قلت ليهو عمر شفت بوست ابراهيم قال لي شايفو برهومي بقى بحب من وراي 😂😂 علقت ليهو قلت ليهو السحرتك بعيونها تتهنى ي هيما😂😂 ،، اتصلت لابراهيم قلت ليهو برهومي صباح الخير قال لي صباح النور قلت ليهو شنو الحب البي وراي ده قال لي بسم الله ضاربة لي من الصباح عشان البوست ده قلت ليهو لالا عشان دايرة اعرف البت قال لي لما يجي الوقت المناسب حتعرفي🙃🙃 قلت ليهو يعني هي ف قال لي شهد يلا و قفل الخط 😂😁 عمر قال لي اها ان شاء الله وراك قلت ليهو لالا م وراني انت عارف ؟ قال لي انا و ابراهيم م بندس حاجة من بعض🙃 قلت ليهو عمر وريني عليك الله قال لي نو نو ابييت يلا نزل قلت ليهو وصلنا قال لي اي ولا ناوية تقعدي ف العربية حمرت ليهو و نزلنا 😏😏 فتح باب كبير كده و قال لي ادخلي هو دخل العربية الباب الكبيرة ده بدخلنا ف حديقة البيت حديقة كده حلوة شديد و مليانة زهور😍😍 و تصميم البيت من برا حلو شديد و كبير لكن م شديد كان شايل الشنط اداني المفتاح قال لي افتحي الباب شلت منو المفتاح و فتحت الباب اول م فتحت الباب انا اتبهرت بالمنظر الوان البيت خرافية❤😍 و التصميم مرررة خرافي😍😍 بالرغم من بساطتو الا حلو شديد😍 م قادرة اوصف ليكم حلاتو 😍 بقيت بعاين للبيت بنظرة اعجاب 😍 عمر قال لي عجبك قلت ليهو شديد الديكور خيالي😍 قال لي ده زوقي 😎 قلت ليهو انت😕؟ قال لي والله انا ،، قال لي تعالي يلا اوريك ليهو دخل الشنط الصالة و قفل الباب و وراني البيت و كان عبارة عن مطبخ ف الصالة و ٣ غرف و صالة تانية و ف نظام جلسة ارضية كده ظريفة شديد😍 قلت ليهو عمر بالجد البيت حلو شديد قال لي دي غرفتنا و فتح لي الباب قلت ليهو عمر انا كنت بقعد معاك عشان عمتو منى و انا كلمتك اننا قدام الناس حنتصرف عادي بس لمن نكون برانا كلو زول ف حالو انا م بمنعك تعمل الدايرو و انت كمان م حتمنعني و نحنا حنتصرف مع بعض عادي يعني م حنحارب بعض و حاجة بالشكل ده بس م حنحتك بي بعض شديد ولا حنتصرف كأننا متزوجين 😊 و انا حأقعد ف غرفة و انت ف غرفة 😊 عمر وشو قلب ٣٦٠ درجة سكت مسافة و قال لي بي راحتك و دخل شنطو غرفة و دخل شنطي ف غرفة تانية و طلع انا م عارفة ليه بس اتغيظت من حركتو م حاول يقول لالا وانا بكره بي راحتك دي 😑😑 عمر دخل غرفتو و م طلع تاني انا غيرت و رتبت حاجاتي طلعت المطبخ لقيت عمر بعمل ليهو ف شااي و بتكلم ف التلفون انا سمعتو والله بقول حبيبتي خلاص م تبكي كلها ٣ شهور و اجيك انا لما قال كده حسيت بي طعنة ف قلبي 💔 و كأنو الزول ده م عمر الاول قلت عمر حيتغير خلاص شكلو كان ساكت عشان امو و اصر اننا نرحل عشان يلقى راحتو و يتكلم ع كيفو ي ربي لطفك م بستحمل انا والله عمر يكون بحب ليهو بت غيري حتى ولو م بينا علاقة حب بس م بستحمل ف اللحظة دي انا عيوني اتملو دموع و كنت حاسة بي احاسيس ملخبطة كده م قادرة افرق بينها💔😑 جريت غرفتي بعد مشيت عمر قال لازم اعمل ليك كده عشان تعترفي بحبك لي 😁 الفي التلفون قال ليهو انت جنيت ي عمر 🤨 عمر قال ليهو وهو بضحك 😂😂 اخبارك ي علي 😁😁،،، انا ف الغرفة بكيت قدرتي م عارفة ليه بس حسيت اني محتاجة ابكي و اساسا دموعي بنزلو من اغير اي سبب 😭💔 بعد بكيت مشيت غسلت وشي و قلت ي شهد هو م بحبك و اتزوجك لسبب و هو من خلال كلامو ده بتكلم مع وحدة وانتي شكلك حبيتيهو وانتي لازم تبعدي منو عشان م تتعلقي بيهو اكتر 😊 طلعت الصالة