قلت ليها طيب ي وتين مع السلامة و فرصة سعيدة نحنا طالعين و م عايزين نأخرك على محضراتك قالت لينا طيب و ودعناها و طلعنا 😊😑 قلت لامنة و براق شوفتو لما اقول ليكم عمر بحب البت دي م دايرين تصدقوني و اتفقعت بالبكا 😭💔😭 امنة قالت لي انتي عويرة ي بت بتبكي مالك قلت ليها انا الخاتية انا الاتعلقت بيهو و حبيتو من غير م اعرف شعورو تجاهي 💔 و يلا ي جماعة لحدي بعدين و مسحت دموعي براق قالت لي ماشة وين قلت ليها غبية دي ماشة البيت يعني حأكون وين 😒 قالت افتكرتك ماشة تعملي ف نفسك حاجة امنة لبعتها ف ضهرها و قالت ليها بطلي تحضري مسلسلات هندية 😒😒😂😂 انا حمرت ليها 😒😒 طلعو معاي لحدي م ركبوني امجاد و مشو جوا 😊😊 حمودي عندو لعبة كده ف يدو بلعب بيها و انا كل م اتذكر كلام وتين بقعد ببكي😭💔 حتى عمو بتاع الامجاد قال لي مالك ي بتي ف شنو قلت ليهو مافي حاجة ي عمو شكرا ع السؤال 😊😊 مسحت دموعي و بقيت بعاين ف الشباك لحدي م وصلنا حاسبت عمو و دخلت ف الحديقة لقيت علي و علياء و عمتو منى سلمت عليهم و قعدت معاهم علي و علياء كالعادة بتشاكلو ف حمودي 😂😂 لمن الاء جات من جوا البيت قالت لي شووودي 😍😍 سلمت علي و قالت لي حمودي عذبك مش 😂😂 قلت ليها ابدا والله بالعكس ملأ لي باقي يومي 😊😍 عمتو منى قالت لي ان شاء الله تترزقي بواحد زيو يملا ليك حياتك م رديت ليها ابتسمت بس 😊😊 قلت ليها رؤى و حسن وين قالت لي رؤى مشت الجامعة و حسن طلع المدرسة قبل شوية ذاتي مدرستو دي م عرفتها مدرسة و لا مدينة ملاهي 😂😂😂 ضحكت وقلت ليها عشان نهاية السنة بجو متأخرين اصلا 😂😂 الاء شالت حمودي من التوم و سلمت عليهو و تبوس فيهو سااي حبيب ماما اشتقت ليك 😍😘😘 بعداك ادتو لعلي علياء قالت ليها ليه الظلم ده ي الوووية 😒😒 قالت ليها عشان هو ولد لازم يمشي مع الاولاد و لو مشى معاك حيلعب بالمكياج و يطلع شبيه النسوان 😂😂 علي قال ليها لااااا سمح الله 😂😂،،،،،، المهم بعد اذان العصر كده قبل اقامة الصلاة عمو خالد و ابراهيم و عمر و رؤى و حسن جو داخلين مع بعض 😍😂😂 نحنا كنا ف الصالة علياء قالت ليهم م شاء الله كلكم مع بعض كده متفقين ولا شنو رؤى قالت ليها جينا انا و حسن سوا و لقينا ديل قدام الباب فدخلنا سوا 😊 حسن مشى شال حمودي من علياء رؤى قالت ليهو حسن ي كريه جيبو هنا يااخ 😒😒 قال ليها ابيت😏😂 عمر بعاين لي و يتبسم سااي و انا شماهو للطيش 😑😑 و قلت الليلة اصلو م بتكلم معاهو 😏 عمو خالد قالينا وين الغدا نحنا جيعانين والله 😋😋 الاء قالت ليهو الليله ي عمو الغدا جاهز و اسماعيل قال حيجيبو 😁 قلت لابراهيم كان قاعد جمبي تعال دقيقة دايراك و مشينا الحديقة قلت ليهو ابراهيم ممكن يوم السبت نمشي نقعد ف بيتنا ان شاء الله اسبوع 🙂 قال لي ف شنو ي شهد اتشاكلتي مع عمر ولا حاجة كده قلت ليهو ابدا بس انا دايرة اقعد ف بيتنا ي ابراهيم 😐 قال لي شهد انتي زولة متزوجة و راجلك ف مافي شي بتخليكي تقعدي من غيرو قلت ليهو عمر م عندو مشكلة ي ابراهيم قال لي متأكدة قلت ليهو اي 😊😊 قال لي خلاص م عندي مشكلة انا دام عمر م عندو مانع و نحنا يوم الجمعة جاينكم ف البيت و عندي ليكم مفاجأة 😍 قلت ليهو للمفاجأة شنو 🤨 قال لي اسمها مفاجأة يعني م حأوريك ليها خلي عندك صبر😂😒قاعدين مع ابراهيم ف الحديقة كده جا اسماعيل و كان شايل اكياس كتيرة مشى ابراهيم شال معاهو و جا سلم علي و قال لي يلا عشان تتغدي ارح جوا قلت ليهو ف سندوتشات🌯🌯 اديني حقي هنا دايرة اقعد برا شوية 😊 اداني سندوتش و عصير 🌯🍹و دخل مع ابراهيم جوا انا م كان عندي نفس اكل ختيتم ف التربيزة و فتحت الفيس لقيت عمر كاتب:
"سأظل أرسم لوحات حبك ف سماء بلادي و اظل انشد اغنيات عشقك ف العالمين منادي 💕💕"
قلت عاد دي م وتين لو م كتبو ليها كده يكتبو لمنو 😒 بتصفح كده عمر جاني قعد ف الكرسي الجمبي قال لي انتي الليلة مالك قلت ليهو مالي 😏 قال لي م شهد الانا بعرفها قلت ليهو مصدعة بس 😑 و لو اكلت ممكن نمشي البيت 🙂 قال لي وانتي م دايرة تاكلي قلت ليهو عمر م دايرة اكل ارح قال لي شهد مالك قلت ليهو ما ليك دخل بي و ي ريت نمشي البيت 😑😑😒 قال لي اتغدا و نمشي 😊 وااي ده شنو الثقيل ده جو كلهم الحديقة و بدو يتغدو و يتونسو وانا سرحانة ولا اكلت ولا شي علياء قالت لي مالك الليلة ي شهد انتي كويسة قلت ليها مصدعة بس حسن قال لي سلامتك و علياء كرامتك 😂😂 ابتسمت ليهو 😊 عمر لما شاف حالتي كده قال لي يلا شهد نمشي انا اكلت عمتو منى قالت ليهو م اكلت ي عمر كمل غداك و شهد ياهو ولا فتحة م فتحتو 😟 قال ليها اكلت انا ي امي قلت ليها وانا والله ي عمتو م جيعانة ☺ و يوم الجمعة ان شاء الله منتظرنكم ف البيت الاء قالت لي تاني م حتجي يعني قلت ليها لالا حأجي يومي بس الخميس اصحابي جايني ودعناهم و طلعنا ،،، ف الطريق عمر قال لي متأكده ي شهد ده صداع بس قلت ليهو اي 😑 قال لي اصحابك لقيتيهم كيف قلت
