وصلنا البيت و انا كنت ماشة غرفتي القديمة عمر عاين لي بإستغراب🤨 و قال لي ماشة وين قلت ليهو ماشة اجيب حاجاتي عشان ادخلهم معاك 😁 قال لي اها كده كويس و مشى غرفتو انا قلت الحمار بدل يجي يساعدني مشى ينوم 😑😏 بقيت اودي جزء جزء لحدي م خلصت و عمر كان نايم 😒😒 حتى مشيت ادوشت و شربت لي موية و جيت رقدت جمب عمر و اتلفت منو بالاتجاه التاني م اشعر الا وهو ضاميني من ورا 💜 قال لي تصبحي على خير بحبك 💜 قلت ليهو وانا بتلفت عليهو صااحي يعني 😒 قال لي و هو بضحك اي كنت صاحي و كنت قاصد م اساعدك عشان اشوفك وانت بتحمري لي 😂😂😂 قلت ليهو ثقيل و عوير و انا بكرهك 😑 قال لي وانا بحبك و باسني ف راسي 😘 الصباح صحيت بعمر و هو بلعب بشعري قلت ليهو عمممر 😣 قال لي عيون و روح و قلب عمر انتي 😍 قلت ليهو ف زول كبير عوير بعمل كده 😒 قال لي و هو بضحك اعمل شنو يعني اصحى و اقعد برااي😂قلت ليهو اقطع وشك مني يلا انا قايمة قمت دخلت الحمام و طلعت لقيت عمر قاعد ف السرير قلت ليهو م ماشي المستشفى قال طارداني يعني 😦 قلت ليهو اي 😒 مشيت المطبخ عملت العصير و قلت لعمر وانت طالع وديني معاك السوق دايرين لينا حاجات و عارف بعد بكرة السبت حيجونا ناس عمتو منى قال لي خلي بكرة اصلا الجمعة م شغال نمشي انا وانتي السوق قلت ليهو بس الليلة مافي حاجة عشان اطبخها قال لي بجيب اكل جاهز و شرب العصير و قال لي انا طالع و هو لسه واقف😁 قلت ليهو طيب م تطلع عاين لي كداااا و قال لي م نسيتي حاجة 😕 ضحكت و بوستو ف خدو 😘🤩 قال لي ايوا كده تمام يلا ي ستهم انا طالع باسني ف راسي و طلع ❤ انا اتصلت لرؤى قلت ليها تعالي لي ف البيت بعد تخلصي جامعة قالت لي انا م شغالة الليلة قلت ليها خلاص تعاليني قالت لي ليه ف شنو حاصل معاك حاجة ولا عيانة 😓 قلت ليها لالالالا مافي شي بس دايراك تعالي قالت لي طيب بعد الفطور بجيك قلت ليها ظاابط 😘 انا قلت انضف البيت و اغير الملايات و ارتبو مع اني نضفتو قريب ده بس يلا البحر يحب الزيادة 😅😍 انتهيت زي الساعة 12 كده باقي لي بس البخور شايلة علبة البخور ف يدي الجرس ضرب قلت معناها دي رؤى فتحت الباب سلمت عليها و دخلنا جوا قالت لي كنتي بتنضفي الحمد لله جيت بعد النضافة الا كان نضفتيني البيت 😂😂😂 قلت ليها حيلك حيلك حيجيك يومي و تنضفي بيتك براك قالت لي الله يجيب اليوم ده والله لو بلساني انضفو 😂😂😂 قلت ليها باايرة دي يلا هاك بخري البيت خليني اجيب ليك موية و استحمى قالت لي بمشي بشرب براي امشي انتي استحمي و م وريتيني دايراني لشنو قلت ليها خلي بعد استحمى 😁😁 قالت لي يلا طيري سرررعة م بقدر استحمل اكتر انا 😁 استحميت و لبست لي عباية و عملت حبة ميك اب و طلعت ليها قالت لي شكلو نحنا طالعين قلت ليها بالظبط كده ماشة اتحنن و اشتري لي كم توب كده عاد م عندي غير توبين وتوب الجرتق 🙁 قالت لي وشي عبرنا ياللخت 😂😂 طيب يلا ارح عشان الزمن و طلعنا