مدني والله 😍😂😂 قالت لينا شمائل ممكن تلبسو و تتخارجو مننا شميتكم انا 😒😒 المهم جهزنا و طلعنا ع بيت عمتو منى كانت الساعة 7:30 لما وصلنا لقينا لسه الضيوف م جو بس الناس القاعدين اول ندخل و نمرق شوية كده الناس بدت تجي براق قالت لينا وااااي شوفو مؤيد و عمر 😍 اتلفتنا عليهم فعلا وااي منهم 😍 كانو داخلين و بتكلمو مع بعض لابسين جلاليب لونها ابيض احححي انا من عمر و كان مظبط اللحية 😍😥 رؤى قالت لينا خلاص ي جماعة شهد سااحت عاينوها 😂😂😂😂 قلت ليها تافه دي بعد ثواني جو داخلين الاولاد كلهم و رؤى بتفتش ع ادي قلت ليها براحة جااي ف الطريق روقي 😂😂😂 حمرت لي و قالت لي عارفة 😒😒 المهم الحفلة بدت و ابراهيم طبعا جا مع ادي و احمد و خالد 😍 كلهم لابسين جلاليب لونها ابيض الا ابراهيم لابس جلابية سمنية 😍 بلاي بنات الحفلة ديل اتراشقن جنس رشاقة 😂😁 براق قالت لينا مؤيد شكلو حيتشلب بلاي شوفي البنات بتراشقن كيف 😒😒😒 ف بنات واقفات جمبنا سامعنهم بقولو ي يمة دكاترة الهنا و السرور سمحين سماحة 😍 و العجب عمر ده م فاضي ليهم انا قربت ابكي 😥ف وحدة قالت ليها والله كلهم ع بعضهم حلوين بس عمر مكمل السماحة و الكمال لله 😍😍 امنة قالت لينا راح نرقص عيب ده عرس اخونا يلا 😁 و مشينا نرقص 😍 عمر بعاين لي و بغمز لي 😂😂 و براق مركزة مع مؤيد 😂😂😂 عمر جا رقص معاي 😍😍 و عاين لي ف عيوني 😍 المهم الحفلة انتهت و الضيوف طلعو تقريبا كانت شايلة مطرة 😍 دخلنا جو و البنات البشتغلو لمو مكان الحفلة و نحنا جوا بنتصور و اصحاب عمر كانو قاعدين و حتى اصحاب ابراهيم كلهم معانا و ادي و احمد و خالد برضو ف 😍😍 بعد جلسة التصوير العملها علي 😂😂 مشو الصالون و نحنا طلعنا غرفة رؤى قلت ليهم والله تعبنا الليلة ياااخ اثناء م بنتونس عمر ضرب لي قلت ليهم دقيقة و طلعت برا الغرفة رديت ليهو قال لي ف غرفتي انا تعالي قلت ليهو ليه انت عارف البيت كلو ضيوف قال لي م همي انا داير مرتي لو م جيتي والله ي شهد اجيكي 🙂 عارفة انا ممكن يتهور و يعملها قلت ليهو طيب جااية 😊 مشيت ليهو ف الغرفة لقيتو قاعد ف السرير قفلت الباب و قعدت جمبو قلت ليهو احكي عشان امشي الناس منتظريني 😊 قال لي وهو بعاين لي نظراتو البتجهجه كياني 😍 مالك ي شهدي قلت ليهو طول الحفلة البنات بعاينو ليك و بتبرشو فيك 😩😑 قعد يضحك😂😂 قلت ليهو و ليك نفس تضحك يلا انا ماشة و قمت 😑😒قعدني و خت يدو ف خدي قال لي انا م شايف غيرك❤ و قلبي م حابي ولا حيحب غيرك 💓شهد انتي عندي بالدينا و مافيها 💕 لو يجو بنات الدنيا كلهم انا م حأعاين لغيرك 💕و ف وجودك و ف عدمو انا عقلي دايما بفكر فيك 💕 ضميتو و قلت ليهو بحبك انا والله ❤ قال لي ي الله طولت م سمعتها كدي عيديها 😁💓 قلت ليهو بحبك بحبك بحبك انا ي عمر 💓 قال لي يلا بعد ده امشي