لانها اختي

لانها اختي بارات 19

نيار :- وغلات امي احبج بزونتي

ابتسامه انرسمت على شفايفي وي لمعه عيوني كمنا وكفنا اني وياه أخذ الحلقه من العلبة مديت اله أيدي وهي بيها رجفه خفيفه

تلامست أطراف اصابعي ب ايده حسيت ب موجه كهربائية دخلت جسمي ضم كف ايدي ب ايده حتى توكف رجفتها وفتح كف ايده وحرر اصابعي ولبسني الحلقه

نزلت شويه واخذت حلقته مدلي ايده ولبسته حلقته أخذ الكلاده ولفها على عنقي تقرب الي صرت كلي ب حضنه

دا يقفل ب الكلاده حسيت ب شفته الحاره لامست جتفي بدون وعي رجعت شويه للخلف ب توتر وخجل تلاقت عيونه وهو يبتسم الي ب ابتسامه مكر مرسومه على شفته

كمل لبس باقي الذهب وباسني ب راسي وهمس الي

نيار :- راح اطلع يروحي الولد ب الباب ينتظرون وزحمه

ملاك :- احبك

ضحكت عيونه قبل شفته رفع ايدي الي كان حاضنها ب ايده وطبع بوسه سريعه ب كف ايدي وترخص وطلع

اجتي مريم ومنى بسرعه بفضول

منى :- شبيج ضربتي بريك بسرعه من لبسج الكلاده ورجعتي ليورى ها

ملاك :- ههههه  لمن تزوجين ويصير مثل الي صار ساعتها تعرفين

مريم :- خيه اني مطلقه فعادي تحجيلي فكولي الي بسرعه

ملاك :- هههههه لمن ترجعين تزوجين عود اكولج

منى :- شوف شوف الحياله متقبل تكول النا شنو سوه الها كولي ولج

ملاك :- ماا اكول هههههه

كمت واني اركص وي البنات عايفيني ب النص وهنه حوليه يركصن والفرح مالي كلبي

مر الوقت خلصت الحفلة الكل راح وفرغ البيت دانيا باتت يمنا بس كلامي
وياها كان قليل بس سلام أما أمي نوعا ما بعدها ما قابله بس ما تكدر تحجي او تكول شي

صعدت فوك الغرفتي بدلت واخذت حمام صارت الساعه ب 11 دك عليه نيار

نيار :- شلونج مرتي

ملاك :- ههههههه شلونك زوجي

نيار :- يابه مبروك اني عليج

ملاك :- لا والله عيني ليش مو اني المبروك عليك ‎ليــش انت

نيار :- ههههه ولا يهمج مبروك علينا سوه لأن صرت الج وصرتي الي

ملاك :- تدري بعدني الحد الان ما مصدكه ولا مستوعبه  الي صار ويانا وحتى إذا احجي الأحد ما يصدك اي شي من الي راح ‎أحــچي !!

نيار :- اذا اني صاحب الشان وبعدني مصدوم لأن وكعت بحبج لعد شلون على الباقي حقهم ما يصدكون

ملاك :- عود يعني هسه انت من ‎بـ؏ــد كل الي سويته بيه مصدوم ؟

نيار :- وغلات امي تدرين من أتذكر الي سويته اضل صافن معقوله اني هيج سويت مصدوم كلش من نفسي لأن هيجي سويت وهسه من أتذكر سنه ونص اني أتصرف ب طيش انصدم ما اعرف اضحك لو شنو يعني شلون سويت كل هذني السوالف ؟! بس ها جانت عندي مواقف تنطلع بيها