بين حياتين

الفصل الخامس عشر

الفصل الخامس عشر
ذهبت نرمين و سما إلى حسام في المستشفى....
حسام بحده : مش انا قولت سافروا القاهرة....
نرمين : قولت اجي اطمن عليك و بعدين هنمشي علي طول
حسام : طيب
سما : و انت هتيجي امتى؟
حسام : مش دلوقتي اخلص اللي ورايا و هاجي...
نرمين : هو انت مش هتبلغ
حسام : لا و اتفضلوا أمشوا بقا...
                  ***********
🖋️💜بقلم اسماء صلاح
استيقظت نادين و لم تجد أدهم في الغرفه...
قامت من الفراش و اتجه إلى المرحاض لتغسل وجهها...
و بعد ذلك خرجت من الغرفه...كانت تبحث عنه...
أدهم : تعالي يا نادين انا هنا....
دلفت نادين إلى المطبخ.. و قالت انت صحيت امتي...
أدهم : شويه كدا
نادين : امممم... هو انت عايش لوحدك ليه؟
أدهم : عادي هناك بابا و مراته و انا بحب القعده هنا اكتر....
نادين : طب و مامتك فين؟
أدهم : معرفش عنها حاجه...
نادين : اسفه...
أدهم : على أيه
نادين : عشان سألت
أدهم : عادي، هتشربي شاي و لا قهوه...
نادين : مش عاوزه
أدهم : انتي بتحبي القهوه...
نادين بابتسامه : اهاا بحبها اووووي..
أدهم : و انا بحبك اوي خفق قلبها بشده و قالت طب اعمل القهوه...أبتسم أدهم و قال والله انا نفسي اسمعها منك...
نادين : هنعمل ايه
أدهم : في ايه؟
نادين : في حسام و اللي بيهدد ساره
أدهم : مش عارف بس اكيد هو هيظهر
نادين : هو انت ليك علاقه بعيله الألفي
أدهم : القهوه....
نادين : يبقى ليك....
أدهم : هقولك بعدين....
نادين : انا هروح الفندق.....
أدهم : طيب يا حبيبتي....
نادين :  حبيبتك...
أدهم : انتي لسه عارفه
نادين : والله يا أدهم شكلك هتطلع حكاية في الاخر
ادهم : هو انتي تفتكري مين يكون لي مصلحه في انه يهدد ساره
نادين : مش عارفه بس شكل حد يعرفنا كويس و الموضوع مش هيبقى ساره بس
أدهم : و انتي خايفه؟
نادين : بصراحه لا اصل أقسى حاجه يعني اني هتقتل..
أدهم بضيق : اسكتي
نادين : حاضر... المهم بقا حسام فعلا مش هيتكلم زي ما انت قولت بس اكيد اضايق منك و طبعا هو مش هيقول حاجه لهادي...
أدهم : ايوه...أنا عاوز اشوف آخره ايه؟
نادين : و فؤاد ايه اخباره
أدهم : في السجن اهو
نادين : انا همشي....
أدهم : ماشي و لو في حاجه جديده حصلت كلميني
                ********
💜🖋️بقلم اسماء صلاح
وصلت نادين إلى الفندق.... و دلفت إلى مكتبها...
و بعد ذلك دخلت إليها مني و التي كان يبدو عليها التعب و الإرهاق الشديدة وقالت انتي بتروحي فين يا نادين
نادين : قولت اقعد في فندق برا عشان كفايه حسام يعملي حاجه....
مني : اهااااا طيب يا حبيبتي...
نادين : معلش تعباكي معايا...
قامت مني من المقعد و لكنها شعرت بدوخة و جلست مره أخرى....
نادين : مالك يا منى في حاجه؟
مني : لا يا حبيبتي حسيت اني دايخه شويه
نادين : طب ما تروحي لدكتور
مني : بعد الشغل... انا هخرج دلوقتي....
                ***********
🖋️💜بقلم اسماء صلاح
في المكتب الخاص بوليد...طرق أدهم الباب و دخل
-انت منمتش من امبارح و لا إيه
وليد :بفكر في القضية دي؟!
أدهم : وصلت لحاجه
وليد : لا طبعا دا هتجنن و اعرف مين اللي بعت الرسالة لي ساره
أدهم : قولت حاجه لشريف باشا
وليد : لا طبعا انت عارف ابوك و بعدين ممكن يبعدنا عن القضية
أدهم : طب و موضوع ام نادين زياد عمل في ايه
وليد : الست ملهاش إثر خالص يعني اكيد ماتت
أدهم :المشكله ان حتى مفيش جثه لها
وليد : و حتى لو في زمانها اتحللت
أدهم : برضو عاوز اوصل لايه حاجه عنها
وليد : تمام ماشي
أدهم : طب روح ارتاح و لو في حاجه هكلمك
وليد : شريف باشا عمل اجتماع كان ساعتين و مش عاوزين نتهزق...