للبنات وانا طالع للشباب 😁 قلت ليهو خلاص يلا و صريت وشي و جيت ماشة افتح الباب جراني و قعدني ف رجلينو قال لي شكلو ف ناس حبت القعدة معاي 😁😁 حمرت ليهو و قلت ليهو فكني 😒😒 قال لي ابييت قبل تضحكي م حأفكك ضحكت ليهو ضحكة اصطناعية و قلت ليهو يلا فكني 😒😑 قال لي و هو بضحك 😂😂😂 م داير دي انا قلت ليهو والله ي عمر لكن ي ولد خليني اتخارج حيعملو لي محضر البنات ديل والله😂😂😂 قال لي طيب طيب يلا امشي 😂😂 بفتح ف الباب قال لي بحبك 💓 ابتسمت ليهو و طلعت 💕 مشيت للبنات امنة قالت لي بدري 😒 قلت ليها من عمرك 😁 المهم الصباح صحينا بدري و كنا شغالين ف البيت ندخل و نمرق قبل الضهر قالو حيعقدو طلعنا هشان نلبس مشيت غرفة عمر حاجاتي هناك دخلت الغرفة لقيت عمر طالع من الحمام و كان لابس ع الله 😍 بقيت بعاين ليهو زي الهبلة 🤤 قال لي بتسحريني 😂😂 قلت ليهو نننن زرييف😒😒 باس لي راسي و قال لي يلا حبيبي ماشي الجامع للعقد و طلع 💓 انا ادوشت و لبست توبي و عملت ميك اب و طلعت مشيت للبنات كلهم بصوت واحد ايه الحلاوة دي ؟🤤💓 قلت ليهم احم احم احم 😎😎 شكرا ليكم يلا نزل لو خلصتو عشان العقد قرب ،،، نزلنا تحت عمتو منى كانت قاشرة و مزة شاغلنها كداا😂😂😍 بعد شوية الرجال جو و قالو عقدو ابراهيم جا و باركو ليهو اتذكرت ناس امي و الفرحة الكانت حتكون فرحاناها و لا فرحة ابراهيم الكانت حتكون اكبر بكتيير من كده 😍 دموعي تلقائيا نزلو ابراهيم جاني و حضني و مسح لي دموعي و قال لي م تبكي ف يوم فرح اخوكي 😍 زغرت ليهو قال لي اي اي كده وسط دموعي ديك ضحكت😍😂 المهم بعد باركو ليهو و كده براق مسكت الدلوكة و قعدت تدق و تغني و نحنا نشيل معاها و نزغرت😍 و الرجال يبشرو و الله كانت ساعات حلوة شديد 😍❤ ،،،،،، بعد وزعنا الغدا يسرى جات بيت عمتو منى قالت لينا شمائل من الصباح ف الكوفير و علي جاب لينا الفطور و الغدا طلبناهو 🍝 قلت ليها طيب انتي راجعة قالت لي اي ف حاجات جيت اشيلها و راجعة ،،، المساء و نحنا ف بيتنا قاعدين مع البنات بناكل و نتونس عشان نقوم نجهز 😍 براق قالت لينا كلها ساعات و مؤيد تاني م حألم فيهو 😂😂 قلت ليها والله عندي ليك خبر ي براق لكن ي امنة و رؤى كانو جمبها امسكوها عشان م تجن ولا تكتلني 😑 قالت لي براق احكي ف شنو مؤيد خاطب ولا داير يعرس احكي 😑😑 قلت ليها ف وحدة عجتو من البنات الفي العرس و قال لعمر داير يعرسها بس عمر والله م وراني هي منو😁😁 براق اتجننت كيف يعني دي منو بت الكلب دي 😑 والله اعرفها الا اشرب من دمها والله م اخليها 😑 والله ضحكتنا ضحك براق دي 😂😂😂😂😂 علياء قالت ليها روووقي ي بيبي خليها علي و وعد مني ليك بعد الحفلة دي حأجيب ليك زيتها و نوريها النجوم عز الضهر 😎 قلت ليها قااادرة ي علياء و مستحيل ي براق نخلي مؤيد لوحدة غيرك 😑