لقيتو قاعد ف التلفزيون قال لي اها الغرفة عجبتك ولا رديت عليهو شفتو بتبسم ساااي😁 قلت اكيد دي حبيبة القلب ضحكتو 😏 كنت ماشة المطبخ اشرب موية و انا بشرب ف الموية بعاين ليهو و بفكر خل امشي اصارحو ولا لا طبعا المطبخ فاتح ف الصالة ف النهاية قررت اني امشي اصارحو مشيت قعدت ف الكنبة القصادو طبعا هو بعاين لي سااي و يتبسم قلت ايهو عمر لو ف وحدة ف حياتك عادي انا م عندي مشكلة و اصلا كلها ٣ شهور و نفصل قال لي متأكدة قلت ليهو اي و قلت ف سري يعني ف وحدة ولا هامو نفصل اول لا و من هنا قررت اني حأبعد بعد تام عنو 😢😢 قلت ليهو ممكن سؤال ؟ قال لي اتفضلي قلت ليهو اسمها منو قال لي اسمها وتين و بتقرا معاكم ف الحامعة طب ف سادس خريجة تاني ف سؤال قلت ليهو ابدا و قام مشى قلت بسم الله ده مالو 😏 جاتني فكرة ف راسي قمت ع طول دخلت غرفتي و اتصلت لامنة بعد سلمت عليها قلت ليها ايمو دايرة منك طلب قالت لي ومن متين شهد بتستأذن قلت ليها امنة 😑 قالت لي وهي بتضحك طيب طيب احكي 😁😁 بعد بكرة دايراك تمشي معاي للخرجين بتاعين طب ف جامعتنا ف بت اسمها وتين عايزة اعرفها قالت لي وتين؟ 🤨 و ليه عايزة تعرفيها؟؟ قلت ليها لما الاقيك بعد بكرة بحكي ليك قالت لي بكرة مالو قلت ليها بكرة اخوان عمر جايين من امريكا قالت لي طيب تمام و اتونسنا كده و قفلت منها ،،، قلت ماشي ي عمر ماشي حأعرف وتين دي منو قلت ي شهد انتي بتصرفي كده ليه مالك و مالو داهية تزفو هو و وتين انتي مش قلتي حتبعدي ؟ تاني قلت م بقدر ابعد والله و م عارفة بعمل كده ليه بس المرة دي لازم اسمع كلام قلبي لازم 😑 ،،، عمر اتصل تلفون و قال ي وتين اخبارك قالت ليهو عمر الليلة اتذكرتني من وين ي بعيد😁 قال ليها تقولو شنو بس كده جيتي ف بالي ي هبلة قالت ليهو و بتعرس م بتكلمني قال ليها والله ي وتين العرس تم ف ظروف و تم بي سرعة عشان كده و بعوضكم مرة تاانية قالت ليهو م جادي اصلو اصلو تاني داير تعرس قال لي بس نفس العروس بس م اسي اها اخبار معتز كيف قالت ليهو كويس والله الحمد لله قال ليها و جدو كيف قالت ليهو كويس بس معذبني عذاب اسكت سااي 😁😁😂 قال ليها سلمي عليهم عليك الله و داير اقول ليك ف الايام الجاية دي لو ف بت او بنات جو و سألو منك لاقيهم و اتصرفي معاهم كده و كده و حكى ليها بالخطة 😁😁 قالت ليهو جدا من عيوني بس ليه؟؟ قال ليها انتي اتصرفي كده و تلقائيا حتعرفي السبب😂😂 قالت ليهو طيب ظابط المهم قفل منها،،،مشيت لعمر ف الصالة و هو بتبسم قال لي ما ناوية تعملي لينا الغدا قلت ليهو قايمة 😏😏😏 و دخلت المطبخ قلت ليهو عمر ف مكرونة بتاكلها قال لي بحب المكرونة عملت المكرونة بالصووص و عملت بطاطس و حبة فطاير عمر جاني ف المطبخ لقاني بعمل ف العصير شال لسهو قطعت فطيرة قال لي الله حلوة ولا رديت عليهو😏 و هو المتخلف لسه بتبسم و قاعد يعاين لي وانا بشتغل لحدي م انتهيت قال لي اغسل ليك العدة قلت ليهو م بحب زول يساعدني ف شغلي😏😏 م رد لي مشى ع الحوض بتاع الغسيل قلت ليهم عمر انت جهز الصفرة وانا بغسل العدة قال لي شهدد... تلفونو ضرب عاين للشاشة التلفون و طلع ف المسافة دي انا غسلت العدة ،، طالعة من المطبخ كده اتلاقيت معاهو ف الصالة قلت ليهو ارجع ارجع انا خلصت قال لي طيب تعالي نقعد ف الصالة قلت ليهو كويس شلت الريموت و قعدت ابحث ف القنوات لقيت توم و جيري شغال قال لي