لانها اختي

لانها اختي بارات الثالث

گون اتشوف
جبت كلشي اليسولف بيگ
خيالي وصحوتي وطيوف
جبت دكات كلبي الكطعن
كلبي بجفاك اسيووووف
جبت صفنات روحي
السودنت روحي مثل
جن بمسيه اعله يتيمه يحوف
گون اتشوف
بشفافي الحزن ماخله بسمه
تعيش كو ن اتشوف
دموع الجدم مايدري وين يروح
والخطوات عميه وتايه بلا شوف
خلصت الوجوه وشفت كل الناس
كلها وجوه غربه ولاوجه معروف
وين الگاك يلموصوف
اليه انت وانه الك موصوف
يلفركاك غربه وكلشي مامالوف
انه بلياك مدري شبيه مابيه
زلف وبلايه ترجيه
درب ومابيه كل جيه
نهر فاض وتبع ميه
رجع بس مالكه اجروف
كون اتشووووووف
روحي شخله بيها الخوف
مطلوبه نذر وتخاف
ماتوصل حضرتگ
من بعــــيد طوف

لـ جبار رشيد

...........

لأنها اختي
بارات الثالث
الكاتبه فاطمه حمود ( بنت بغداد)

نيار :- حجيه شبيج انفتحتي مو عيب عدنا بزازين بعدهن صغار ما مفتحات

أم نبيل :- يمه يمه يل عياره مالتكم هل جيل لا تخاف تعلمك وتعلم المرحوم شلون تن****

اني كالت هيج والكل ضل يباوع عليه متت ب دمي بسرعه عفتهم ومشيت رحت للغرفه مال امي كانت دانيا هستوها كاعده من النوم واني ميته خجل من الصار

دانيا :- ولج شبيج وجهج احمر صاير على ازرك

ملاك :- ما شفتي بيبي شكالت يم الولد خلتني اطب ب هدومي

دانيا :- عزا بس لا جفصت يمهم مثل كل مره ؟

ملاك :- ولج حجت وي نيار وحسن علمود يزوجون وهمه حاولو يسدون السالفه ويغلسون عليها بس هي بدت ب حجيها هذا اليفشل  كالو الها عيب عدنا بزونه صغيره بعدها ما مفتحه قصدهم عود عليه اشو هي كالت الهم هاي بزونه تعلمكم شلون تنامون وي زوجاتكم اذا تريدون  خاف انتو مدبروها ولج متت ب دمي شلون هيج حجت انوب تقصدني شايفه عليه !!!

دانيا :- عزززا ههههههه يمه سوالفها تخبل اموت عليها هي مو عن قصد ف ‎لــأ تشيليها على نفسج

ملاك :- تخبل مو اي طبعا حقج مو انتي الي تفشلتي وكلها ضلت تباوع عليج وانتي مثل ال ثوله واكفه وهي مسويتج كانج كح**

دانيا :- لج السانج هاي

ملاك :- اوي شبيج قابل جذبت

دانيا :-يلا عمي تكبرين وتنسين هههههه هل فشله الي تسوه عمرج

ملاك :- أي حقج مو انتي الي تفشلتي كدامهم طبعا اضحكي شعليج

دانيا :- اني لو منج آطم نفسي على هل سالفه ههههههههههه او اكلج روحي علميهم

غميتها ب عصبيه وعفتها وطلعت رحت صعدت الغرفتي شفت منى دا ادك رديت عليها وبقينا نسولف نسيت شويه الي صار