لانها اختي

لانها اختي بارات الأول

المكان المدرسه

كاعده ب الصف وطالعه روحي عدنا انكليزي والمدرسه زفت
بس تحجي بدون فهم أو علم ما فهمنا ولا شي  من عدها حاطه أيدي على خدي

وصافنه عليها  شلون تحجي حتى نطقها غلط ومسويه نفسها علينا بس هي وبس واني مثل الثوله كدامها 

حرام والله اذا مفتهمه شي من الي دا تحجي هي وبس تكول افتهمتو انهز براسنا مثل البهايم اييي افتهمنا ست واحنا حتى اذا كالت book ما نعرف شتكول من ورى نطقها

اندك الباب مال الصف طالبه اعرفها من الادبي شبعه ب هل شعبه مكروهه ف دوم عدهم شواغر لان محد يحب يدرس بيها

.... ست المديره تريد الطالبة ملاك ...

اني كالت اسمي واني بسرعه نطيت حجيت اريد بس اطلع

ملاك :- ست تسمحيلي اروح

... روحي

طلعت من صف وكانو منطيني افراج من السجن أشتم ب الهوة ب قوه يا فرحتي ب هل طلعه واني مخلصه من هبواي (اسم مدرسه اللغه الانكليزيه ) توجهت ال غرفه المديره

وما مهتمه ع شنو طلبتني لان اكيد مثل العاده شي نقص ب الملف مالي بس عادي المهم انطوني افراج

وحتلو اكو غلط او شي ما يريدوني ما ارجع للصف و ابقه افتر ب ساحه الحد ما يخلص الدرس

إلا أصعد ليش هوه يا مخبل يرجع الهل درس اللعبان واني بعد مااكدر اتحمل ابقه بعد ب درسها

دخلت لغرفه المديره كان مكتبها مقابيل الباب والتخم الي يكعد بي زائر

كان على جهه الي بيها الباب بحيث ما أشوف اذا موجود أحد أو لا دخلت المديره

ملاك :- ست طلبتيني

نيار :- ملاك

درت وجهي شفت نيار ابن خالي ورايه  صفنت ب وجهه وبهت لوني شنو شصاير هذا شعنده هنا وليش جايلي

هنا شنو صاير شي ؟اهلي بيهم شي ؟!

ملاك :- نيار شصاير اكو شي بابا بي شي ؟!!

المديره :- ملاك شنو يصير منج هذا ولد

ملاك :- يصير ابن خالي ست

باوعت على نيار والمطبقات الي ب دوام اكلنه اكل ب عيونهن

وصارن كل ساع وحده تجي  تسئل المديره فد اسئله تافهه بس حتى ينتبه الهن ويلفتن انتباهه

كان هوه لابس بنطرون كابوي اسود وي تي شيرت اسود والردان بيها خط ابيض ضاب على زند ايده ومخصرها

بارزة عضلاته وي ساعه فضيه وي محبس فضي والشذره مالته سود ومناظره سوده ب ايده كان يلفت النظر

وي بشرته ملحيه من الشمس وشواربه سود مكان عنده لحيه لان شغله هيج يطلب

ركزت على أدق تفاصيله هذا طبعي أركز على كلشي حتى اصغر الأشياء
بس ب الدراسه ماكو ما اركز ولا ثانيه ‎لــوو يسئلوني اصفن ب الوجوه احاول الكالي واحد ينطيني اجابه غش 🤦🏻‍♀️