عمر بتحضري لسه الكرتون ده 😁😁 قلت ليهو توم و حيري ده حب حياتي و م داير ليهو كبير ولا صغير عمر مسك تلفونو وانا بحضر قلت ليهو م داير تاكل من الصباح قلت يعملو الغدا قال لي شويتين كده 😊 عمر بقى بتسائب سااي😴 بعد شويتين كده مفروض اخت الغدا بس لقيت عمر نام و كان خاتي راسو ف المسند بتاع الكنبة 😴😴 و خاتيهو غلط❌ قمت صلحت ليهو راسو عديل و قفلت التلفزيون و فتحت تلفوني و بقيت بلعب فيهو جاتني فكرة امي اصور عمر و هو نايم قمت صورتو صورتين حلوات حلا 😁😁 بقيت بعاين ف الصور تاني قمت ختيت التلفون ف الشحن و جبت دفتري و كتبت :
بدون احساس لقيت ايدي بتكتب بالحروف كلمات💕 قريت الكاتبو بي ايدي لقيتو كلام مليان حلا و بسمات 💕 لقيتك انت ف الخاطر عرفت البسمة جات من وين 💕
بحبك ي عمر ❤
قفلت الدفتر و دخلتو جوا ف دولابي و مشيت الحديقة قعدت جمب حوض السباحة و تاني مشيت شربت الزهور موية😁😁 و لفيت الحديقة كلها زهجت مشيت شلت تلفوني و طلعت الحديقة بقيت شغالة فيهو و بلعب فؤاد ضرب لي قلت ليهو ادي😍😍 و ربي مشتاقين😍 وين انت من اول امس قال لي قاعد بس الامتحانات قربت و اخبارك ي هبلة و البيت الجديد كيف طبعا امنة حكت لي قلت ليهو والله كويس ياااخ و الليلة عمر م مشى المستشفى ف يومي كان شبه مليان و مطلعنا بدري بس بعد عمر ينزل شغل حأزهج ضحك و قال لي مش قلت ليك حتحبي عمر ي شهد 😂😂 قلت ليهو ادي بطل قال لي انا عارفك بتخبيهو بس ي ستي ده م موضوعنا الايام حتثبت ليك قلت ليهو اها موضوعك شنو قال لي انتي رؤى اخت عمر دي مرتبطة ؟ قلت ليهو اشي اشي كبرنا و بقينا نحب 😁😂 قال لي شهد😑 قلت ليهو اسفة 😂😂 بس والله م عارفة لكن حتأكد ليك منها قال لي اي اتأكدي و يلا انا ماشي احفر قلت ليهو مصلحجي بعد عرفت الدايرو حتقفل ضحك و قال لي اصلا 😂😂😂 بعدو قفلنا ،، ،، باب الحديقة فتح لقيتو برهومي جا سلم علي و قال لي مالك قاعدة هنا قلت ليهو سااي بس زهحت فقلت اطلع برا قال لي عمر مافي ولا شنو؟؟ قلت ليهو قاعد بس ناايم من قبيل قال لي تعالي ندخل جوا لما دخلنا قلت ليهو شايفو لسه نايم قال لي ارح نصحيهو مشينا رشيناهو بموية بااردة عمر صحى مخلوع 😂😂😂😂 قال لينا ي رمم اسي دي طريقة يصحو بيها الزول قلت ليهو ما هو م ممكن نايم من قبييييل ليك ساعتين و حاجة 😒😒 ابراهيم قال ليهو بعرفك انا مستعد تنوم للساعة ١٢ ضهر بكرة 😒 عمر قعد عديل و قال لينا العصر اذن قلت ليهو لا راجيك 😏 برهومي قال ليهو الليلة جات بتك قاااطعة كده سألت منك انا طوالي ركزت معاهم عمر قال ليهو بت اسمها منو قال ليهو م ورتنا قالت عايزة عمر لما قلت ليها ما جا قامت طلعت بس كده ابراهيم قال ليهو م علينا يلا انا جيت اتغدا معاكم انا قلت اكيد دي الخرا الاسمها وتين ولا يمكن غاشي ليهو وحدة تانية😕😏😏 قلت ليهو الغدا من قبيل جهزتو و جاتنا فرصة عشان ناكل عشان عندك فيهو نصيب 😁😁 مشيت المطبخ سخنت الاكل و بديت اجهز الصفرة بعد جهزت ناديتم ابراهيم قال لي الله مكرونة بالصوص قلت ليهو انت و عمر سركم شنو مع المكرونة قبيل عمر قال بحبها عاينو لبعض و فكو الضحكة 😂😂😂🐸 واناواقفة زي الهبلة م فاهمة شي 🙁 قلت ليهم كريهين و روني ابراهيم قال لي خلي عمر يحكي ليك هو براهو لانو الموضوع بخصو 😁😁 و ضحك😂😂 قلت ليهو عمر احكي لي قال لي بعدين بحكي ليك و ضحك😂😂 قلت ليهو اصلا م دايرة عارف 😏😏 يلا تعالو اكلو
