عمر قال لي يلا حتعملي الفطور لانو مافي زول ف البيت قلت ليهو ميامي وين قال لي انتي زهمرتي ميامي سافرت الحبشة فتحت التلاجة لقيت ف اكل جاهز سخنتو و جهزت الصفرة و عمر لسه م جا من فوق جرس الباب ضرب مشيت فتحتو لقيتو ابراهيم سلمت عليهو و دخلنا قعدنا ف الصفرة قال لي عمر وينو قلت ليهو فوق قال لي خلاص حأمشي اشوفو فوق و طلع لعمر بعد شوية جو نازلين الاتنين قلت ليهم يلا الفطور جاهز تعالو بنفطر كده ابراهيم قال لي قلت ليهو هاا و عطست 🤧 عمر قال لي الالتهاب جاكي ابراهيم قالي م تكوني لعبتي ف المطرة امس عاينت لعمر قلت ليهو كنت واقفة لما المطرة كبت قال لي عمر ف غرفتي ف الدرج بتلقي حبوب بتاعت التهاب و عطس 🤧 ابراهيم ضحك لما غمازاتو ظهرت و قال لعمر كتمت فيك الليلة قلت ليهو ليه قال لي عمر بكره الحبوب و العلاج و التهابو صعب شديد قلت ليهو عمر بكره الحبوب و هو دكتور🙄 عمر قال لي والله بكره حاجة اسمها علاج قلت ليهو تاني اقيف ف المطرة ،، المهم بعد فطرنا ابراهيم قال لي بلاي ي شودي داير لي كباية شاااي ظااابطة 😍 قلت ليهو من عيوني 😍 عمر قال لي برضو انا عايز قلت ليهو طيب دقايق و الشاي يكون معاكم 🤗 بعد انا دخلت المطبخ عمر قال لابراهيم انا داير أعرس شهد ابراهيم قال ليهو ك ك كييييف😲 عمر قال ليهو عديل كده و بكره كمان ابراهيم قال ليهو شهد عارفة قال ليهو لالا م عارفة ابراهيم قال ليهو كيف الكلام ده ي عمر اذا هي م عارفة حتعرسها كيف عمر قال ليهو حأكلمها بكره
ابراهيم: انت دايرها يعني و انت عارف شهد معتبراك زي اخوها و مستحيل تقبل
عمر: اي انا عارف كده و حتى انا بعتبرها اختي و زي رؤى و علياء واحد وانا داير اعمل كده لانها قالت يوم الاحد الجاي حتمشي وانا م حأقدر امنعا الا بالطريقة دي و قالت انها حتقعد مع صحباتها اتنين كده و هم بنات بقعدو براهم كيف و شهد رافضة وانا م داير اخليها تطلع من البيت
ابراهيم: قال ليهو ف ده معاك حق بس شهد م حتقبل
عمر: حأكلم امي و هي بي طريقتها تقعنها
ابراهيم: عمر مافي طريقة غير دي تقعد؟
عمر : مافي وانت عارف شهد راسا قوي كيف و هي عنيدة
ابراهيم :طيب ي عمر و بتمنى شهد تفهم نيتك
عمر : ان شاء الله ي رب
جيت انا داخلة سكتو طوالي قلت ليهم كنتو بتقولو ف شنو عمر قال لي كنت بقنع ف ابراهيم يعمل عيد ميلادو ف الجنينة بتاعتنا قلت ليهو انا ي برهومي جهزت اي حاجة للجنينة و اكيد م حتكسر خاطري قال لي برهومي وانا عندي كم شهد؟؟ قلت ليو وااااحدة طبعا😎 بعد شوية كده الجرس ضرب ابراهيم مشى فتح الباب طلعو رؤى و حسن كانو بتشاكلو 😂😂 لما دخلو علينا ابراهيم كان وراهم و بضحك فيهم 😂😂😂 عمر قال ليهم اها ي توم و جيري one قلت ليهو توم و جيري two علي و علياء صح 🤣🤣 قلت لرؤى مالكم حسن قال لي اشتريت لي اسكريم من المدرسة و لما جيت هنا اتلاقيت معاها و ختفتو مني رؤى قالت ليهو أنت اكلت منو كتيير و الباقي حقي و بعدين انت عارف اني بحب الاسكريم ف مافي داعي تجي تاكلو هنا 😏 قال ليها وانا لو كنت عارف انك حتجي زي الزمن ده م كان جيت بيهو قالت ليهو وانت الجابك بدري شنو قال ليها عندي حصتين بس عمر قال ليهم خلاص بعدين المساء نمشي كلنا ناكل اسكريم رؤى جات حضنتو و قالت ليهو انا عندي كم عمر 😍🤩 حسن قال لينا خليكم ف قعدتكم دي ثواني بس اغير و اجيكم 😂😂 و اوعكم تتكلمو لحدي م انا اجي سمعنا كلامو و سكتنا لحدي م جا و كان بلبس ف التي شيرت و هو جاي علينا😂😂 و رؤى برضو جات بعد غيرت و دخلت المطبخ ع طول بقينا نتونس رؤى جات طالعة من المطبخ و معاها صحن كبيييير فيهو تبش بالشطة 🥒🥒حسن قال ليها الرئي 🤩😂 حب قلبي اختي تعالي ادي اخوكي تبش قالت ليهو اخوي منو🤔؟؟ عمر و م بحب الشطة و علي مافي انا تاني م عندي اخو قالت ليهو اي اتذكرت عندي واحد اسمو حسوووون ختت الصحن و قعدت جمبو و بقت بتذكر ف اخوها انا دي غايتو متتتتتت ضحك😂😂😂😂 ابراهيم من الضحك دموعو نزلت اما عمر ده غير بضحك م فتح خشمو بس حسن قام جاااري بالصحن و رؤى م شاء الله م قصرت و تجري في وراهو و هو يجري 😂😂😂😂 انا اتذكرت لما كنت بجري مع مهند دموعي دايرة تنزل بس مسكتها و طلعت غرفتي قبل اطلع قلت ليهم ماشة اجيب تلفوني اول م دخلت الغرفة الضحك الضحكتو اول كلو قلب بكاا😭😭😭 اثناء م ببكي تلفوني ضرب لقيتو عمر مسحت دموعي و رديت ليهو قال لي شهد عارفك بتبكي بس لو م نزلت اسي والله اجي اخمك ضحكت قال لي اي دي شهوودتنا 🤩 قال لي يلا غسلي وشك و انزلي قلت ليهو طيب و قفلت غسلت وشي و نزلت ليهم المهم بقينا ناكل و نتونس ،،،، العشاء كده انا كنت ف غرفتي جاتني رؤى قالت لي اجهزي عشان نمشي قلت ليهو طيب ، عمر مشى لامو ف غرفتا قال ليها ي امي انا داير اعرس شهد قالت ليهو شنوو؟؟ قال ليها انا داير اعرس شهد عشان م دايراها تمشي من هنا و دي الطريقة الوحيدة الممكن اخليها تقعد قالت ليهو هي عارفة قال ليها م عارفة و انا عشان كده جيتك ي امي انتي الوحيدة الممكن تقنعي شهد و عارف اني حأختك ف موقف صعب بس دي الطريقة الوحيدة قالت ليهو عمر انا امك انت بتريد شهد؟ سكت قالت ليهو خلاص جوابك وصلني قال ليها بريييدها شديد والله ي امي بس م بقدر اتكلم و انتي عارفة السبب انا م عارف كيف و متين حبيت شهد بس تلقائيا لقيت نفسي فيها💞 لقيت روحي بفكر فيها طول اليوم💓 انا اول م اشوف شهد ي امي لو كنت شايل ضغوطات الدنيا دي كلها بتروح 💜و كل م اشوف دمعة منها قلبي بتقطع حتة حتة 😓💔 قالت ليهو بس كده ي عمر شهد حتكرهك وانت حتتوجع اكتر قال ليها عارف كده ي امي