ي ابوي خلي بالك العربية و طااااخ طقشنا العربية و تاني م صحيت ولا عرفت الحصل شنو الا و انا ف المستشفى من صحيت سألت الممرضة و انا ببكي و بشهق وين امي و ابوي وين اخواني و بقيت ببكي بطريقة هسترية💔😭😭😭و كنت قايمة بس الممرضة مسكتني و نادت الدكتور لمن جا اداني مهدئ بعد فترة كده لمن صحيت لقيت الدكتور معاي قلت ليهو الله يخليك ي عمر وديني لأهلي 😓 قال لي ي شهد كدي روقي و استغفري اهلك ماتو💔😥 لمن قال لي كده بقيت بصرخ كيف يعني ماتو؟😭💔 اسي مش كنت معاهم اسي مش كنا جاينكم 💔😭😭 قال لي ده قدرهم كده و يومهم تم خلاص مشوا لربنا💔 وانتي لازم تصبري و ترضي بقضاء ربنا قلت وانا ببكي😭😭 طيب دايرة اشوفهم لاخر مرة عليك الله ي عمر 😭😭💔قال لي طيب سندني و مشينا لغرفة كده فاضية مافيها حاجة غير جثث اهلي💔💔 قعدت ف الارض و بقيت ببكي و ببكي😭😭😭 لمن قطعت نفس(احسااس صعب لمن امك و ابوك و اخوانك يموتوا ف نفس اللحظة😭😭💔💔) تاني م وعيت الا تاني يوم لما صحيت و اتذكرت الحاصل مافي دمعة نزلت مني 😔 لاني بقيت ف حالة صدمة قاعدة ف السرير كده و سرحانة جاتني الممرضة و معاها الادوية قالت لي ي شهد لازم تاخدي الادوية انا ولا حتى رديت ليها جات مدت لي الحبوب لزيت الحبوب بيدي و اتلفت منها طلعت نادت دكتور عمر قالت ليهو دكتور شهد رافضة تاخد الادوية ولا حتى بتاكل قال ليها خليها علي انتي اديني الادوية و ممكن تاني تمشي تشوفي شغلك قالت ليهو حاضر و طلعت جا عمر قعد جمبي قال لي ي شهد يعني لو انتي م اكلتي ولا اخدتي الادوية حترجعي اهلك؟ ولا حتمنعي الحصل؟ و صدقيني لو عملتي ده كلو غير حتتعبي و صحتك حتدهور م حيحصل شي و انا عارف انك ف موقف اصعب من الصعب😞💔 بس ربنا كاتب كده و نحنا م بنقدر نمنع قدر ربنا و ف الوقت ده محتاجين دعائنا و منك انتي بالذات😓 و نقرا ليهم قران كتيير و لو م اكلتي و اخدتي الادوية م حتلبي ليهم حوجتهم قلت ليهو وانا ببكي😭😭 م دايرة اي حاجة انا دايرة اموووت بس و احصلهم😭😭😭💔 بس ي عمر و اتفجرت بالبكا و طلعت الكنت كاتماهو كلو😭😭😭😭 قال لي ده شنو ي شهد انتي بت كبيرة و واعية يطلع منك كلام زي ده (بتكلم و العبرة ساده حلقو) انتي مسلمة و عارفة انو كلام زيه غلط و فيهو حساب وانتي م عايزة تأكلي ولا تاخدي الادوية عشان تموتي صح💔 بس ده يعتبر هلااااك للنفس و ربنا حيسألك هاك اكلي قلت ليهو م عايزة قال لي طيب اشربي عصير ان شاء الله بعد جهد جهيد شربت العصير و قلت ليهو عمر جثث اهلي وين💔😭 مشينا دفناهم💔 لمن قال لي كده بكيييت شدييييد واثناء م انا ببكي قلت ليهو عمر انا م قادرة اتنفس و بقيت بتنفس بصعوبة😫 قام ع حيلو عمل لي الاكسجين و قال لي انتي عارفة كلو دمعة تنزل منك حتعذبهم و زي م قلت ليك ادعي ليهم ، بعد شوية كده و اثناء م عمر بديني ف الادوية جات الممرضة قالت ليهو دكتور عمر دكتور خالد عايزك قال ليها طيب و طلعت قال لي حأمشي اشوف ابوي عشان يقدر يجيك لانو مزحوم شديد الليلة قلت ليهو طيب و طلع
(انا شهد و ابوي ربنا يرحمو اسمو محمد 💔 و امي مريم و عندي اخو اسمو مهند و اخت اسمها سماح و عندنا اخو فقدناهو لما كان صغير و م لقيناهو لاسي) بعد ساعتين كده جا عمر و اداني تاني حبة و ركب لي درب جديد و قال لي ده اخر درب دم ليك خلاص الحمد لله 😊
( ناس عمر ديل اصحابنا شديد ومن زمان ابوي و ابوهو اصحاب بس م بنعرف اهلهم ولا اصحابهم التانين علاقتنا معاهم هم و حلوة شديد ) ( وانا ممكن تقولو م عندي اهل ابوي م محتكين بيهم و كعبين شديد لا بجونا ولا بنمشي ليهم و لا بنحبهم و بالنسبة لاهل امي فكانت وحيدة عند اهلها و جدو و حبوبة ربنا يرحمهم)
عمر قال لي يلا انا ماشي قلت ليهو وين عمو خالد قال لي عندو عملية بعظ يخلص حيجي ( عمر قال ف نفسو ابوي م قادر يواجهك اعز اصحابو ماتو 😭😭💔💔) يلا انتي ارتاحي هزيت ليهو راسي بمعنى كويس و طلع قعدت اتذكر ف اهلي و ببكي و بدعي ليهم و ابكي لحدي م نم😭😭😭ت ع الحالة دي بس صحيت بعد فترة قصيرة لقيت عمر قاعد قدامي ف الكرسي