واقفين ف الظلط قلت ليها اول شي نمشي السوق و من هناك نمشي الكوفير قالت لي ظابط 😊 مشينا السوق اشتريت لي ٣ تياب توتل و طقمتهم طبعا و واحد حرير لونو اسووود خراافي اشتريت ليهو طقم اسود و الشبط و الشنطة بالفضي 😍 و اشتريت اتنين هزاز 😊 ولعمر قميص و ساعة😍 رؤى قالت الله يوعدك ي رؤى عشان تشرتي حاجات زي دي 😂😂 قلت ليها ان شاء الله ي رب 😍 الساعة كانت 4 قلت ليها شكلي م حأتحنن الليلة ي رؤى قبل ترد تلفوني ضرب كنا قاعدين ف كافي بناكل اندومي 😍🍜 طلعتو من الشنطة لقيتو عمر قال لي حبيبتي مشتاق ليك قلت ليهو احم احم 😂😂 و رؤى بتبسم بتكون فهمتني قال لي معاك زول صح و شنو صوت الجوطة دي انتي وين قلت ليهو مع رؤى بناكل ف اندومي ف الكافيه 🍜❤ قال لي ليه م كلمتيني ي شهد قلت ليهو عمممر آسفة بس مشينا السوق اشتريت و دخلنا الكافي شكلو زعل لاني م كلمتو قال لي طيب انا الليلة حتأخر شويتين كده شيلي معاك اكل جاهز و اكلي م تنتظريني 😓😑 قلت ليهو طيب و قفل الخط 😥 قلت لرؤى اخوكي ده منفسن عشان م وريتو اني طالعة زعل و قفل الخط ف وشي 😑😑 قالت لي مفروض ي شهد توريهو للعلم ساااي 😊 قلت ليها خلاص انا غلطانة م تبدي لي انتي التانية يلا خلينا نمشي الكوفير 😒😒😂😂😂 قالت لي بس بعد يشوفك كده حيبطل زعل 😂😂 قلت ليها تافهه والله انتي 😂😂😂 المهم مشينا الكوفير و رسمو لي حنةة نقش بس و كانت وااااو رؤى براحة كده قالت لي عمر حيجن قلت ليها ررررررؤى 😒😒 قالت لي طيب اسفة 😂😂😂 شالو لي وشي و حواجبي حتى ياداب بقيت بت مع البنات 😁😁 بعد انتهينا حاسبت البت و طلعنا كان المغرب بأذن رؤى قالت لي انا تعبت والله بسببك ي شهد قلت ليهو بطلي قلة ادب وينو اسي علي ده اتأخر ياااخ 😐 واقفين جات عربية وقفت قدامنا و الشباك نزل لقيناها علياء بصوت واحد انا و رؤى علياااء😧😦😲 قالت لينا خير قاليكم م بسوق ولا م بسوق انا 😏 و شنو المزمزة 😍😂 دي ي شهد و حنة و حركات 😍😍 قلت ليها حبيت اغير قالت لينا يلا اركبو و ركبنا قلت ليها وديني اقرب مطعم اشيل اكل و نمشي 🌯🍔🍟 ودتنا مطعم قريب لبيتي شلت بيتزا 🍕🍕 و كرسبي 🌯 و هم شالو ليهم بيتزا🍕🍕 وصلوني البيت و مشو بيتهم وصلت البيت دخلت الاكل المطبخ و دخلت الغرفة رتبت حاجاتي و دخلت لعمر كيسو ف دولابو بقدام كده من يفتح الدولاب حيلقاهو 😊 ادوشت و لبست لي فستان اسود مخشلع كده😂😂😂 و عملت لي روج بالكبدي و فكيت الشعر و عملت لي ريحة من الجابتها لي عمتو منى اول مرة اتريح منها 😍 و مشيت رصيت الصفرة و بقيت منتظرة عمر زي الساعة 11 عمر جا انا كنت ف الغرفة اول م فتح باب الغرفة كان صاري بس لما شافني كده بقى مخلوع 😮❤ قلت ليهو عمر انا اسفةةة بالجد م كان قصدي ازعلك عاين لي و فتح دولابو لقى الكيس ابتسم من غير م يوضح لي 😁 و شال ليهو غيار و دخل الحمام انا ندمت شديد اني عملت كل ده عشانو 😣😤 لما قررت اني ماشة انوم بس فجأة عمر ضماني من ورا ❤ و