دخلت الغرفة و اخدت لي نوومة عميييقة😴😴 صحيت تقريبا بعد العشاء شكلي غمرت عديل😂😂 و ف نومي داك بحلم بعمر كتير لما صحيت لقيت عمر مافي قلت معناها م جا لسه قمت عشان ادخل الحمام لقيتو مقفول شكلو عمر جا قعدت ف الكنبة و كان فيها تلفون عمر شفت الخلفية بتاعتو خاتي فيها صورتنا يوم الجرتق سمعت كركبة باب الحمام طوالي ختيت التلفون عمر طلع قال لي صباح الخير ي حمار النوم😂😂 قلت مساء النور و دخلت الحمام اول م طلعت لقيت عمر ف وشي لمن اتخلعت جيت دايرة اتختاهو مسكني من يدي قلت ليهو عمر فكني اوووعك تهبشني قال لي ش عارفك انا م طايقاني و لا طايقة تشوفي وشي بس داير اقول ليك خلينا نتصرف زي اول قلت ليهو مع الناس حأتصرف معاك عادي بس لمن نكون برانا كلو زول ف حالو 😊 عدت الايام وانا علاقتي بعمر كانت عادية ف البداية كنت م بتكلم معاهو بس بشوفو و لما يسألني بجاوبو بإختصار شديد لحدي م بقيت بتكلم معاهو احسن من اول شبه بديت احبو والله 😊🌚 ف يوم الجمعة المساء كنا مع عمر ف غرفتنا ( لاحظو بقيت بقول غرفتنا 😂😂😂) عمر قال لي شهد جبت ليك حاجة قلت ليهو شنو قال لي هاااك و اداني دفتر لونو اسود و فيهو فضي حلووو شديييد😍😍 قال لي عارفك بتكتبِ خواطر و جبتو ليك عشان تكتبي فيهو خواطرك قلت ليهو عمر بالجد شكرا ليك كتييير 💕💕 قال لي العفو شلت الدفتر و دخلتو الدرج قال لي انا ماشي الكورة جهزي نفسك قلت ليهو امشي معاك الكورة قعد يضحك😂😂 قال لي اصبري اتم ليك الكلام قصدي ليك جهزي حالك عشان بكره راحلين بيتنا خلاص جهز ( كان ناقص العفش وشكلو عمر جاب ليهو العفش ) قلت ليهو عمر قبل اتم كلامي طلع عاينت بالشباك منتظراهو يطلع لمن لمحتو كنت دايرة اناديهو بس مشى سرعة شكلو عارف اني حأناديهو بالشباك😁😁 قمت نزلت تحت لقيت شمائل قاعدة و معاها رؤى و عمتو منى بتونسو سلمت ع شمائل قالت لي مبروووك ي شهودي 😍😍 و معليش والله م قدرت اجي مع ناس امي ( امها و ابوها جونا قبل كم يوم) كنت شغالة امتحانات قلت ليها م مشكلة حبيبتي 😍😍 سألت رؤى من حسن قالت لي قال بقرا ف غرفتو 😁 عمتو منى قالت لي ي شهد يعني بكرة خلاص راحلين قلت ليها انا ذاتي م كنت عارفة والله ي عمتو الا لمن عمر كلمني و كلمني قبل شوية قالت لي والله عمر مصر انو يرحل و انا م حبيت اعاكسو عشان تسهل عليهو رؤى قالت لي شهود والله حأفقد بس اطمني حأعمل ليك وجع وش ف بيتكم 😂😂😂 قلت ليها دي انا ال حأعمل ليكم وجع وش 😂😂😂 رؤى قالت لينا علي و علياء حيجو يوم الاحد امها قالت ليها علي قبيل ضرب لي و كلمني قلت ليها ي حليلهم💕 يعني هم حيجو وانا حأمشي شمائل تلفونا ضرب مشت مننا قلت ليهم انا حأمشي اعمل لينا شااي رؤى قالت لي امشي رتبي حالك انا حأعملو عمتو منى قالت لي كلام رؤى صح قلت ليها لالا م مشكلة بعملو و بطلع برتب حاجاتي عمتو منى قالت لي خلاص تمام
ف جانب تاني:
الو دعد اسمعيني انا م بقدر اشوف عمر مع شهد و م اعمل حاجة
اسمعيني ي سحر انتي البتعملي فيهو ده غلط و شهد دي والله م ناقصاكي كفاية الفيها
ي دعد لو عايزة تساعديني و لو م عايزة خليني براي بنفذ الحاجة الفي راسي
دعد قالت ليها طيب ي سحر حأساعدك
