رعد ١&٢(مكتمله)

حبك لعنه

#رعد2

بارت11

مواجهه

👑اللهم صلي وسلم وبارك علي سيدنا محمد 👑

يقول ارسطو : ان الحب لعنه 💔
بينما يقول سقراط: ان الحب جحيم
👈 شكسبير : الحب جنون
~~~~~~~~~~~~~~~~~~~~~~~

وعد الضحكه رجعت لوشها تاني مع رجوع رعد ليها.

رعد كان حاسس انه رجع يتنفس تاني بوجود وعد جنبه هو بيحبها بجنون.

حلق دقنه واليوم ده كان مع وعد مسبهاش.

وعد نسيت المهدأ اللي كانت بتاخده في اليوم ده .

تاني يوم لبس عشان ينزل الشغل لان الاسبوع اللي فات مرحش القسم خالص. ومازن صاحبه كان بيغطي غيابه

وعد حضنته : خليك معايا

رعد : نفسي والله . بس هخلص القضيه اللي معايا عشان نسافر مع بعض

وعد : بجد
رعد : بجد. اهم حاجه عندي اشوفك مبسوطه

وعد : ربنا يخليك ليا يا رعد قلبي
رعد ضمها وباس راسها : ويخليكي ليا يا وعدي.

نزل بعد اما ودعها .. .. ...

.......................... ...................... ............

راح علي شغله و طول اليوم كان بيطمن علي وعد من وقت لتاني ... اخر اليوم جاله اتصال من رنا . هي مبتطلتش اتصالات بيه. بس فعلا لازم ينهي الموضوع ويشوف مين اللي بعتها ليه . مين عايز يخرب حياته. ..

نزل وركب عربيته وانطلق للفندق. خبط علبها وهي فتحتله . اول اما شافته ضحكت وحضنته اوي

رعد دخل ببرود وقعد .
.......................... ...........ً.....

في الوقت ده كان سيف مع سمر مراته في الفندق في فرح واحد صحابه وشاف رعد وهو داخل .

سيف سال الاستعلامات عن رعد الراضي. وقاله انه حجز غرفه هنا مع واحده قاعده فوق.

سيف اتصدم. رعد بيخون وعد

سمر عيطت : حرام عليه. ليه يعمل كده فيها

سيف: وعد لازم تعرف باللي بيعمله. مش هو يكون حبسها وهو بيعمل اللي هو عايزه.

سمر: دي مصيبه يا سيف . وعد هتتدمر

سيف: تتدمر ماهو مدمرها . ممكن تفوق لنفسها وتبطل تحبه وتسمع ملامه لانه ميستهلش حبها

سيف خد سمر مراته ووصلها البيت وبعدين راح لوعد .

..............................................

رنا : مالك متغير ليه .
رعد : قوليلي بقي مين اللي بعتك

رنا اتوترت : بعتني فين . مش فاهمه

رعد بصلها وهي اترعبت من نظرته

رعد بصوت مرعب : انا لحد دلوقتي بتكلم بهدوء ومش عايز اتعصب. انتي متعرفيش انا في عصبيتي بكون عامل ازاي . واحسنلك متعرفيش . عارف ان حد زقك عليا . وانا عايز اعرف هو مين.