الضوة القوي جبرني اغمض عيوني و ارجع افتحهن اكثر من مرة جانو مخليلي جهاز تنفس اصطناعي و بأيدي اليسرى جهاز اعطاء حوالية بردة خضرة و اسمع اصوات الناس الموجودة مديت ايدي و بعدت جهاز التنفس عني مرت ممرضة صحت وراها بصوت ضعيف
ـ فدوة آخخ اوگفي
فزت و اجت عندي مبتسمة ـ يااا الف الحمدلله على سلامتج كعدتي؟؟ راح اصيح الدكتورعافتني بت الاوادم و ما سمعت من اني العطش كاتلني و هاي حايرة بالدكتور
بسرعة وخر البردة دكتور و هي وياه يگلهم
ـ خابرو دكتورة ميعاد
لزم ايدي قاس النبض و هو مبتسم ـ الحمد لله على السلامة شلونج شتحسين
ـ ميتة عطش
هز راسه و خلة اصبعه گدامي و صار يحركه
ـ تبّعي وية اصبعي
ابتسم و گال ـ عال هسه الممرضة تجيبلچ مي
دور ايدة ـ ايه شتتذكرين عن آخر يوم مر بيچ
صفنت شوية و جاوبته ـ خابرت امي و تعاركت وية رجلها و بعدين اخذت ڤاليوم
جر حسرة راد يحچي شي بس من دخلت امي سكتدخلت هي و ابوية حضنتني
اميخلت راسها يم رگبتي گوة تحاچيني ـ ولچ يوم متت بغيابچ شتريدين مني ليش هيجي تسويني ولچ موتيني و لا تآذين روحچابوية باس راسي و خلة ايدي على شاليي و هو يسأل الدكتور ـ شصار وياها دكتور
نفخ الدكتور و كلهم ـ خلي يجي طبيبها النفسي حتى اتفاهم وياها براحتيامي لزمت ايدي و التفتت للدكتور سألته ـ صالح فدوة لعمرك خو ما بيها شي
رد الدكتور ـ ما بيها شي حاليا كلشي مستقر بس لازم اشوف طبيبها النفسي دكتور ليث اسمه مو؟؟من كال اسمه كورت عيوني شلون دكتور عكرة مينبلع و فوكاها نفسي يربي
جتي الممرضة شربتني مي هيچ رشفة بسرعة بس وخرت عني سمعت صوت ـ يمعود اني صيدلاني و دكتورة ميعاد عمتي و خطيبتي جوة
امي ابتعدت عني وگفت يم رجلية و صاحت بالممرضة ـ خليي يفوتفات سجاد و هو يلهث ابتسم من شافني و اجه لزم ايدي باسها و گلي
ـ ولچ ليش هيجي نرجس مگلتي شراح يصير بهذا؟ شلون تقبلين تعوفيني؟برطمت ـ و الله مو قصدي هو ڤاليوم
الطبيب رفع تك حاجب و رد ـ الي ياخذ ڤاليوم يآخذ وحدة ثنين كللللللش و هي خطأ ثنين بس مو ياخذ ستة بنفس الوقت
هزيت راسي و گتلة ـ مو ميفيدالتفت الطبيب و حاچه أمي ـ دكتورة ننقلها خاص يلا تشوفوها اطلعو هسة و اتصلي بطبيبها النفسي لازم اشوفه
ترك ايدي سجاد و طلع هو و اهلي اجوي الممرضات فكوني عن الاجهزة و طلعو السرير مالتي من العناية بالباب چانو هم منتظريني كل واحد اخذ طرف السرير يدفع لمن وصلوني و بقت بس ماما يمي باوعت لملابسي و كلتلها ـ متغيروهن الي
اجت يمي و خلت ايدها على راسي گلتلي ـ يوم خل يعرفون شبيچ اول شي تدرين صارلچ تلث ايام نايمةنزلن دموعها و كلتلي ـ لچ يوم سوولچ غسيل معدة و وگف گلبچ ولچ صدموچ بالكهرباء گدام عيوني
الممرضة لزنت ايدي و خلتلي كانونة و هي تگلها
ـ گولي يارب دكتورة ميعاد الله رحم بحالچ و دفع الله ماكان اعظم، ان ساء الله تشوفين اولاد اولادها