رعد ١&٢(مكتمله)

البدايه

#رعد

بارت١

👑 سبحان الله وبحمده... سبحان الله العظيم 👑

صوت خبط في الشقه اللي قدمنا في العماره . ..
خرجت وعد وبصت من الشباك كانت العربيه بتنقل فرش تقريبا الشقه اللي فاضيه هتسكن بجيران ..

بعد يومين استغربت ان مفيش اي صوت خالص بيطلع من الشقه .

بتعدي الايام و مره كنت خارجه شفت واحد طويل لابس نضاره شمس. اللي شدني ليه ريحه البرفيوم بتاعته اول اما فتح باب شقته الريحه بتشد رفعت راسي اشوف مين ده. بس كان لابس نضاره ملامحه رجوليه ركبت الاسنسير وركب معايا. وطول الوقت قلبي بيدق او حاجه بتشد فيه. تحس كده انه غامض. لابس قميص كحلي ومشمر الكم عروقه ايده بارزه ولابس بنطلون رمادي وجزمه كلاسيك بني والساعه كانت تجنن. سكوته شدني فتجرات لاول مره وسالته

وعد : احم. انت الساكن الجديد

مردش عليا . عدت السؤال تاني وعليت صوتي بس بردو اكني شفافه . هوا . استفزازني وخلاني شتمت في سري. وقررت اني مش هساله علي حاجه تاني او اكلمه. قليل الذوق المتكبر. ركبت تاكسي

وروحت علي شغلي ... وهو ركب عربيه. تقريبا عربيته. .

👈انا وعد سالم عندي ٢٨سنه يتيمه الام والاب عندي اخين. سيف و طارق وهما اكبر مني طارق عنده ٣٤سنه متجوز وعنده سلا ..
وسيف خاطب وعنده٣٠سنه .... انا بشتغل محاسبه في بنك . .. روحت البنك وابتديت الشغل الجديد . بس تفكيري مش عارفه ليه راح في جاري الغامض. استفزني. اما مش وحشه عشان يتجاهلني كده . انا قموره .

رجعت البيت بعد اما خلصت الشغل. وكانت عربيته مركونه. هو ضيقني فاما قررت انيم فردت كوتش من العربيه عشان بعد كده يحترم نفسه واما بنت تكلمه يرد عليها عديم الذوق. المتعجرف. ..

فعلا نيمت له فرده كوتش .. وطلعت شقتي .. كان هو نازل تاني. بس المره دي مش لابس النضاره. عينه جميله. غير لبسه كمان لابس تيشرت اسود وبنطلون جينز وشوز برقبه عاليه لونها هفان والساعه نفس لون الشوز والبرفيوم كالعاده يجنن. . بصتله بانتصار اما افتكرت انا عملت ايه في العربيه. انا مش طفله وله عمر كنت بتصرف بتهور واستهتار. بس الانسان ده مستفزني. ..

دخلت الشقه وانا بضحك وبتخيل شكله اما يشوف الكوتش .. . طارق كان موجود ومراته سهر وبنته سما

طارق. : ربنا يشفيكي
سهر: ما تسيبها تضحك براحتها
طارق: انتي يا مجنونه بتضحكي علي ايه

وعد دخلت سلمت عليهم.: اصل واحده صحبتي ضيقتني وانا نيمتلها كوتش العربيه

سهر ضحكت : احسن هي اللي جبته لنفسها

طارق،: وده من امتي مش طبعك تعملي كده
وعد : ضيقتني يا طارق. اسبها

سهر: لا اديها
وعد : بس اهي قالتلك
طارق : ربنا يهديكم. .
سلا صحيت وكانت بتعيط دخلت وعد ليها وشالتها