باسني ف خدي و قال لي حبيبي و لفاني عليهو 😍 و قال لي شهدي صح انا زعلت منك عشان م كلمتيني بس عادي المرة الجاية لما تجي طالعة اي حتة كلميني 😍و بعدين الليلة حلوة كده مالك ❤ و الحنة و الفستان بالجد حلووووة شديد حبيبتي انا 😍 و ضماني عليهو شديد و قال لي بحبببك ❤ قلت ليهو انا افتكرتك زعلت مسكني من يدي و قال لي مهما زعلت منك مستحيل اخليك تنومي وانتي زعلانة مني❤ ابدا والله ي شهد م حيجي اليوم ده ❤ شايف الصفرة جاهزة نمشي ناكل ولااااااو عاين لي بنظرة خبيثة 😁😁 قلت ليهو بسرعة يلا ناكل مسكني من يدي و مشينا اتجاه دولابو فتح الكيس و قال لي بالجد ي شهد الله يخليك لي و باسني بين عيوني ❤ و مشينا الصفرة انا صراحة م قدرت اكل ولا شي من نظرات الحب البعاين لي بيها عمر ❤ عمر قومني و مشينا غرفتنا و عشنا احلى ليالي عمرنا ❤ عمر ده بالجد حاجة كده م بقدر اوصفها مهما اتكلمت عنو غير اني محظوظة جدااا بيهو 💛🙅♀️💞 ،،،، الصباح صحيت و كنت ف قمة السعادة ❤ عاينت لعمر كان نايم زي الملاك 💞 بوستو ف خدو 💋 جيت دايرة اقوم جراني عليهو و قال لي حبيبي صباح الخير ❤ قلت ليهو صباح النور 💕 بقى بعاين لي جوا عيوني و قال لي م نفسك نتم باقي اليوم ده نوم 🤓 قلت ليهو عمممر بطل تفاهة عارف الساعة كم ؟ قال لي كل الساعات عندي الساعة 8:30 دي الساعة العرفت فيها انك بتحبيني ❤❤ قلت ليهو الله انا بحببببببببك جدن جدن 💛💛💛و يخليك لي ي غلاي ❤ يلا عشان تمشي الصلاة ناسي انت ولا شنو الساعة 11:30 قال لي طيب طيب انا شلت لي بجامة و مشيت حمام غرفتي القديمة و طلعت المطبخ جهزت لينا فطور عبارة عن مكرونة بالجبنة و بطاطس و جبنة و زيتون و هوت دوق 🧀🍟 عمر قال لي فعلا محتاجين تسوق والله😂😂 قلت ليهو كتر خيري العملت الفطور قال لي تسلم لي يدك 😍 فطرنا و عمر ساعدني ف ترتيب الصفرة و غسل لي العدة 😂😂😁 قال لي انا ماشي احهز للصلاة و لما اجي نمشي السوق حبيبي طيب 😍 بعد جهز جاني ف المطبخ و كان لابس الجلابية السمنية و الساعة الاشتريتا ليهو 😍 و كان مظبط اللحية اححح انا منو ❤ قلت ليهو امووت انا ولا اقع البحر 😍😁 ده شنو المز القدامي ده ي عمر 😍😍 و بستو ف انفو 😘 قال لي يلا حتأخر لحدي م اجي 😘😘 و طلع ❤ انا بعد شويتين كده اتوضيت و صليت لما سلمت لقيت عمر قاعد و بعاين لي ساااي 😍 قلت ليهو وانا بطبق ف المصلاية جيت متين قال لي قبل شوية شهد انتي و بتصلي بخشوع احلى والله💛 اتمنيت انك تصلي لسه عشان اكحل عيوني بيك 💛 دنقرت راسي و انا مبتسمة رفعو لي و قال لي بتخجلي انتي مني 😁😂😂 طوالي حضنتو 😍 قعد يضحك قال لي حبيبي الخجول انا 😂😂❤ مشينا السوق و اشترينا كل حجاتنا و رجعنا البيت عمر قال حيساعدني ف الترتيب مرة يساعدني و مرة يتغزل فيني و مرة يبوسني 😂😂😍😘 لحدي م انتهينا قلت ليهو عمر حقو كل يوم جمعة اخليك تشتغل ياهوك شاطر ف شغل البيت 😂🤓 قال لي ده الهام ساااي و بروح م