أدهم : ماشي....هو زياد جي ولا
وليد : تلاقي في مكتبه
ادهم: امممم ماشي
وليد : كلمت سما
أدهم : اممم نزلت القاهرة
وليد :  وعملت ايه مع نادين
أدهم : ولا حاجه
وليد: امممم و لا حاجه
أدهم بحده  : اظبط يا وليد
                *************
💜🖋️بقلم اسماء صلاح
في غرفه الاجتماعات ....
دخل أدهم و وليد و زياد ينتظروا شريف....
دلف شريف إلى الداخل و قال أخبار القضية ايه؟
وليد : مفيش حاجه جديده يا باشا...
شريف : و نادين
أدهم : نادين ملهاش علاقه بحاجه
عقد شريف احدي حاجبيها و قال و انت عرفت ازاي يا حضره الظابط
أدهم : مفيش دليل
شريف : زياد خلي عينك على نادين و حطها تحت المراقبة مفهوم...نظر أدهم و وليد إلى بعضهم و قال وليد.. يا باشا هي ملهاش علاقه بحاجه
شريف : تقدروا تفسروا ليا ثقتكم بنادين مبنيه على ايه...
ادهم : ساعدتنا اننا نقبض على فؤاد
شريف :  و ليه متقولش أنها كانت عاوزه تخلص منه؟
أدهم : اممممم
شريف : اتفضل انت يا زياد و أيه جديده هتحصل قولي
زياد: حاضر يا افندم بعد اذنك.. و قام زياد و غادر
شريف : ايه يا أدهم  علاقتك بيها؟
أدهم بتوتر : علاقتي بيها ازاي
شريف : ما تقول يا وليد و لا انتم مقسمينها بينكم
أدهم بضيق : لوسمحت يا بابا
شريف : انا اديكم القضية دي عشان افتكرتكم رجاله.... لكن للأسف واحد استغل شغله  لتقضي أغراض خاصه و اظن انك فاهم و التاني بيساعده
وليد بحرج : يا عمي....
شريف : انتم طبعا عارفين اني ممكن احولكم للتحقيق...
أدهم : احنا معملناش حاجه غلط
شريف : بجد؟ و وجود نادين في شقتك دا ايه؟
أدهم : حياتي الخاصة...
شريف بغضب : حياتك الخاصة دي تكون بعيده من الشغل... و حسابي معاكوا بعدين و انت يا وليد بدل ما تعقل صاحبك تمشي على عومه
أدهم : بعد اذنك...
شريف : عايز القضية دي تتقفل و قدامكم أسبوع أو اتنين بكتير غير كدا القضية هتتسلم لظباط غيركم.....
خرج أدهم و وليد من المكتب بدل وصله التهزيق التي نالوها....
وليد : اتمسح بكرامتنا الأرض
أدهم : امممم و بقول اسبوعين
وليد : ونبي لو مكنتش ابنه كان عمل فينا ايه؟ .. مش ناقص غير يخلينا نمسح حمامات السجن
أدهم : اها والله المشكله بابا عرف علاقتي بنادين ازاي؟
وليد : اها صحيح هو مقالش مين قاله و مش معقول  يكون بيراقبك....
أدهم : فعلا اكيد حد قاله....
وليد : احنا لازم نوصل لحاجه قبل لما يعرف حوار التهديد دا...
                     *******
🖋️💜بقلم اسماء صلاح
ظلت نادين جالسه في المكتب تفكر بمن له المصلحة في تهديد ساره..؟طرق باب المكتب و دخل حسام....
نادين : مين؟
-حسام
نادين : اتفضل برا
حسام : مش لما نتكلم الأول
نادين :مفيش كلام بينا يا حسام
حسام : الظابط بتاعك بيهددني و انا مش هسيبه تمام...
نادين : والله دي مشاكلك انت انا مليش دعوه بها
حسام : انتي كدا اللي قررت تقفي قدامي
نادين : حسام متعملش فيها طيب و نبي عشان انا عارفك كويس اووووي...
حسام : هو احسن مني في ايه؟
نادين : ونبي بلاش جنان انت عارف كويس اني كنت مرات ابوك يعني منفعلكش
حسام : متزعليش من اللي هعمله
نادين : احب اشوف..
                   ************
💜🖋️بقلم اسماء صلاح
كانت مني تشعر بالتعب و الإرهاق و لا تسطيع أن تركز في العمل....
                     *********
خرجت نادين من مكتبها و ذهبت إلى مني.....
نادين : مني....