برضو ف جانب تاني:
ي عمر انت ليه قررت ترحل و بدون اي مقدمات حتى خليت العفش يجهز ف اقل من اسبوع مع انك قلت داير شهد هي الحتختارو قال ليهو والله ي ابراهيم انا م عارف بس جاتني الفكرة دي ابراهيم قال ليهو اهل ابوي طلعو الليلة و انا حأقفل البيت مؤقتا لحدي م ان شاءالله اعرس و حأسكن فيهو و حأجر الشقة بتاعتي عمر قال ليهو ربنا يديك بت الحلال ان شاء الله 💕 و اهل ابوك عرفو انك اخو شهد و انها عرست قال ليهو اي عرفو و لحدي اسي م دايرين يصدقو اني ولد محمد اخوهم بس يلا م علينا عمر قال ليهو بعد عرفو انو شهد عرست م حيقدرو يطالبو بيها ابراهيم قال ليهو والله ي عمر شهد محظوظة انها عندها راجل بخاف عليها و خاتيها ف عيونو 💕💕 قال ليهو انت عارف ي برهومي شهد غالية علي قدر شنو 💕 و اهم شي م تعرف السبب الخلاني اعرسا ابراهيم قال ليهو م حتعرف 😊
انا بعد عملت الشااي طلعت الصالة لقيت شمائل طالعة قالت ضروري تطلع عمتو منى قالت ليها انتظري ي شمائل اسي عمر بجي يوديك م تمشي ف الليل ده براكي قالت ليها والله مافي طريقة ضروري اطلع بس شهد و رؤى يقدموني الظلط و بركب لي امجاد و بمشي او بطلب ترحال ف اثناء وقفتنا دي الباب فتح طلعو عمر و ابراهيم جو سلمو ع شمائل و انا لاحظت لنظرات الاعجاب المتبادلة بين ابراهيم و شمائل 😍 و شمائل اتلبكت اول م شافت ابراهيم😁 عمتو منى قالت لعمر اسي قلت لشمائل عمر بجي اقعدي يوصلك عليك الله ي عمر وصلها معاك البيت ابراهيم قال ليها انا ذاتي طالع خلي بوصلها ف طريقي قالت ليهو انت متين جيت قال ليها بس جيت اسلم عليكم و ماشي طوالي البيت عمتو منى قالت ليهو الله يسلمك من الشر و يرضى عليك و يرزقك بي بت الحلال التسعدك ي رب 💕💕💕 عاين لشمائل بي نظرة كده من غير م هي تحس و انا السمحة وقعت لي 🌚😂و قال لي اميين ي امي ان شاء الله 💕 شمائل ودعتنا مع برهومي و طلعو عمر طلع الغرفة عمتو منى قالت لي شيلي ليهو عصير قلت ليها طيب شلت ليهو العصير و طلعت الغرفة لقيت عمر بتسائب سااي 😴 و بحضر ف التلفزيون ف كورة قلت ليهو انت اسي م كنت فيها قال لي قال لي دي عشقي ياااخ💕💕💕 ختيت ليهو العصير ف التربيزة الجمبو و كان فيها الدفتر الهداني ليهو قال لي كتبتي و داير يشيلو شلتو منو بسرعة و بخلعة🙁 كده قلت ليهو لالا م تفتحو ده خاص بي انا 🌚 قعد يضحك قال لي جبتو ليك عشان تكتبي فيهو خواطر م عشان تكتبي فيهو اسرارك 😂😂 قلت ليهو انا حرة اكتب فيهو الدايراهو مش بقى ملكي انا 🌚🌚 قال لي طيب طيب ي ستي م دايرو شرب العصير و مشى رقد ف السرير قال لي رتبتي حاجاتك قلت ليهو ياداب والله دايرة ارتب قال لي لو م كنت نعسان تعبان و نعسان كان ساعدتك و قعد يعمل ف حركات بدل ع التعب 😏😏 فنيتو بالمسند و قلت ليهو حيوان ده قعد يضحك😂😂 ،،، بديت ارتب ف الحاجات و هو كان مراقبني من بعيد و شغال ف تلفونو قلت ف سري اسي لو قام رتب حاجاتو مش احسن من مسكت تلفونو دي 😏😏 بعد انتهيت قال لي طلعتي لي حاجات بكرة قلت ليهو طلعتها😏 و ي ريت بكرة م تمشي الشغل لاني م بعرف البيت الجديد و م حأقعد فيهو براي و عارف رؤى عندها جامعة 😁 قال لي اصلا كنت م ماشي 😊 و نام انا مشيت ادوشت و فتحت دفتري و قعدت ف الكنبة و كتبت فيهو
