လရောင်နှင့်နေယံတို့ ထိုညက ရောင့်မားမားတို့အိမ်တွင်သာအိပ်ကာ မိုးစင်စင်လင်းမှ ပြန်လာဖြစ်ကြသည်။ ပြန်လာသည့်လမ်းတစ်လျှောက် နေယံက စကားတွေပြောနေသော်လည်း လရောင်ကတော့တိတ်ဆိတ်လို့နေလေသည်။ မျက်နှာကို ကားမှန်ဘက်အတင်းလှည့်ထားကာ အပြင်ဘက်သို့သာငေးနေလေရဲ့။ မနေ့ညက သူတို့နှစ်ဦးကြား မျက်နှာပူစရာတွေဖြစ်ခဲ့ရတယ်မလား။
Flash back.....
"မားမားရောင်တို့ အိပ်တော့မယ်နော်"
"အေးပါ။ လှေကားဖြည်းဖြည်းတက်ရောင်ရောင်လေး"
"ဟုတ်မား အာဝါးကြီးပေးဦးမယ်"
ပါးစပ်ကလည်းပြောရင်း လူကလည်း သူ့မာမား နားသို့ရောက်သွားကာ ပါးကိုဘယ်ပြန်ညာပြန်ရွှတ်ကနဲ နမ်းကာချွဲလေသည်။ ပြီးမှ သူ့ပါးပါးမှစ၍ အစ်မဖြစ်သူအထိအကုန်တန်းစီကာ အာဘွားလိုက်ပေးသောရောင်။ အားလုံးကိုအာဘွားပေးပြီးတော့ ရောင်တစ်ယောက် နေယံ့လက်ကိုဆွဲကာအပေါ်တက်မည်အပြု သူ့မားမားနှင့်မမကဦးဆောင်၍ပြောသော
"ရောင်ရောင်တစ်ယောက်ကျန်သေးတယ်လေ" ဆိုသောစကားသံထွက်လာလေသည်။
"ဘယ်သူလဲမားရဲ့"
ရောင်ကမျက်ခုံးလေးပင့်ကာမေးတော့ နေယံကိုမျက်စပစ်ပြကြသောနှစ်ယောက်။
"ကိုယ့်ယောကျာ်းကိုမမေ့ရဘူးလေရောင်လေးရဲ့"
"ဟာမမကလည်း"
အမဖြစ်သူရဲ့စကားကြောင့် ရောင့်မျက်နှာလေးရဲကနဲဖြစ်သွားရသည်။
သူတို့နှစ်ဦးသည် နှစ်ဦးသဘောတူ စာချုပ်နှင့်လက်ထပ်ကြတယ်ဆိုသော်လည်း မိသားစုဝင်တွေကတော့ နှစ်ဦးသဘောတူမေတ္တာမျှလို့ လက်ထပ်တယ်လို့ထင်နေတာမလား။
"ရောင်ရယ်နေယံလေးသနားပါတယ်။ ရောင်ကအယ့်လိုလုပ်တော့ဘက်လိုက်သလိုဖြစ်နေတာပေါ့။ ကိုယ့်ယောကျာ်းကိုယ် ရှက်မနေစမ်းပါနဲ့ ဟားဟား..."
မားသည် ခေတ်ဆန်သောအမျိုးသမီးပီပီ ထိုကိစ္စတွေကိုရှက်ရွံ့စရာဟုမတွေးဘဲ လက်ခံသင့်သလောက်လက်ခံကာ စနောက်ပြီး ရောင့်အားအရောက်ပို့လေတော့ ရောင် မျက်လုံးလေးထောင့်ကပ်ကာကြည့်ပေးလိုက်သည်။ နေယံ့ကိုလည်း "ပြောဦးလေ" ဆိုသောအကြည့်ဖြင့် အကူအညီတောင်းသလို လှမ်းကြည့်တော့ ထိုလူကြီးသည် မျက်လုံးအကြည့်လွှဲသွားလေသည်။
YOU ARE READING
💓ချစ်ရပါသောရှပ်ပြာလေး💓 (Completed)
Romanceမတော်တဆ၁ခုကြောင့်တာဝန်ယူမူဖြစ်လာသောအခါ..အချစ်မပါဘဲလက်ထပ်လိုက်ရသောအခါ..ပျော်ရွှင်ရပါ့မလား...အချစ်စစ်ကိုရနိုင်ပါ့မလား....သူ့နှလုံးသားလေးထဲမှာကို့အတွက်နေရာလေး၁ခုရှိပါ့မလား မေတာ္တဆ၁ခုေၾကာင့္တာဝန္ယူမူျဖစ္လာေသာအခါ..အခ်စ္မပါဘဲလက္ထပ္လိုက္ရေသ...