رفعت مني رأسها.. ايه يا نادين
نادين : انا خبطت بس انتي مردتيش
مني : عادي يا حبيبتي في حاجه و لا إيه
نادين : جيت اطمن عليكي
مني : امممم ماشي يا حبيبتي... هتخليكي هنا في الفندق و لا هتمشي
نادين : مش عارفه و الله بس انا خايفه...فجأه قامت مني و خرجت من المكتب و ركضت ف اتجاه المرحاض لتفرغ ما في معدتها....
نادين : مني.. مني....
طبعا نادين رأت ما حدث و طبعا تظاهرت بعد الرؤية و ظلت جالسه في المكتب تنتظرها....دلفت مني إلى المكتب مره أخرى...
مني : معلش يا حبيبتي...بس كنت تعبانة
نادين:  طب انتي حاسه بحاجه؟
مني : تقربيا برد في معدتي
نادين : امممم برد
مني : انا هطلع عشان ارتاح شويه
نادين : اممم ماشي.... طب ما تروحي لدكتور  احسن
مني : لا مش مستأهله أنا هاخد ايه حاجه لبرد و هبقي كويسه....
نادين : ماشي يا حبيبتي طمنيني عليكي....
خرجت نادين من المكتب...
- مش معقول تكون مني حامل.... مستحيل....
خرجت نادين من الفندق و أوقفت تاكسي و بعد ذلك وقف التاكسي.... و قال اهو العنوان يا مدام...أعطيته له الأجرة و ترجلت من التاكسي....
دلفت نادين إلى العمارة و طلبت المصعد....خرجت و طرقت الباب...فتح أدهم الباب و استغرب من وجود نادين
نادين : متسغربش اوووي كدا و كلم وليد
أدهم : حاضر....
جلست نادين علي الاريكه....و اتصل أدهم بوليد و بعد كدا قال هيجي اهو، في حاجه حصلت ولا ايه؟
نادين : لما وليد يجي
أدهم : امممم، المهم انتي كويسه
نادين : اهااا كويسه رن جرس الباب و قام أدهم ليفتح....
وليد : خير يا جدعان....
نادين : اقعد بس
وليد : قعدت
نادين : مني وافقت انها تشغلكم ازاي.....
نظر أدهم و وليد إلى بعضهم بتعجب  و قال وليد لما قدمنا الورق
نادين : قدمتوا الورق ازاي؟
أدهم : انا طلبت من بابا يحجز اوضه فالفندق عشان انا كنت عامل حسابي اني اركب كاميرات ف اوضتك و اوضه حسام و بعد كدا انا عرفت انكم طالبين ناس تشتغل وكدا فوليد كلم مني و قدم الورق و كدا.... و طبعا اشتغلنا في نفس اليوم
نادين : طب انا عاوزه اقول حاجه بقا...  الفندق بتاعنا على حسب قوانين الإدارة اننا مش بنشغل ايه حد غير بعد شهر و بيكون حوار عشان دا فندق كبير... ازاي انتم في نفس اليوم و حتى مني مجبتش سيره حاجه من دي ليا... و كمان أدهم باشا  تقريبا نسي يقلع الساعه اللي كان لابسها واللي كانت ماركة و كمان معروفه و مني  معلقتش ازاي  و دا اللي خليني أشك فيه و بعد لما شوفت وليد... شكيت اكتر.... اتنين طول بعرض.. جسم رياضي و اظن ان واحد على قده مش هيبقى فاضي يعمل فورمه و يبقى بالشياكة  دي و طبعا من شغلي كابتن في النادي اقدر اعرف ان اللي قدامي دا لعب اني نوع من الرياضة و طبعا واضح العاب قوي و تدرب قوي و فتره طويله زي ما بيحصل في كليات الشرطة و جايين يشتغلوا في الفندق روم سيرفز ازاي؟
وليد : قصدك ايه؟
-قصدي أن ازاي مني مشكيتش في حاجه زي كدا؟
أدهم : اممممم فعلا ازاي؟؟؟
نادين : و طبعا انتم كان عينكم عليا انا مش على مني
وليد : مني هتعمل كدا ليه؟
نادين : دا السؤال؟؟...
أدهم : امممم كملي
نادين : و انا شاكه أن مني حامل
وليد بدهشه ازاي يعني؟
نادين : دي أعراض حمل مش برد ممكن يكون معنديش دليل لسه بس انا متأكدة انه حمل
أدهم: ازاي يعني هي مني على علاقه بحد؟
نادين : معرفش  حاجه بس مني وراها مصيبه
وليد : طب هنعمل إيه؟
نادين : ولا حاجه هنستني لحد ما اتأكد هي حامل ولا
أدهم : وانتي هتعرفي ازاي
نادين : هتصرف المهم انا عاوز حد يراقب مني...
ادهم : تمام...
