ـ نرجس اگعدي نرججس
فزيت چنت منيميني بگرفان و مغطياتني بعباية مسحت عيوني عدل و باوعت حوالية نسوان گاعدات و گبالي نسوان يتفتشن
بسرعة فزيت و عدلت گعدتي هن اليفتشن هم فزن و اجن علية نفسها هاي الخادمة لزمت ايدي
ـ ها حبيبتي گعدتي شلون صرتي
ـ اني ما.... صفنت شون جبتوني هنا
گلتلي ـ واحد من الشباب لگاچ نايمة عبالنا مغمى عليچ بس من تأكدنا مبيچ شي جبناچ يمنا عفناچ ترتاحين عندچ موبايل بس معرفو حتى اهل الحاسبة يفتحوه و يتصلون على اهلچ
ـ اريد مي
جابتلي كاسة مي شربت شوية و نزلتها اخذت موبايلي محاوين يفرمتوه عدلته و فتحته
و اني احاچيها ـ مخليتلة قفل برنامج على الحاسبة مالتي
ـ يعني شغلچ هذا
ابتسمتلها ـ آسفة هواية امس چنت تعبانة و هيچ تخربطت ردت اگوم گامت وياي ـ وين تردين
التفتت عليها اني حايرة اكثر منها برطمت و گلتلها
ـ و الله ما اريد اروح من كربلاء لأي مكان كلها تعوفني بس هو ميعوفني
اخذت ايدي و طلعنا اني وياها گعدنا بين الحرمين سندت راسي و باوعت لقبة ابوفاضل ابتسمت و دموعي يجرن ـ تعرفين شي چانت ماما من تحچي عن كرامات ابوفاضل احچي عليها و اسكتها اگلها الي اريدة الحسين ينطينياه مو اخوه الي هو مو امام
التفتت عليها عاوجة راسها و تباوعلي
ـ الامام الحسين فد واحد حنوووون و الحنون من توجعه و تعرف غلطك تنكسر كسر اني امس چنت اطلب منه و اني وحدة اخلاقي مو خوش ربي الي حماني و رباني و خلة حتى طبيبي يگولي مرضچ حالة خاصة الظروف الي مريتي بيها خلته حالة خاصة متطور بسرعة و اني ربي اگول عليه
ميساعدني و صلاة ما اصلي
كل هالقرف بية و فوگاها ما چنت اعترف بمقام ابو الفضل و يساعدني
ابتسمت و دموعها يجرن ـ عادي اعتبري نفسچ غلطتي وية ابوچ و جيتي تعتذرين شمرتي روحچ بحضنه تبچين و تعتذرين اني و كل بشر مسوي اخطاء بس النخطأ وياه لازم نعتذر منه الفرق بين الخطأ وية رب العالمين و البشر انه هو يقبلك بأخطائك و يتوب عليك و يرفعك و هنيالة الي يعيش حالة الندم و القهر بعد التوبة مثل حالتچ هاي ترا الابو ميتحمل يصفح على ابنه و يبقى يشوفه يبچي ميتحمل يجي يحضنه و يخفف عليه
ابتسمت و كتلها ـ انتي هم الله اختارچ و دزاچ الي
هزت راسها ـ اي الله اذا شاف عبد بدأ ينضج يدزلة بطريقه ناس تگولة كلام يفيدة الله يدزلنا رسائل بهواي طرق و منها البشر الي يطلعون بطريقنا
اشتغل اللاسلكي مالتها ـ نرجس سالم يمكم اختي ام فاطمة نرجس سالم
ردت عليه ـ اي احنا بمنطقة ما بين الحرمين شكو
گلها ـ يمي شخص يگول هو خطيبها اسمه
ليث عبد علي
فزيت بسرعة و كتلها ـ اي ليث هو فدوة
جاوبته ـ خلي يطلع لمنطقة مابين الحرمين احنا منتظرينه برا
التفتت علية ـ هااا شنو هاي شو فرحتي هواية
حضنتها بوستني ـ حبيبتي دوم الفرحة ان شاءالله
گمت وياها و اني اگلها ـ منتظرته و هو طول هواية
ضغطت على ايدي الي لازمتها ـ خلصت ان شاءالله
بان ليث هو و واحد من الخدم وياه يسولفون من شفته فلتت ايدها و رحت عليه ابتسم و مد ايده گدامه ـ ديربالچ يمعودة لتطخيني
نزلن دموعي بسرعة و صرت اشكيلة ـ ليش مو گتلي تجي ليش جذبت علية و ما جيت صرت اخربط اني و فضاء دزتلي فيديو تگلي راح تصيرين مثل هالرجال
