#مفترقات 🏗☔
#الحلقه_7♡ 🎐
اميره : طلعت من الجلسه لقت طارق
طارق : اسف مالحقتش عليك
اميره : عادي ولا يهمك شن دايره فاطمه
طارق : كويسه انتي شن دايره
اميره : الحمدلله
طارق : اميره بنحكي معاك في موضوع
اميره : بحتت فيه ش شنو
طارق : قمعزي بس
اميره : قمعزت و هوا قمعز جنبها هيا بعدت شويا
طارق : تنهد اميره انا نبي نقرا الفاتحه الخميس هذا ونجيبك عندي قبل ما يبان عليك الحمل و
اميره : قصت عليه بصوت واطي يلي تشوفه انت ديرا
طارق : فهم عليها تنهد و كمل كلامه خلاص تو اليوم نشوف المحكمه و بكرا نقولك
اميره : هزت راسها
______________________
جيهان : كنت نمشي ونتلمس و ندور في زين عند ما سمعته فالبلكوني يحكي
زين : ها ياروح بابا كنها تعيط اها باهي تمام اليوم تو نجيها تمام اوك
جيهان : معقوله زين متزوج وانا شن دخلني يزوج ولا ينحرق عليش وجعني قلبي
زين : شن اديري هنا
جيهان : فطنت ان شافها اانت متزوج
زين : خش و سكر البلكوني كم مره قتلك مادخلكش بيا
جيهان : سألت يعني
زين : معش تسألي مالا
جيهان : العتب عليا نحكي معاك
زين : عيونك توا احسن
جيهان : مادخلكش بيا
زين : يبحت في ساعته توا ساعه 12 نبي نطلع خليك في مكانك و ماتفتحيش لباب مش حنطول
جيهان : وي.. جت بتقوله وين ماشي ذكرت كلمته
زين : بحت فيها كملي
جيهان : قلبت عيونها شي شي وياريت طول نفتك من وجك شويا
زين : هز راسه خشي للدار خير ماتقعدي اتخبطي هنا
جيهان : تغمض في عيونها باهي قولي وين الدواء قبل
زين : جا لعندها و مسكها من يدها من فوق تعالي خشي للدار
جيهان : اي باهي يدي بشويه
زين : تجاهلها و خش بيها للدار حطها عالسرير وجا الدواء ارقدي عشان انديرلك
جيهان : كيف توا لبست وجه الحنون 🙃
زين : هيا
جيهان : رقدت و هوا دارلها القطره و طلع
رن على فرج يجيب ثنين يحرسو على ماهوا جا
Wiush_hamo ' للكاتبه
__________________
فاطمه : بعد ما كملت الحوش شفت ام طارق كانت راقده قمعزت فالصاله وانا شارده سمعت الباب يدق حطيت الوشاح على راسي و صبيت فتحت كان راجل رديت الباب طول
صاحب طارق : معليش طارق قاعد
فاطمه : بصوت يرجف لالا
صاحب : اوك تمام وعدا
فاطمه : طلعت راسي بنشوف ان عدا نشوف انس مصبي بعيد شويا ويبحت فيا لحضتها حسيت روحي انتهيت كرعيا معش شالني و لا قدرت نسكر الباب حتى شفته قرب مني وجيت بنسكر الباب هوا دفه بشويه
انس : لو ماتبيش شوشره اطلعي بالطيب
فاطمه : تبكي و ترعش اانس سيببني وورااسك
انس : على صوته اطلعي قللت
فاطمه : من الرعشه طلعت وانا حفاينه ونمشي مع للسياره ومش حاسه بشنو يلي خش في كرعيا ركبت معاه وهوا طول الطريق ساكت بس عروق رقبته باينات ووجه يخوف كنت عارفه ان هذي نهايتي قعدت نشهد و وصلنا للحوش