أحببتك رغما عني 💕 دون اقتدار 💕 و لكن عذرا سيدي فالحب غدار 💕 تملكني دون ان اشعر💕 و هل يجدي الاعتذار 💕
و قفلت الدفتر و مشيت رقدت ف جهتي ف السرير عمر صحى الصباح بدري و بقى بعاين لي وانا نايمة♡ قال لو تعرفي ي شهد بحبك قدر شنو 💕 و نفسي تحبيني ان شاء الله نص الحب الحابيهو ليك 💕💕 و قام دخل الحمام بعد طلع لقاني لسه نايمة قعد ف التلفزيون و شال تلفوني و بقى بشوف ف الصور رسل لي الصور بتاعت الجرتق و قال اوعدك ش شهد اول م تحبيني حأعمل ليك عرس زيك و زي اي بت ف الدنيا دي من اول و جديد💕 ختّ تلفوني ف مكانو و ده كلو و انا نايمة جا قال لي شودي ي شهد قومي أصحي كفاك نوم الساعة ٩ قلت ليهو وانا مغمضة و بصوت نعسان خليني انوم يااخ😴😴 قال لي طيب حأمشي اخلط و اجي القاك صحيتي قمت ناطة و بصوت عالي قلت ليهو شنو؟؟؟ انا ذاتي احترت من ردة فعلي خلي عمر الكان مصدوم بعد استوعبت اني عملت شنو قلت ليهو بتردد ق.. قص.. قصدي الزمن حيتأخر و لازم نمشي البيت قام ضحك و قال لي طيب طيب 😂😂😂 قمت منو و دخلت الحمام لما جيت طالعة قال لي حنطلع بعد الفطور قلت ليهو ياداب الساعة ...و عاينت للساعة لقيتها ٩ و نص قال لي و هو بضحك 😂😂😂 مالك سكتي قلت ليهو ولا حاجة و نزلت تحت لقيت رؤى قاشرة قشرة قلت ليها الجميل ده الليلة قاشر كده ماشي وين 🌚😍 قالت لي ماشة عقد صحبتي قلت ليها وانتي ي السمحة قالت لي بايرة و للعرس دايرة😂😂😂 ضحكت فيها و قلت ليها امشي عشان م تتأخري 😂😂 طلعت ،،، دخلت المطبخ لقيت عمتو منى بتعمل ف الفطور مع ميامي صبحت عليهم و شلت لي قطعت جبنة اكلتها و قلت لي عمتو منى وين عمو خالد قالت لي طلع من الصباح عندو عملية قلت ليها و حسن مشى المدرسة الليلة قالت لي اي مشى ساعدتهم ف الفطور و ميامي جهزت الصفرة قاعدين ف الصالة انا و عمتو بنتونس عمر جا نازل و كان لابس زي الزول الطالع عمتو منى قالت لعمر ماشي وين قال ليها بعد الفطور طالعين بيتنا 😊 قالت ليهو م تقطع مننا شهد تعالونا طوالي قال ليها بكرة بجيبا ليكم قالت ليهو من الصباح عشان علي و علياء بكرة (الاحد)جايين قال ليها اي كلمني جايين الساعة ٧ص من البيت حنمشي ليهم و بنجي هنا قالت ليهو خير ان شاء الله ارح يلا نفطر مشينا الصفرة عمر قال لامو وين رؤى قالت ليهو عندها عقد صحبتا و طلعت ،، بعد فطرنا عمر قال لي حأنزل الشنط و انتي اجهزي انا راجيك قلت ليهو طيب و طلعت الغرفة لبست عباية خليجية لونها رمادي و عملت لي حبة ميكياج بصلح ف الطرحة عمر جا داخل عاين لي مسافة 😍 و قال لي ننزل خلاص قلت ليهو أرح نزلنا و ودعنا عمتو منى و ميامي و جينا طالعين اتلاقينا مع حسن قال لينا جيت ف وقتي عمر قال ليهو صدقت والله الشنط ف الصالة جيبهم معاااي العربية 😂😂 قال ليهو ليهو ياااخ انا جيت بسرعة داير اودع شهد تقول لي شيل الشنط 😏 شال معاهو الشنط و دخلوها العربية و دعناهم و مشينا ركينا العربية ف الطريق فتحت تلفوني لقيت الخلفية فيها صورتنا انا و عمر عاينت لعمر و ابتسمت 😊😊 عرفتو ده هو العمل كده فتحت الفيس لقيت ابراهيم كاتب
و ياااا حلاة هيما ف خشيمك 💕