وليد : تعالى انتي امسكي القضية مكاني...
نادين :  مش لدرجه
أدهم : طب مني ايه هدفها من كدا؟
نادين : الله اعلم بس اكيد ليها هدف...
وليد : امممممم... يعني كدا في مجهولين واحد بيهدد ساره و حد ورا مني
نادين : و ممكن الاتنين واحد
أدهم : انا معملتش حسابي على ايه حاجه من دي
نادين : عشان انت يا أدهم كان هدفك عيله الألفي مش القضية
أدهم : اممممم
نادين : انا مش عاوزه أعرف حاجه بس القضية دي فيها خفايا كتير
أدهم : اممممم كتير اوووي
وليد : طب انا همشي و هبلغ زياد... يظبط مراقبه مني دا....
أدهم : تمام ماشي...... غادر وليد و تركهم...
نادين : خلي بالك يا أدهم... لأن واضح ان اللي بيعمل كدا قصدك انت....
أدهم : امممم نادين أنتي عاوزه تساعديني ليه؟
نادين : عادي بس انا كدا كدا ادبست معاكم...
أدهم : ونبي
نادين : اممممم...
أدهم : عايزة تعرفي؟
نادين : لا مش دلوقتي..
أدهم : طب هتعملي ايه مع مني؟
نادين : هتصرف و أكيد هلاقي حاجه... و لو معرفتش اوصل لحاجه هتصرف بقا بطريقه تانيه؟
أدهم : زي؟
نادين : اول حاجه انا هدور في اوضتها ممكن الاقي حاجه و هي فعلا لو حامل اكيد هتحتاج تاخد فتره راحه أو ادويه في حاجات من دي او هتعمل إجهاض و برضو الإجهاض بيحتاج راحه بعد العملية دا لو محصلش مضاعفات لي و كمان لو اترقبت دا هيسهل حاجه كتير...منها اننا هنعرف هي بتروح فين و بتيجي منين بس الغريب أن مني مش بتمشي من الفندق اصلا غير نادرا اوووووي
أدهم : قصدك ايه؟
نادين : يعني حد من الفندق
أدهم : حسام مثلا او هادي
نادين : لا حسام مش بيخلف اصلا و هادي الله أعلم بس برضو مش هو....
أدهم : و انتي عرفتي ازاي أن حسام مش بيخلف؟
تنهدت نادين و قالت باستفزاز مش هقولك....
أدهم بضيق  و بدأت نيران الغيرة تشتعل بداخله و قال بصوته العالي انجزي يا نادين
نادين :  ممكن متزعقش
أدهم : حاضر....
نادين : انا جراحه تمام.... و ساره دكتوره نسا تمام
أدهم : اممممم
نادين : نرمين راحت لساره و كدا عشان تأخر الحمل و كدا و بعد الكشف و الفحوصات ساره قالتلها أن العيب من جوزها و كدا....
أدهم : امممممم ماشي
نادين : على فكره غيرتك دي انا مبحبهاش
أدهم : انا مجنون
نادين : اممم واضح الصراحه....، بس دا شك مش غيره بس
أدهم : انا هقوم اتصل بوليد......أمسكت نادين يده وقالت انا مش هخونكنظر لها أدهم.. و قال عارف
نادين : لا مش عارف، انت مش واثق فيا و انا متأكدة من دا
أدهم : بتقولي كدا ليه؟
نادين : تصرفاتك هي  اللي بتقول كل حاجه
أدهم : في شغلي مينفعش أثق في حد ثقه كامله
نادين : عارفه
أدهم : هو ينفع انتي تبعدي عن الموضوع دا
نادين : لا مش هينفع عشان انا لازم اكون موجوده..، و بعدين متقلقش مفيش حاجه هتحصلي
أدهم : انا مش هسمح لايه حاجه تحصلك اصلا...
               ************
🖋️💜بقلم اسماء صلاح
كانت ساره تجلس في الصالة...
انتي مش نازله شغلك و لا إيه قالتها فتحيه من المطبخ
ساره : لا يا ست الكل واخده اجازه
خرجت فتحيه من المطبخ و قالت مش مرتاحلك
ساره : مفيش حاجه يا ماما
فتحيه : مش ناويه تفرحني و توافقي على ابن خالتك
ساره : ونبي يا ماما بلاش تفتحي الموضوع دا انتي عارفه اني مش بفكر في الجواز
فتحيه : يا بنتي محمد مات خلاص... و انا عاوزه افرح بيكي
ساره : بعدين يا ماما بعدين....
              ***********
ازحت مني السجادة الموضوع علي الارض لتظهر تلك الفتحة الخشبية و نزلت على السلم السفلي و كان يادي إلى حجرة بالأسفل
مني :.........
💜🖋️بقلم اسماء صلاح