بس مافي طريقة قالت ليهو الله يسهل عليك و يفرح قلبك ي ولدي🤲 باسها ف راسها💓 و قال ليها دعواتك دي براها درع لي💞 و ان شاء الله م حيجيني شي♡ بس انتي اتكلمي معاها قالت ليهو طيب و طلع منها ،،، بعد لبست عبايتي انا نزلت تحت عمر كان بعاين لي بنظرة حزينة كده 😓 حسن قال لينا يلا عشان نمشي لابراهيم قلت ليهو وين هو ابراهيم قال لي ف البقالة الجمبنا دي المهم طلعنا و مشينا لابراهيم و كان شايل معاهو سجاير لما ركب اداها لعمر و هو شال وحدة و ولعها رؤى قالت لابراهيم افتح الشباك ريحة السجاير 😷 قلت ليها احلى ريحة ياااخ ابراهيم طوالي اتلفت علينا و عاين لي بإستغراب و تاني اتلفت قدامو بعد وصلنا مكان الاسكريم حسن قال لعمر جيب لي اكبر علبة و تكون مشكلة و معاها فشار عمر قال ليهو من عيوني😍 بناكل ف الاسكريم تلفوني ضرب لقيتا امنة شلت التلفون و مشيت منهم بعيد و رديت لقيتها عاملة مكالمة جماعية براق قالت لي ي سجم وينك انتي فؤاد قال لي شودتي انتي كويسة احمد قال لي ضرة امنة انتي وين من الصباح خالد و محمد بصوت واحد وين انتي ي كرور قلت ليهم كدي ابردي حبة انا امس مش كنت معاكم 😁😁 المهم اتونسو معاااي كده فؤاد قال لي لسه مصرة ع رايك قلت ليهو طبعا و ي امنة و براق جهزو نفسكم لاني حأرحل بعد اسبوع احمد قال لي م عارف بس حاسي انك م حتمشي😁 قلت ليهو لالا حأمشي إن شاء الله براق قالت لي لو قلتي اسي نرحل بنرحل م عندنا مانع😂😂😁 بعد قفلت منهم رجعت رؤى قالت لي ديل اصحابك مش قلت ليها اي 😁😁 اكلنا اسكريمنا و رجعنا البيت عمر و ابراهيم قالو طالعين المستشفى نزلونا و مشو ،، طلعت غرفتي و اثناء م بطلع ف العباية باب غرفتي ضرب قلت اتفضل طلعت عمتو منى و كان ظاهر ع وشها القلق قلت ليها عمتو مالك خير ف شنو قالت لي دايرة اقول ليك شي قلت ليها تعالي اقعدي و قعدنا ف السرير قلت ليها احكي انا سامعاك قالت لي شهد والله انا بعتبرك زي بناتي و من زمان بحبك انا قلت ليها عمتو خوفتيني ف شنو قالت لي دايراك لعمر ولدي انا زي الصبت فيني مطرة قلت ليها انتي عارفة ي عمتو طلبك ده صعب قدر شنو وانتي عارف عمر بالنسبة لي شنو قالت لي عارفة والله ي بتي بس انا دايراك تكوني مرة ولدي قلت ليها انتي قلتي كده عشان م دايراني اطلع صح قالت لي لا م كده انا عارفة لو مشيتي بيتكم حتكوني ع تواصل معانا و ع طول كمان بس انتي لو معتبراني زي امك و بتحبيني اقبلي و طلعت كلام عمتو منى ده يعني ي تقبلي بعمر ي البينا انتهى حرفيا كده ختتني ف موقف صعب شديد وانا والله عارفة انها عملت كده عشان اقعد مع انها قالت لي غير كده بس انا متأكدة من كده بقيت ببكي و بقول ي ريت لو مت معاكم ي ماما ي ريت م كان ده الحصل لي 😭😭😰 فجأة كده اتذكرت انو عمر مصمم