منى تكول :-
رد اكلك اني احبك استحي اشلون اني اكول
اني طبعي مو جرئ بارد وكلش خجوول
خاف اكلك اني احبك وتكلي انت عجوول
خاف اضمهه وتبقى حسره وحسرة كليبي تطول
وهسه بعد العشره كلهه انت تسمحلي اكول
اني احبك والله احبك ومنك اترجه القبول
وهسه بس محتاج ردك هيه مو هيج الاصول
........
بعد مرور أسبوعين ...
كاعده بغرفه امي منكعه رجلي ب مي بي ياس ورد احمر وأيدي على القرآن مفتوح على سوره الفتح وبين أصابع أيدي حاطين هيل
وعلى راسي وشاح ابيض كنت لابسه فستان ابيض مال عقد
نيار كاعد ب صفي وشيخ اكبالي دا يقرأ ايات مال عقد
الشيخ :- بنتي هل تقبلين الزواج من نيار ب مهر مقدمه ***** وموخره*****
ملاك :- نعم قبلت
رجع شيخ يقرأ الآيات ورجع سالني وافقت تم العقد طلع شيخ وي خالي كام نيار وهوه يرتب قاطه رفعت رجلي من المي عفتها على منشفه بيضه مزغرفه بعدها لبست كعبي كمت وكفت مقابيله وهوه يراقب كل تحركاتي
رفع الوشاح من راسي وباسني بين عيوني ورجع باسني ب خدي دكات كلبي عاليه اشهد انُ سمعها الابتسامه مالتي مرسومه ب هدوء على خدي ممزوجه ب خجل اجا خالي تقدم نحوي وباس راسي
ابو نيار :- انت بنتي قبل كل شي وهسه صرتي اعز مبروك عليج خالي طلع محفظته وعاف ورقتين بياض على الميز وربد على ظهر نيار ترخصو وطلعو
اجتي الي منى بسرعه وهي لابسه فستان محجبات لون بيجي طالعه اميره بي
ملاك :- منى فستاني ب الكنتور طلعي
ركضت طلعته الي لبست الفستان وطلعت كعدت على الكوشة بدت اجواء الحفلة الكل موجودين ودا يشاركوني فرحتي
منى واكفه بالجهه اليمنى ومريم واكفه بالجهه اليسرى ودي جي عالي والكل دا يركص وفرحان مر الوقت بسيط صاحو راح يدخل العريس الكل لبسو
دخل نيار ب هيبته اسر عيوني ب غرام شكله كان لابس قاط رسمي لون كحلي مرتب علي والعطر الفواح الي وصلني قبل لا يجيلي
عيونه مركزه عليه اسرتني ب نظراته تقدم وكعد يمي لحضات ما اعرف اوصف شعورها احس كل الي دا اعيشه خيال مو حقيقه
أحس نفسي بحلم حراره خجل مسيطره عليه واني اشوف نظراته الما فاركتني دكات كلبي العاليه
احس من كثر قوه دكتهن الكل سمع رجفه ايدي البسيطه قشعريره الي احتلت جسمي من تقرب الي ولامس خشونه طرف خدي وهو يهمس ب أذني
نيار :-بحياتي كلها ما توقعت انُ يمكن يجي يوم و اوكع بحبج واخليج تصيرين حلالي
ابسمت اله وكانت عيوني كفيله ب الرد على كلامه رجع همس الي
YOU ARE READING
لانها اختي
General Fictionقاعده ضباطنا " الي يرشنا ب مي نرشا ب دم " هل هاي القاعده صالحه للحب ؟؟؟ (حقيقيه) بقلمي الكاتبه بنت بغداد "فاطمه حمود "