بجي كل يوم جمعة🙄 😂😂😂 قلت ليهو عواليق 🙂 قال لي ماشي البس لي حاجة غير الجلابية دي وبجيك قلت ليهو طيب انا طلعت ملابسي من قبيل و لبست لي بجامة طلعت علبة الفشار قلت اعمل لينا فشار🍿 و نحضر فلم عمر جا قال لي حتعملي لينا فشار🍿 ي سلااام 😍 طيب انا بجهز القعدة الفي الصالة و انتي ظبطي الفشار تمام و طلع انا ختبت الفشار ف النار و سامعة تلفوني ضرب جريت الصالة لقيت عمر بجهز ف القعدة كانت دي امنة سلمت عليها و اتونست و نسيت الفشار 😂😑لما اتذكرتو قلت ليها بسرعة برجع ليك و قفلت الخط و جري ع المطبخ لقيت الفشار زي الطلق طاير و المطبخ بقى عبارة عن فشار 🍿🙄🙂 قلت ليهو بصوت عالي ي عمممر عمر جا جاري و مخلوع قال لي ف شنو ي شهد 😥 قلت ليهو عاين الفشار🙀😔 عمر لما شافو و شاف منظري ماات بالضحك 😂😂😂 قلت ليهو امشي غطيهو ي عمر م رد لي كان بضحك اتجبرت اني امشي انا اغطيهو دخلت وسط معركة الفشار دي 😏😂😂 و غطيتو و قفلتو جيت طالعة من المطبخ و بحمر لعمر الميت من الضحك 😂😂😂😒 قومي انتي ي بلوزة البجامة امسكي ف الباب و شوتي شهد متر لورا 😂😂😂 و وقعت ف الارض ع ضهري 😂😂😂 عمر ده لما قعد ف الارض من الضحك و بكا 😂😂😂😂😂 لي سنين من ضحكتو دي 😂😂😍 انا قمت و ماسكة ضهري و ماشة سيسي سيسي قلت ليهو عمر يااخ كفاية والله حرااام 💔😔 قال لي اسف ا😂سف😂😂😂 قلت ليهو عمر قال لي خلاص سكت يلا انتي امشي حألم الفوضة دي و بجيب الفشار 😍🍿 م صدقت انا مشيت قعدت ف الكنبة و عمر جا و كان شايل الفشار ختاهو ف رجليني و شال ليهو بطانية خفيفة كده و جا اتغطينا و حضني و بقينا بنحضر 💛💛💛💛❤ بعد نص سااعة كده قوم انت ي التلفزيون اطفش عمر قال لي ي الله 😐😐ارح نتمو ف تلفزيون الغرفة قلت ليهو لالا خلاص م دايرنو يلا و قعدت ف نص الكنبة و قلت ليهو بحماس انا عندي فكرة احلى 😁😍 قال لي اها ي مجنونة 😂😂😂 قلت ليهو انا م وريتك التياب القبيل جبتها يلا حأمشي اقشر و اجي اوريك و جريت الغرفة 😁😁 لبست اول توب و قشرت تمام👠💅 و جيت ليهو طالعة وانا ماشة مشية عارضات الأزياء دييك 😂عاين لي مساافة طبعا هو قاعد ف الكنبة و وجها ع باب الغرفة و بياكل ف الفشار 🍿😁 قال لي تحفةةة حبيبتي انا ❤ المهم عدينا باقي اليوم ونسة و ضحك و حبكانيات و اوري فيهو ف التياب 😍😍 و غايتو اتهابلنا جنس هبل 😂😂😂 بس اتبسطنا م اظن ف يوم احلى من الليلة مر علينا 😍❤ زي الساعة 11 رتبنا البيت و دخلنا غرفتنا عشان ننوم و انا ف حضن عمر ❤ قال لي م بتمنى يمر علي يوم وانتي م معاي ولا بشاركك ف تفاصيلو ❤ و الضحكة من الاعماق دي م بتطلع الا معاك ❤ قلت ليهو ولا انا ف يوم متمنية اني انوم وانت م جمبي ❤ ولا اصحى وانت م جمبي ❤ قال لي لو ف كلمة اعمق من كلمة بحبك دي بتعبر عن الحب كان زماني قلت ليها ليك مية مرة ❤❤ بس بحبك ي غالية ❤ قلت وانا بحبك ❤
" اقسم بمن وضع حبك بقلبي دون حول مني ولا قوة اني ف غنى عن الحياة ومن بها ❤❤"