ع قعادي شديد و قال حيحل الموضوع و اتذكرت كلامو الفي العربية انو لو ف يوم زعلني حيكون لمصلحتي ع طول شلت تلفوني و ضربت لعمر اول م رد لي قلت ليهو داير تختني امام الامر الواقع عشان كده اتوسطت بعمتو وانت عارف اني م برفض ليها طلب عمر انا بالجد كرهتك و شديد كمان بس ي سيدي دي عمتو منى الزي امي و انا مستحيل ارفض ليها طلب حتى لو كان ع حساب سعادتي قمت ضحكت ضحكة استهتار كده و قلت ليهو سعادتي ؟؟؟ انا اصلا م عندي سعادة ولا فارق معاااي الحيحصل شنو بس احب ابشرك اني موافقة و قفلت الخط ولا رديت عليهو مشيت لعمتو منى ف غرفتها و قلت ليها اني موافقة قالت لي شهد انتي متأكده قلت ليها اي و طلعت طوالي غرفتي اول شي صليت لي ركعتين و دعيت كتييير و قلت ي رب الفيهو خير اعملو ،، قمت من المصلاية لقيت تلفوني بضرب كان عمر م رديت عليهو تاني ضرب قمت رديت قلت ليهو تاني داير شنو مش الانت دايرو عملتو ليك داير شنو اكتر من كده قال لي اسمعيني و م تقفلي الخط انا والله ي شهد عملت كل ده عشان سبب و م تقولي عشان دايرك تقعدي ف بيتنا عارفك حتفكري كده بس حيجي يوم و تعرفي الحقيقة و قفل قال انا لازم انكر ليك عشان م تعرفي السبب ع الاقل ف الوقت ده ،،،، قمت ضربت لفؤاد و حكيت ليهو و انا ببكي قال لي شهود روقي كدي أول وكل بتسهل قلت ليهو آدي و الله م قادرة اروق قال لي انتي بتعرفي الناس ديل اكتر مننا و اكيد م حيعملو ليك حاجة بضرك بالعكس حتكون لمصلحتك و بعدين عمر العيني شافتو ده و اهلو الكنتي بتحكي لينا عنهم من زمان والله بحبوكي💓 قلت ليهو انا عارفة كده بس ي ادي م قادر تفهمني انت انا حاسة بي شنو قال لي انا فاهم و عارف كل شي وانا مع فكرة الزواج ده لانو اكيد ف سبب مقنع يخلي عمر يعمل كده و م دخل امو ف الموضوع الا عشان تقنعك لانو عارف م حتقبلي بيهو و ربنا شايف كل شي و عارف كل نية💗 و اكيد ربنا م بظلم زول ❣و البحصل ده كلو لخير💝 انتي بس اهدي و بكرة صدقيني حتشوفي سعادة مع عمر م ليها حد❤ و حتقولي آدي قال و احتمال ربنا جاب ليك الموضوع ده عشان يعوضك شهورك الضاعت كلها ف الحزن💔 و ربنا قاعد ف كرسي العدل و م بظلم عبدو و اكيد البحصل ليك ده حكمة من ربنا💕 قلت انا وافقت و خلاص بس ٣ شهور م اكتر و حأطلق من عمر و بكده حأكون رضيت ع عمتو منى قام ضحك ضحكة خفيفة و قال لي للوقت داك الله كريم وانا متأكد م حتلقي من عمر لانك حتلقي نصك التاني فيهو و حتحبيهو 💟و حيعوضك عن كل شي فات😍 ح يبقي ليك بحنيتو الام 💓
و بالسند الاخو💜 و فوق ده كلو حيكون ليك الزوج المثالي♡ قلت ليهو نشوف ي ادي بس لو اطلقت كلو هين قال لي طيب ي شهدوني نشوف ي السمحة❤ و يلا نومي بعد ده الزمن اتأخر و خلي الامور ع الله قلت طيب تصبح على خير ❤
