رعد ١&٢(مكتمله)

وعد

#رعد2

بارت13

👑سبحان الله وبحمده .. سبحان الله العظيم 👑

(( مهما عظم كبرياء القلب لابد ان ينحني لمن احبه بصدق) )

وعد فاقت بليل وبتبص حوليها لقت نفسها في اوضه غرييه

شدت المحلول من ايديها و قامت من ع السرير بتعب ودوخه بتتسند علي اي حاجه عشان تخرج بره. .

فتحت الباب واتفاجات برعد قاعد قدام باب الاوضه ..
سميره وشريف كانو رجعو البيت عشان تعبو من القاعده

رعد قام وقف ومش عارف يقرب وله يبعد . هتعمل زي كل مره اما بتشوفه وله هتهدا.

وعد وقفه بصله وبتبكي. .. رعد بصلها بالم وبيقرب منها بخطوات حاذره وببطء عشان يشوف رد فعلها.

عينيهم متعلقه ببعض ... وصل عندها ووقف قريب منها وهو قلقان منها

عايز يتكلم بس الكلام هربان منه مش عارف يجمع كلمه

..هي نفسها تتاسفله او تقوله انها تعبت من كل حاجه.
حاسه بضياع جواها . حاسه بوجع

رعد رفع ايده ولمس خدها برقه مسح دموعها اللي نازله. وعينهم لسه متعلقه ببعض.

هي مسكت ايده وباستها ... ضمها ليه بحب واشتياق ودخلها الاوضه وقفل الباب والاتنين حاضنين بعض .

رعد وهو مغمض عينه : اسف علي كل حاجه.

وعد بدموع وهي متعلقه في رقابته : انا اللي اسفه علي كل حاجه. اتهمتك

رعد : كان مفروض احكيلك بس كنت متلغبط.

وعد غمضت عينيها بالم ووجع. ورعد فرحان انها فاقت وسمحتله انه يقرب منها

رعد : كنت هموت من القلق عليكي
وعد : بعد الشر عنك

رعد شالها و قعدها علي السرير وهو قعد جنبها. ماسكين ايد بعض وعينهم متعلقه ببعض

رعد : عامله ايه .
وعد بحزن : تعبانه.

رعد اتنهد : الف سلامه عليكي. قوليلي اعمل ايه يريحك وانا هعمله

وعد سكتت هي نفسها مش عارفه حاسه بضياع فقده القدره والرغبه في اي شئ

رعد : وعد

وعد : حاسه بخنقه يا رعد . قلبي وجعني
رعد : سلامه قلبك. إن شاء الله انا. وانتي لا

وعد ابتسمت بدموع: بعد الشر عنك حبيبي.

رعد : لو انا حبيبك . هتفوقي لنفسك وترجعيلي .

وعد : مش قادره ..ومش عارفه مالي حاسه اني تعبانه نفسيا وجسديا

رعد بصلها : اي حاجه عايزه تعمليها قوليلي وانا هعملهالك.

وعد اتنهدت ... رعد حاسس انه فعلا آذها و كلام ابوه صح هو السبب في كل ده تحكمه فيها وسيطرته عليها. خلاها مهزوزه شخصيتها اتلغت بقت ضعيفه واي حاجه بسيطه تآثر فيها .